1 तिमूतियूस 4:3 - जीवन को च्यानणो (सेकावाटी नया नियम की पोथ्या)

³ अंय्यां का मिनख ब्या करबानै गळत अर खाबा की क्युंक चिजाऊँ परेज करबा की सीख देसी, पण परमेसर बा चिजानै इ ताँई बणायो हो क, बिस्वासी अर सचनै जाणबाळा बानै परमेसर को धनेवाद कर खावै।

1 तिमूतियूस 4:3 Iomraidhean Croise

मत्ती 14:19

अर बे भीड़ का मिनखानै ओडाया, “थे घास प बेठ ज्याओ।” बिकै पाछै बे बा पाच रोट्यानै अर दो मछ्यानै लेर ईस्बर नगरी क कानि देख्या अर परमेसरनै धनेवाद देर बा रोट्या का अर मछ्या का टुकड़ा कर आपका चेलानै देता गया अर चेला लोगानै देता गया।

मत्ती 15:11

मिनख मुंडा म जोक्यु बी खावै ह बो बिनै सूगलो कोनी करै, पण बिका मुंडाऊँ निकळबाळा सबद बिनै सूगलो करै ह।”

मत्ती 15:36

अर बा सात रोट्या अर मछ्यानै लेर परमेसर को धनेवाद कर्यो। अर बानै तोड़-तो'ड़र चेलानै देतो गयो अर चेला लोगानै परोसता गया।

लूका 24:30

अर जद रोटी खाबा बो बाकै सागै चोकी प बेठ्यो जणा रोटी उठार परमेसर को धनेवाद कर्यो अर रोटी तोड़र बानै दिनी।

यहून्ना 6:23

जणा तिबरिआस नगरीऊँ क्युंक न्यावा बि झघा आई, जठै परबु क धनेवाद देबा क पाछै मिनख रोटी खाई ही।

भेजेड़ा चेला का काम 27:35

आ खेर पोलुस रोटी ली अर सगळा क सामै परमेसर को धनेवाद देर बिका टुकड़ा कर खाबा लाग्यो।

रोमीयो 14:17

क्युं क परमेसर को राज खाबो-पीबो कोनी पण बो तो धारमिक्‍ता, स्यांती अर पबितर आत्माऊँ मिलबाळो सुक ह।

रोमीयो 14:3

जखा सक्यु खावीं हीं बे बाको तिरस्कार नइ करै जखा साग-पात खावीं हीं। अर साग-पात खाबाला बानै गळत नइ बतावै जखा सक्यु खावीं हीं। क्युं क परमेसर बानै अपणायो ह।

रोमीयो 14:6

जखो मिनख कोई दिननै खास दिन मानै ह बो अंय्यां परबुनै आदर देबा ताँई करै ह। अर जखो सक्यु खावै ह बो बी परबुनै मान देबा ताँई खावै ह, क्युं क बे रोटी ताँई परमेसरनै धनेवाद देवीं हीं। जखा क्युंक चिजा कोनी खावीं बे बी अंय्यां परबुनै मान देबा ताँई करीं हीं। अर परमेसरनै धनेवाद देवीं हीं।

1 कुरन्थीयो 6:13

खेबत म आवै ह क, “रोटी पेट ताँई अर पेट रोटी ताँई होवै ह” पण परमेसर आ दोन्यानैई नास कर देसी। अर आपणी काया कुकरम करबा ताँई कोनी पण परबु की सेवा करबा ताँई ह। अर काया ताँई परबु बंदोबस्त करै ह।

1 कुरन्थीयो 7:28

अर ज तू ब्या बी करै ह तो ओ पाप कोनी; अर ज कोई कुंआरी छोरी ब्याई जावै ह तो बा कोई पाप कोनी करै। पण ब्याईड़ा मिनखानै बोळी परेसानी होवै ह अर म आ परेसान्याऊँ थानै बचाबो चाऊँ हूँ।

1 कुरन्थीयो 8:8

अर बो परसाद आपानै परमेसर क कनै लेर कोनी जावै। इ ताँई ज आपा परसाद ना खावां जणा आपणो क्युंई कोनी घटै अर ज खावै जणा क्युंई बढै कोनी।

कलुसीयो 2:16

इ ताँई खाबो-पीबो, तिहवार, पुन्यु अर अरामहाळा दिन क बारां म बताबाळा नियम सदाई कोनी बण्या रेह्‍वै अर अ रिती-रिवाज छाया जंय्यां का हीं पण सचाई तो मसी मई ह इ ताँई ज कोई थार प आ बाता की बजेऊँ बलेम लगावै जणा बिऊँ दुखी मना होवो।

कलुसीयो 3:17

मेरो खेबा को मतबल ओ ह क, थे जोक्यु करो अर बोलो बो परबु ईसु मसी क नामऊँ होणो चाए अर बिका नामऊँई परम-पिता परमेसरनै धनेवाद द्‍यो।

1 तिमूतियूस 2:4

अर बो चावै क, धरती का सगळा मिनख बचज्यावीं अर बे सचनै जाणी।

1 तिमूतियूस 4:4

क्युं क परमेसर को सिरजेड़ो सक्यु चोखो ह क्युं बी बगाबा जोगो कोनी, पण धनेवाद कर सक्यु खायो जा सकै ह,

1 तिमूतियूस 5:14

जणा म चाऊँ हूँ क, जवान खालीहोइड़ी लूगाई ब्या कर टाबर जलमै, अर आपका घर की देखभाळ करै, जिऊँ बे आपणी बुरी चितबाळानै आपणै खिलाप बुरो खेबा को मोको नइ दिं।

इबरानीआ 13:4

ब्या सगळा ताँई आदर की बात समजी जाणी चाए। अर ब्याईड़ा लूगाई मोट्यार एक दुसरा बेई पबितर रेह्‍वै, क्युं क परमेसर दुसरा लूगाई मोट्यार क सागै नाजायज समंद राखबाळा अर कुकरमीनै सजा देसी।

इबरानीआ 13:9

भात-भात की अणजाणी सीख की भंगर्या म मना आज्यो, क्युं क थारा हिया ताँई ओ चोखो ह क बे खाबा-पीबा का नियमा क बजाय दया की बजेऊँ मजबूत बणै। अर जखा खाबा-पीबा का नियमानै मान्या बाऊँ बाको कदैई भलो कोनी होयो।