1 तिमूतियूस 3:4 - जीवन को च्यानणो (सेकावाटी नया नियम की पोथ्या)

⁴ बो आपका परवार की समाळ करबाळो होवै, अर बिका टाबर बिकी पूरी ईज्जत करै अर बिका कह्या म चालै।

1 तिमूतियूस 3:4 Iomraidhean Croise

भेजेड़ा चेला का काम 10:2

बो परमेसर को भगत हो जखो आपका पूरा परवार समेत ईस्बर को डर मानतो हो, बो सदाई गरीबानै दान दिआ करतो हो अर परमेसरऊँ अरदास कर्या करतो हो।

इफिसुस 5:24

इ ताँई जंय्यां बिस्वासी मंडळी मसी क बस म ह बंय्यांई लूगायानै बी चोखी बाता म आपका मोट्यारा क बस म रेह्णो चाए।

फलिपी 4:8

मेरा लाडला बिस्वास्यो, जखी बाता सची, आदरमान करबाळी, धारमिक, पबितर, प्यारी, सदगुण, चोखी, बडाई जोगी ह बा बाताऊँ थे थारी बुदीनै भरल्यो।

1 तिमूतियूस 3:12

बिस्वासी मंडळी का सेवक क एकई लूगाई हो, अर बो खुदका टाबरा अर खुदका परवारनै सूल चलाबाळो हो।

तितूस 1:6

एक बडका म अ बाता होणी चाए क, बिमै कोई एब नइ हो, बिकै एकई लूगाई हो, बिका टाबर बिस्वासी, संस्कारी अर आज्ञा मानबाळा हो।

तितूस 2:2

बूडा-ठेरानै हिदायत दे क बे सिदा-सादा, थ्यावस राखबाळा, खुदनै बस म राखबाळा लोगा म बुजहाळा, प्यार-परेम अर बिस्वास म मजबूत अर बरदास करबाळा हो।

तितूस 2:7

तू खुद बोई कर जखो चोखो ह, जिऊँ दुसरानै बेरो पड़ै की बानै कंय्यां को बरताव करबो चाए। तू तेरी सीख म ईमानदार अर खरो बण्यो रेह।