1 तिमूतियूस 4:16 - जीवन को च्यानणो (सेकावाटी नया नियम की पोथ्या)

¹⁶ खुद प अर तेरी सीख प ध्यान दे, अर आमै पक्को हो। क्युं क अंय्यां करबाऊँ तू, खुदनै अर तनै सुणबाळानै बचाबा की बजै बणसी।

1 तिमूतियूस 4:16 Iomraidhean Croise

मरकुस 13:9

पण थे समळर रेहज्यो, थानै पकड़र कचेरी म सूप्यो ज्यासी अर थानै अरदास करबाळी झघा म पिट्यो जासी अर थानै मेरा नाम अर चोखा समचार की बजेऊँ पंचा, राजा अर हाकीमा क सामै खड़्यो कर दिओ जासी जिऊँ थे बानै चोखो समचार बता सको।

लूका 21:34

“इ ताँई चेता म रेह्‍वो, कदै अंय्यां नइ होज्या क थे तो लाग्या रेह्‍वो पीबा-खाबा अर आटा चून की चिंत्या म अर बो दिन थार प फंदा की जंय्यां आ पड़ै।

भेजेड़ा चेला का काम 26:22

पण परमेसर की दयाऊँ म आज अठै खड़्यो हूँ अर छोटाऊँ लेर बडा ताँई सगळानै मेरी गुवाई देर्यो हूँ। अर बा बातानै छोडर ओर क्युंई कोनी खेऊँ जानै मूसा अर परमेसर की खेबाळा कह्या हा क अ बाता होबाळी ह।

भेजेड़ा चेला का काम 6:4

अर म्हें म्हारो सगळो टेम अरदास करबा अर बचन को परचार करबा अर सीखाबा म लगास्यां।”

रोमीयो 11:14

बंय्यांई म चाऊँ हूँ क कंय्यां बी कर म मेरा मिनखा म होड पैदा कर सकूँ अर बामैऊँ क्युंकनै बचा सकूँ।

रोमीयो 16:17

मेरा लाडला बिस्वास्यो, म थारूँ खेऊँ हूँ क, थानै जखी सीख मिली, बिकै खिलाप थारै म फूट गेरबाळा अर दुसरा का बिस्वासनै बिगाड़बाळाऊँ दूर रेह्ओ।

रोमीयो 2:7

बे मिनख जखा थ्यावसऊँ भला कामा म लागर मेमा, मान-समान अर अजर-अमर जीवननै टोवीं हीं बानै परमेसर अजर-अमर को जीवन देसी।

1 कुरन्थीयो 1:21

इ दुनिया का मिनख बुदीऊँ परमेसरनै कोनी जाण्या। क्युं क आ परमेसर सोच समजर ध्यार राखी ही। इ ताँई परमेसरनै ओ चोखो लाग्यो क इ परचार क जरिए जखो आपा करां हां जिनै इ दुनिया का मिनख बकवास जाणी हीं बिस्वास करबाळानै बचावै।

1 कुरन्थीयो 9:22

अर म बिस्वास म कमजोर ताँई कमजोर बण्यो जिऊँ म बानै मसी म ल्या सकूँ अर म मिनखा ताँई क्युंना क्युं बण्यो जोक्यु हो सकै हो बो म कर्यो की म बामैऊँ क्युंकनै बचा सकूँ।

1 कुरन्थीयो 9:27

पण म तो मेरी कायानै बस म कर मेरै खया म चलाऊँ हूँ, क्युं क कदै अंय्यां नइ हो क म दुसरानै तो परचार करूं पण खुद निकम्मो खुवाऊँ।

इफिसुस 4:14

जिऊँ आपा टाबरपुणो नइ करां। जिऊँ आपा मिनखा का ठगपुणा अर चतराईऊँ अर बाकी भंगराबाळी सीख म आर इनै-बिनै भटकता नइ फिरां।

कलुसीयो 4:17

अर परबु की सेवा ताँई जखा काम दियड़ा हीं बानै ढंगऊँ करबा ताँई अरखिप्पुसनै बोलजे।

1 थिसलूनिकी 2:16

अर बे गैर-यहूदि मिनखानै छुटकारा को चोखो समचार सुणाबा ताँई आपानै रोकै ह। अंय्यां करबाऊँ बाकै पाप को घड़ो भरर्यो ह अर परमेसर को परकोप बापै आग्यो ह।

1 तिमूतियूस 1:3

जंय्यां क म मकीदुनिया जाती टेम तनै इफिसुस म रेह्बा ताँई बोल्यो हो, जिऊँ तू क्युंक मिनखानै आदेस दे क, बे झूठी सीख नइ देवै,

1 तिमूतियूस 4:15

बा बरदानानै काम म लेतो रेह अर बामै ध्यान लगायो राख, जिऊँ तेरी तरक्की सगळा देख सकै।

1 तिमूतियूस 4:6

ज तू भाईड़ानै अ हिदायत देसी जणा तू मसी ईसु को चोखो दास होसी। इऊँ ओ बेरो पड़ै क, आत्मिक रूपऊँ बिस्वास का बचन अर सची सीख तेरै मांयनै ह, जखी तू मानतो आयो ह।

2 तिमूतियूस 2:10

जणाई म टाळेड़ा मिनखा ताँई सक्यु भोगज्याऊँ हूँ जिऊँ बे बि जीवननै जखो मसी ईसु म ह, अर बिकै सागै जुग-जुग की मेमानै लीं।

2 तिमूतियूस 3:14

पण तू बा बाता प जखी तू सीखी ह, अर जाकै बारां म तनै पक्को बिस्वास ह, आ जाणर की तनै बे बाता सीखाबाळा कूण हा बामै बण्यो रेह।

2 तिमूतियूस 4:2

परमेसर का बचना को परचार कर। टेम बेटेम मिनखानै सुदारबा ताँई त्यार रेह। तू मिनखानै सई कर अर बाका पाप प बाकै दकाल लगा। सागैई बानै उदास बी मना होबा दे, बानै हिदायत देती टेम सदाई थ्यावस राखजे।

तितूस 1:9

बो बिस्वास जोगा परमेसर का समचार म मजबूती क सागै ठिक बंय्यांई बिस्वास करै जंय्यां क बिनै सीखायो गयो ह। जिऊँ क बो ओरानै बी सची सीखऊँ हिमत बंधा सकै। अर जखा सामै होवै बा मिनखा को मुंडो बंद कर बानै मनवा सकै क बे गळत हीं।

तितूस 2:15

तू अ सगळी बाता अधिकार क सागै तेरा सुणबाळानै सीखा, जुर्त पड़ै तो बाकै दकाल लगा अर जुर्त पड़ै तो हिमत बंधा। कोईकै सामैई तनै निचो नइ देखणो पड़ै।

तितूस 2:7

तू खुद बोई कर जखो चोखो ह, जिऊँ दुसरानै बेरो पड़ै की बानै कंय्यां को बरताव करबो चाए। तू तेरी सीख म ईमानदार अर खरो बण्यो रेह।

फिलेमोन 1:19

म पोलुस मेरै हातऊँ मांडर्यो हूँ क, म तेरो सक्यु चुका देस्युँ। अर आ बात मनै बताबा की जुर्त कोनी क तेरो जीवन मेरो करजदार ह।

इबरानीआ 12:15

थे ध्यानऊँ रेहज्यो कदै अंय्यां नइ होज्या क थारै मऊँ कोई परमेसर की दयाऊँ चूक ज्यावै। अर ध्यान राखज्यो क थारै मऊँ कोई खारी जड़ नइ निकळै जखी कयानै असुद अर दुख देबा की बजे बाजै।

इबरानीआ 13:9

भात-भात की अणजाणी सीख की भंगर्या म मना आज्यो, क्युं क थारा हिया ताँई ओ चोखो ह क बे खाबा-पीबा का नियमा क बजाय दया की बजेऊँ मजबूत बणै। अर जखा खाबा-पीबा का नियमानै मान्या बाऊँ बाको कदैई भलो कोनी होयो।

याकूब 5:20

जणा बिनै ओ जाण लेणो चाए क, पापी मिनखनै पाप का गेलाऊँ ओज्यु सई गेलो दिखाबाळो, बि पापी मिनख की आत्मानै जुग-जुग की मोतऊँ बचावै ह। अर बो बिका बोळा पाप धोबा की बजे बणज्यावै ह।