1 तिमूतियूस 4:13 - जीवन को च्यानणो (सेकावाटी नया नियम की पोथ्या)

¹³ जद ताँई म थार कनै नइ आऊँ तू तेरो टेम अर तेरी मेनत मिनखानै नेम-कायदानै बाचर सुणाबा, बचन को हेलो पाड़बा अर सीखाबा म लगाजे।

1 तिमूतियूस 4:13 Iomraidhean Croise

यहून्ना 5:39

थे पबितर सास्तर का आंक बाचो हो, क्युं क थे सोचो हो क आ आंका म थानै अजर-अमर जीवन मिलसी। पण अ आंक बी मेरै बारां मई मांडेड़ा हीं।

भेजेड़ा चेला का काम 17:11

अठै का यहूदि थिसलूनिकी का यहूदि मिनखाऊँ चोखा हा अर बे पूरा मनऊँ बचननै अपणाया अर बे रोजकी बाकी बोलेड़ी बातानै सास्तर म टोता हा क बे बंय्यांई ह क कोनी।

भेजेड़ा चेला का काम 6:4

अर म्हें म्हारो सगळो टेम अरदास करबा अर बचन को परचार करबा अर सीखाबा म लगास्यां।”

रोमीयो 12:8

ज कोईसानै दुसरानै हिमत बंधाबा को बरदान मिल्यो ह जणा बो हिमत बंधावै। ज कोईसानै दान देबा को बरदान मिलेड़ो ह जणा बो खुला मनऊँ देवै। ज कोईसानै मुख्याई करबा को दान मिलेड़ो ह जणा बो मन लगार मुख्याई करै, अर ज कोईसानै दया करबा को बरदान मिलेड़ो ह जणा बो राजी हियाऊँ दया करै।

1 कुरन्थीयो 14:26

मेरा लाडला बिस्वास्यो, परमेसर को नाम लेबा ताँई जद बी एक सागै भेळा होवो जणा एक मिनख तो परमेसर को गुणगान गावै दुसरो सीख देवै, एक परमेसरऊँ आएड़ा दरसाव बतावै जदकी दुसरो न्यारी-न्यारी बोली म बोलै अर एक इको मतबल बतावै। अ सगळी बाता बिस्वासी मंडळीनै पक्को करबा ताँई होणी चाए।

1 कुरन्थीयो 14:3

पण जखा मिनख परमेसरऊँ आबाळा बोलां का समचार को हेलो पाड़ै ह, बे मिनखानै आत्मा म पक्को करै ह, बानै स्यांती देवै ह अर हिमत बंधावै ह।

1 कुरन्थीयो 14:6

मेरा लाडला बिस्वास्यो, ज म थारै कनै आर दरसाव नहिस समजदारी नहिस परमेसरऊँ आबाळा बोल नहिस सीख देबाळी बाता नइ बताऊँ, पण न्यारी-न्यारी बोली बोलुँ जणा थानै मेरूँ काँई फाईदो?

1 तिमूतियूस 4:16

खुद प अर तेरी सीख प ध्यान दे, अर आमै पक्को हो। क्युं क अंय्यां करबाऊँ तू, खुदनै अर तनै सुणबाळानै बचाबा की बजै बणसी।

1 तिमूतियूस 4:6

ज तू भाईड़ानै अ हिदायत देसी जणा तू मसी ईसु को चोखो दास होसी। इऊँ ओ बेरो पड़ै क, आत्मिक रूपऊँ बिस्वास का बचन अर सची सीख तेरै मांयनै ह, जखी तू मानतो आयो ह।

2 तिमूतियूस 3:15

अर टाबरपुणाऊँई तू पबितर सास्तरनै जाणै ह जखो मसी ईसु म बिस्वास की बजेऊँ तनै छुटकारा ताँई बुदी दे सकै ह।

2 तिमूतियूस 4:2

परमेसर का बचना को परचार कर। टेम बेटेम मिनखानै सुदारबा ताँई त्यार रेह। तू मिनखानै सई कर अर बाका पाप प बाकै दकाल लगा। सागैई बानै उदास बी मना होबा दे, बानै हिदायत देती टेम सदाई थ्यावस राखजे।

तितूस 2:15

तू अ सगळी बाता अधिकार क सागै तेरा सुणबाळानै सीखा, जुर्त पड़ै तो बाकै दकाल लगा अर जुर्त पड़ै तो हिमत बंधा। कोईकै सामैई तनै निचो नइ देखणो पड़ै।