1 तिमूतियूस 5:17 - जीवन को च्यानणो (सेकावाटी नया नियम की पोथ्या)

¹⁷ एक मुखिया क रूप म, जखाबी बिस्वासी मंडळी का मुखिया, चोखो काम करीं बे दुणा मान क जोगा समज्या जावै, खासकर बे जखा परचार अर सीखाबा म घणी मेनत करीं हीं।

1 तिमूतियूस 5:17 Iomraidhean Croise

मत्ती 24:25

पण थे सुणो म थानै अ सगळी बाता होबाऊँ पेल्याई बता दिनी ह।

लूका 10:7

अर जोक्यु बे थानै दे, बिनै खा-पीर बठैई रेहज्यो, क्युं क ध्यानग्यानै ध्यानगी को हक ह। अर बासो लेबा ताँई घर-घर मना भटकज्यो।

लूका 12:42

आ बात सुणर ईसु बोल्यो, “समजदार अर बिस्वास जोगो दास कूण ह? जिनै बिको मालिक घर चलाबा अर दुसरा दासानै टेमुटेम रोटी-टुक देबा ताँई भंडारी बणावै ह।”

यहून्ना 4:38

म थानै बि खेत की लावणी करबानै भेज्यो जिमै थे मेनत कोनी करी। दुसरा बिमै मेनत करी पण इब बि खेत का फळ म थारी बी पाँती ह।”

भेजेड़ा चेला का काम 11:30

अर बरनाबास अर साऊल क हाताऊँ यरूसलेम की बिस्वासी मंडळी का मुखिया क कनै थोड़ी घणी मदद भेजी।

भेजेड़ा चेला का काम 20:35

म परबु ईसु का बे बचन याद राख'र की ‘लेबाऊँ देबो चोखो ह।’ मेरा हाताऊँ मेनत कर माड़ानै समाळर थानै दिखायो हूँ।”

भेजेड़ा चेला का काम 28:10

बे म्हारी बोळी ईज्जत करी अर जद म्हें चालबा लाग्या जणा जोक्यु म्हानै आगै का गेला ताँई चावै हो, बे सगळी चिजा म्हानै दि।

रोमीयो 12:8

ज कोईसानै दुसरानै हिमत बंधाबा को बरदान मिल्यो ह जणा बो हिमत बंधावै। ज कोईसानै दान देबा को बरदान मिलेड़ो ह जणा बो खुला मनऊँ देवै। ज कोईसानै मुख्याई करबा को दान मिलेड़ो ह जणा बो मन लगार मुख्याई करै, अर ज कोईसानै दया करबा को बरदान मिलेड़ो ह जणा बो राजी हियाऊँ दया करै।

रोमीयो 15:27

हाँ, बे इ ताँई राजी बी हा अर बाको फरज बी बणै ह क्युं क ज गैर-यहूदि, यहूदि मिनखा का आत्मिक आसिरबाद म पाँती पताई ह जणा गैर-यहूदि मिनखानै बी आपकी सुक सुविदा म पाँती देणी चाए।

रोमीयो 16:12

तरेफेना अर तरेफोसानै जखी परबु म कड़ी मेनत करबाळी हीं, मेरो नमस्कार। मेरी लाडली परसिसनै जखी परबु म बोळी मेनत करी ह, मेरो नमस्कार।

1 कुरन्थीयो 15:10

अर आज म जोक्यु बी हूँ परमेसर की दयाऊँ हूँ, अर बिकी दया मेर ताँई बेकार कोनी गई म दुसरा भेजेड़ा चेलाऊँ बढचढ'र मेनत करी ह। पण आ मेरी काबलीयत कोनी आ तो परमेसर की दया ह।

1 कुरन्थीयो 16:16

थे खुदनै बानै अर बाकी जंय्यां मेनत क सागै परबु को काम करबाळा मिनखानै सूप द्‍यो।

1 कुरन्थीयो 3:9

परमेसर की सेवा म म्हें साती-संगी हां, अर थे परमेसर का खेत अर बिका भवन हो।

2 कुरन्थीयो 6:1

परमेसर का संगी होबा क नातै म्हें थानै समजावां हां क परमेसर की दया थार प होई ह बिनै बेकार मना जाबाद्‍यो।

गलातियो 6:6

जखा बचन की सीख सीखै ह, बिनै चाए क जखी चोखी चिजा बिकन ह, बो बानै आपका सीखाबाळा क सागै बांटै।

फलिपी 2:16

अर बानै जीवन को चोखो समचार सुणाणो चाए जणा आ सगळी बाता ताँई मनै मसी क ओज्यु आबा का दिन म थार प फकर होसी क चोखा समचारनै फेलाबा ताँई मेरो काम अर भाग-दोड़ अळी कोनी गई।

फलिपी 2:29

परबु म राजी होर भाई-भाई की जंय्यां बिऊँ मिलीयो अर बिकै जंय्यां का मिनखा को मान करिओ।

फलिपी 4:3

अर मेरा बिस्वासी सिरी सुजुगे, म तेरूँ बी अरदास कर आ चाऊँ हूँ क जखी लूगाया मेरै सागै चोखा समचारनै फेलाबा म क्लेमेंस अर मेरा ओर बी सिर्या क सागै मेनत करी ही बाको सागो दिआ कर क्युं क बाको नाम बी जीवन की पोथी म मंडेड़ो ह।

1 तिमूतियूस 3:5

ज कोई आदमी ओई कोनी जाणै क खुदका परवार की समाळ कंय्यां होवै, जणा बो परमेसर की बिस्वासी मंडळी की समाळ कंय्यां कर सकै ह?

1 तिमूतियूस 4:10

आपा इ ताँई मेनत अर कोसिस करां हां, क्युं क आपणी आस जीवता परमेसर म ह। जखो सगळानै, खासकर बिस्वास्यानै बचाबाळो ह।

1 तिमूतियूस 4:14

तेरै मांयनै जखो आत्मिक बरदान ह जखो तनै बि टेम मिल्यो हो जद परमेसर की खेबाळा अर बिस्वासी मंडळी का मुखिया तेरा सीर प तनै आसिरबाद देबा ताँई हात मेहल्या हा, बि बरदान बई लापरवा मना हो।

1 तिमूतियूस 4:16

खुद प अर तेरी सीख प ध्यान दे, अर आमै पक्को हो। क्युं क अंय्यां करबाऊँ तू, खुदनै अर तनै सुणबाळानै बचाबा की बजै बणसी।

1 तिमूतियूस 4:6

ज तू भाईड़ानै अ हिदायत देसी जणा तू मसी ईसु को चोखो दास होसी। इऊँ ओ बेरो पड़ै क, आत्मिक रूपऊँ बिस्वास का बचन अर सची सीख तेरै मांयनै ह, जखी तू मानतो आयो ह।

1 तिमूतियूस 5:19

कोईबी बिस्वासी मंडळी का मुखिया क खिलाप दो नहिस बिऊँ बेसी गुवा बिना बिपै लगाया गया दोस मना सुणजै।

1 तिमूतियूस 5:3

बा खालीहोइड़ी लूगाया की ईज्जत कर जाकी देखभाळ करबाळो कोई कोनी।

2 तिमूतियूस 2:6

मेनत करबाळा किसाननै सऊँ पेली धरती को फळ मिलणो चाए।

2 तिमूतियूस 4:2

परमेसर का बचना को परचार कर। टेम बेटेम मिनखानै सुदारबा ताँई त्यार रेह। तू मिनखानै सई कर अर बाका पाप प बाकै दकाल लगा। सागैई बानै उदास बी मना होबा दे, बानै हिदायत देती टेम सदाई थ्यावस राखजे।

इबरानीआ 13:17

थे थारा आत्मिक मुखिया प भरोसो करो अर बाकै बस म रेह्‍वो, क्युं क बे बाकी जंय्यां जानै लेखो देणो पड़ै ह थारा पिराणा ताँई जागता रेह्‍वै ह। अंय्यांई कर्या करो जिऊँ बाका काम थारै ताँई बोज नइ पण राजी होबा की बजे बणै। क्युं क बोज समज्या तो थारो क्युंई फाईदो कोनी होवै।

इबरानीआ 13:24

मेरै कानिऊँ थारा सगळा मुखियानै अर परमेसर का मिनखानै नमस्कार बोलज्यो। इटली म रेह्बाळा पबितर मिनख थानै नमस्कार खयां हीं।

इबरानीआ 13:7

थे बा मुखियानै याद राखो जखा थानै परमेसर को बचन सुण्या हीं। अर ध्यानऊँ बाका चाल-चलन का फळनै देखर बाकी जंय्यांई बिस्वास करो।