1 तिमूतियूस 3:16 - जीवन को च्यानणो (सेकावाटी नया नियम की पोथ्या)

¹⁶ कोई कोनी नट सकै क, भगती को भेद कंय्यां को म्हान ह, बो जखो मिनख जूण म परगट होयो, पबितर आत्मा जिनै धरमी बतायो, अर ईस्बर नगरी दुत जिनै देख्या, देस-देस म बिको परचार कर्यो गयो, जगत म बिपै बिस्वास कर्यो गयो, अर ईस्बर नगरी म उठा लिओ गयो।

1 तिमूतियूस 3:16 Iomraidhean Croise

मत्ती 1:23

“देखो, एक कुंआरी छोरी आसऊँ होसी अर एक बेटो जलमसी अर बिको नाम इम्मानुअल राख्यो ज्यासी बिको मतबल ह परमेसर म्हारै सागै ह।”

मत्ती 13:11

ईसु बाऊँ बोल्यो, “थानै तो ईस्बर नगरी राज का भेद को ज्ञान दिओ गयो ह पण बानै कोनी दिओ गयो।

मत्ती 28:2

अर चाणचुकई एक जोरको भूचाळ आयो अर बि टेमई ईस्बर नगरी दुत धरती प आयो बो कबर प जार बिका मुंडापै लागेड़ा भाठानै हटार बिपै बेठगो।

मत्ती 3:16

अर ईसु पाणी को बतिस्मो लेर जंय्यांई पाणी मऊँ बारनै आयो अकास खुलग्यो, अर ईसु परमेसर की पबितर आत्मानै कबूतर क रूप म आपकै उपर उतरता देख्यो।

मत्ती 4:11

जणा सेतान बिकनऊँ चलेगो अर, ईस्बर नगरी दुत आर बिकी देखभाळ करबा लाग्या।

मरकुस 1:13

उजाड़ म चाळिस दिना ताँई सेतान बिनै बिचासतो रिह्यो अर बो बठै जंगली जिनावरा क सागै रेह्तो अर ईस्बर नगरी दुत बिकी खेचळ करता हा।

मरकुस 16:19

अ सारी बाता बोलबा क पाछै ईसु ईस्बर नगरी म उठा लिओ गयो अर परमेसर क दाया नाकै जार बेठगो।

मरकुस 16:5

बे बेगीसी कबर क मांयनै जार देखी क एक मोट्यार धोळा गाबा पेर्या दाया नाकै बेठ्यो हो अर बे बिनै देखर उकचुक होगी।

लूका 2:32

ओ बा गैर-यहूदि मिनखा ताँई थारो गेलो दिखाबाळो उजाळो अर थारा इजरायल का मिनखा ताँई मेमा ह।”

लूका 20:44

“दाऊद खुद बिनै परबु बोलै, जणा बो बिकी ओलाद कंय्यां हो सकै ह?”

लूका 22:43

जणा बठै बिकै सामै एक ईस्बर नगरी दुत परगट होयो अर बिनै हिमत बंधायो।

लूका 24:4

बे खड़ी-खड़ी सोचबा लागी क, “ईसु की लास कठै गई,” अत्ती बारां मई बाकन दो आदमी आर खड़्या होगा जाका गाबा भळका मारै हा।

लूका 24:51

अर बानै आसिरबाद देतानैई नाकै कर ईस्बर नगरी म उठा लिओ गयो।

यहून्ना 1:14

बचन देधारी होयो। बो दया अर सच क सागै म्हारै मांयनै रिह्यो। अर म्हें बिकी अंय्यां की मेमा देखी जंय्यां परम-पिता का इकलोता बेटा की मेमा।

यहून्ना 13:3

ईसु जाणतो हो क परम-पिता बिकै हाता म सक्यु सूप दिओ ह। अर बो परमेसर क कनैऊँ आयो अर बिकनई पाछो जार्यो ह।

यहून्ना 15:26

“जद बो मददगार आसी जखी पबितर आत्मा ह, परम-पिता को सच परगट करसी, अर बा बिकी भेजेड़ीई आसी। बि पबितर आत्मानै म भेजस्युं अर बा मेरै बारां मई बोलसी।

यहून्ना 16:28

म परम-पिता कानिऊँई इ जगत म आयो। इब म इ जगतनै छोडर परम-पिता कनै जार्यो हूँ।”

यहून्ना 17:5

अर इब, ओ परम-पिताजी, सरस्टि की सरूआतऊँ पेली आपा जखी मेमा म हा, बि मेमा म मनै लेज्याओ।

यहून्ना 20:12

जणा बिनै जठै ईसु की लास पड़ी ही बठै दो ईस्बर नगरी दुत भळका मारता गाबा पेर्या दिख्या। एक तो सीराणै हो अर दुसरो पगात्या बेठ्यो हो।

यहून्ना 6:62

जणा थे काँई करस्यो जद थे मिनख का बेटानै आसमान म उपर जाता देखस्यो, जठै बो पेली हो?

भेजेड़ा चेला का काम 1:19

इ बात को बेरो सगळी यरूसलेम नगरीनै पड़्यो। जणाई तो बाकी बोली म बि खेत को नाम हकलदमा पड़्यो जिको मतबल ‘लोय को खेत होवै ह।’

भेजेड़ा चेला का काम 10:34

जणा पतरस खेबा लाग्यो, “इब मनै पक्को बेरो पड़गो की परमेसर कोई भेद-भाव कोनी करै।

भेजेड़ा चेला का काम 14:27

बठै जार बे बिस्वासी मंडळी की सभा बुलार बानै बे सगळी बाता खे सुणाई जखी परमेसर गैर-यहूदिआ क मांयनै बाकै हाता करवायो अर कंय्यां गैर-यहूदि मिनखा ताँई सचा परमेसरनै मानबा को गेलो खुल्यो।

भेजेड़ा चेला का काम 20:28

जणा इब थे बिस्वासी मंडळी का रूखाळा हो आ जिमेदारी थानै पबितर आत्मा सूपी ह। बा लल्ड्या का रेवड़ा का गुवाळ्या बणो, जिनै परमेसर आपका बेटा का लोयऊँ मोल लिओ ह।

रोमीयो 10:12

आ इ ताँई ह क यहूदि मिनखा अर यूनानी मिनखा म कोई भेद कोनी क्युं क सगळा को परबु एकई ह। अर बिकी अपरम्पार दया बा सगळा ताँई ह जखा बिनै हेलो देवै ह।

रोमीयो 10:18

पण म बुजूँ हूँ, के बे हेलो कोनी सुण्या? हाँ, पक्काई सुण्या। सास्तर बोलै ह: “बाकी उवाज सगळी धरती प फेलगी, अर बाका बचन धरती का इ कूणाऊँ बि कूणा ताँई पुग्या।”

रोमीयो 16:25

बिकी बडाई होवै जखो थानै, ईसु मसी का संदेस, जि चोखा समचार को म हेलो पाड़ूँ हूँ अर परमेसर का परगट होयड़ा बि भेदभर्या सच गेल जखो जुगादऊँ लुखेड़ो हो, मजबूत बणाबा की सक्‍ति राखै ह।

रोमीयो 16:26

जिनै जुग-जुग बण्या रेह्बाळा परमेसर का हुकमाऊँ परमेसर की खेबाळा का लेखा क जरिए सगळा गैर-यहूदि मिनखा प परगट कर बता दिओ गयो ह, जिऊँ बामै बिस्वासऊँ पैदा होबाळी कह्यो मानबा की मनस्या पैदा होवै।

रोमीयो 3:4

नइ, अंय्यां कोनी, ज सगळा मिनख झूठा होवै जणा बी परमेसर सचोई ह। जंय्यां क मंडर्यो ह: “जिऊँ तू तेरी बाता म धरमी होवै, अर जद न्याय करै जणा तेरी जे हो।”

रोमीयो 8:3

नेम-कायदो आपानै कोनी बचा सक्यो क्युं क पापी मिनख सुभाव की बजेऊँ बो कमजोर होगो। जणा परमेसर बो कर्यो जखो नेम-कायदो कोनी कर सक्यो, बो आपका एकलोता बेटानै आपणा पाप की सजा भोगबा ताँई आपणी पाप्या की काया स्यारकी काया म भेज्यो। अंय्यां परमेसर पापी काया म पापनै दंड दिओ।

रोमीयो 9:5

बडका बाऊँई नातो राखी हीं, अर मिनख क जाया क रूप म मसी बामैऊँई जलम्यो जखो सगळा को परमेसर ह अर सदाई धने ह! आमीन।

1 कुरन्थीयो 15:47

पेला मिनखनै धरती की माटीऊँ सरज्यो गयो। पण दुसरो मिनख मसी ईस्बर नगरीऊँ आयो।

1 कुरन्थीयो 2:7

पण आपा परमेसर का बि भेदभर्या सच अर लुखेड़ा ज्ञान को हेलो पाड़ां हां, जिनै परमेसर आपणी मेमा करबा ताँई जुगादऊँई ते कर राख्यो ह।

2 कुरन्थीयो 1:19

क्युं क परमेसर का बेटा ईसु मसी जिको परचार तिमूतियूस, सिलवानुस अर म कर्या हा बो हाँ-हाँ अर नइ-नइ म कोनी हो। पण ईसु मसी म बो हाँ म हो।

गलातियो 2:8

क्युं क परमेसर, जखो पतरसनै भेजर यहूदि मिनखा म आपको काम कर्यो, इब बोई परमेसर मनै बी गैर-यहूदि मिनखा म भेजेड़ो चेलो बणार काम लेर्यो ह।

गलातियो 4:4

पण जद ते टेम आयो, जणा परमेसर आपका बेटानै भेज्यो बो लूगाईऊँ जलम्यो। अर बो नेम-कायदानै मान्यो,

इफिसुस 1:9

परमेसर बोई कर्यो जखो बिको मकसद हो, अर बो बि भेदनै आपानै बतायो जिनै मसीऊँ पूरो करबा ताँई बो पेल्याऊँई ध्यार राख्यो हो।

इफिसुस 6:19

अर सागै की सागै मेर ताँई बी अरदास कर्या करो क बोलबा की घड़ी परमेसर मनै अंय्यां को जोरदार समचार दे जिका भेदनै म बेधड़क होर बता सकूँ।

कलुसीयो 1:23

ओ जणाई हो सकै ह जद थे बिस्वास म एक झघा अर अटल बण्या रह्यो अर जि चोखा समचारनै थे सुण्या हो बिऊँ मिलेड़ी बि आसनै मना तजो। ओ बोई चोखो समचार ह जिको म पोलुस गुलाम बण्यो हूँ अर इकी इ जगत का सगळा मिनखानै सीख दिनी गई ह।

कलुसीयो 1:27

परमेसर आपका टाळेड़ा मिनखा प बि भेदभर्या सतनै परगट कर्यो जिकी बो मनस्या बणा राखी ही ओ सत बोळो मेमाभर्यो ह, अर ओ सगळा ताँई ह। ओ भेद भर्यो सत ओ ह क, मसी गैर-यहूदि मिनखा म बी रेह्‍वै ह जखो मेमा की आस ह।

कलुसीयो 1:6

चोखो समचार सगळा जगत म फळर्यो-फुलर्यो अर फेलर्यो बी ह। बंय्यांई जद थे परमेसर की दया क बारां म सुण्या अर सचमई बिनै समज्या हा जदऊँ लेर थारै म बी चोखो समचार फळर्यो-फुलर्यो अर फेलर्यो बी ह।

कलुसीयो 2:2

ओ म इ ताँई करूं हूँ क, बाका हिया म हिमत बंधै अर बे आपसरी का प्यार-परेम म बंद जावै, अर बाकन मोकळी पक्की समज होवै जखी परमेसर पिता का भेदनै सूल जाणबाऊँ आवै ह। ओ भेद मसी ह जिनै परमेसर खोल्यो ह।

2 थिसलूनिकी 1:10

ओ बी दिन होसी जद बो आपका सगळा परमेसर का मिनखाऊँ जखा बिपै बिस्वास करीं हीं बाऊँ मेमा अर आदरमान लेबा आसी। थे बी बा मिनखा म होस्यो, क्युं क म्हें जखो चोखो समचार थानै सुणायो ह बिपै थे बिस्वास कर्यो ह।

2 थिसलूनिकी 2:7

पण परमेसर का सगळा नियम कायदानै तोड़बाळो ओला म तो हाल बी काम करर्यो ह, क्युं क अठै क्युं तो पक्काई ह, जखो बिनै इब बी चोड़ा म कोनी आबा देर्यो।

1 तिमूतियूस 3:9

बे बिस्वास का सचनै साप अन्तर-आत्माऊँ दिखाबाळा होणा चाए।

इबरानीआ 1:3

परमेसर को बेटो परमेसर की मेमा को उजाळो अर बिमै बिकोसोई सुभाव ह। बोई आपका बचना की सक्‍तिऊँ सरस्टि की सगळी चिजानै थाम राखी ह। बो मिनखा का पापनै धोर ईस्बर नगरी म सऊँ सक्‍तिसाली परमेसर क दायणै हात जार बेठगो।

इबरानीआ 12:2

आओ ल्यो आपा आपणी आँख्या ईसु प लगावां। जखो बिस्वास को मालिक अर बिनै निधान करबाळो ह। बो आगला सुक क बारां म सोचतो होयो बेजती होबा की चिंत्या कर्या बिना सुळी प दुख भोग्यो अर परमेसर क सिंघासन क दायणै जार बिराजगो।

इबरानीआ 7:7

इमै सक की कोई गुंजाईस कोनी क बडा छोटानै आसिरबाद देवै ह।

इबरानीआ 8:1

जोक्यु बी म्हें खेर्या हां बा सगळी बाता मऊँ बडी बात तो आ ह क आपणै कनै अंय्यां को म्हायाजक ह जखो ईस्बर नगरी म सऊँ सक्‍तिसाली क दायणै हात सिंघासन प बिराजमान ह।

1 पतरस 1:12

पण बानै ओबी बतायो गयो क, बे खुदकी नइ पण थारी सेवा ताँई अ बाता बोल्या हीं। बे थारै ताँई ईस्बर नगरीऊँ आईड़ी पबितर आत्मा की सक्‍तिऊँ चोखा समचार को हेलो पाड़्या। जदकी आ बातानै जाणबा ताँई ईस्बर नगरी दुत बी तरसीं हीं, पण इकै वावजुद बी अ बाता बस थारै ताँई परचार करी गई।

1 पतरस 1:20

बिनै इ सरस्टि की रचना होबा क पेल्याई टाळ लिओ गयो हो, पण थारा भला ताँई आ आखरी दिना म बिनै परगट कर्यो गयो।

1 पतरस 1:21

जोक्यु मसी कर्यो बिकी बजेऊँ थे परमेसर प बिस्वास करो हो। परमेसर जखो बिनै मरेड़ा मऊँ जीवायो अर मेमा दि, इ बजेऊँई थे परमेसर म आस अर बिस्वास राखो हो।

1 पतरस 3:18

क्युं क मसी सगळा का पाप ताँई एकर मर्यो जखो धरमी होर बी पाप की बजेऊँ दुख भोग्यो जिऊँ आपानै परमेसरऊँ मिलावै। बो काया म मर्यो पण आत्मा म जीवायो गयो।

1 पतरस 3:22

बो ईस्बर नगरी जार परमेसर क दायणै हात बेठगो, अर ईस्बर नगरी दुत, उपरी सक्‍तिया का अधिकारी, सगळी सक्‍तिया बिकै बस म कर दिनी गई।

1 यहून्ना 3:5

क्युं क थे आ तो जाणोई हो क मसी मिनखा का पापनै धोबा ताँई आयो , अर आबी जाणो हो क बिकै मांयनै क्युंई पाप कोनी।

1 यहून्ना 3:8

जखोबी मिनख पाप करतो रेह्‍वै ह बो सेतान को ह, क्युं क सेतान जुगादऊँई पाप करतो आयो ह। जणाई तो परमेसर को बेटो परगट होयो जिऊँ क बो सेतान का कामा को नास करदे।

दरसाव 17:5

बिकै माथा प नाम मंडर्यो हो जखो एक भेद हो , सऊँ बडी नगरी बाबुल बेस्या अर सूगली चिजा की माँ

दरसाव 17:7

जणा बो ईस्बर नगरी दुत मेरूँ बोल्यो, “तू ताजूब क्युं करै ह? म तनै इ लूगाई अर जि सात सीर अर दस सींग हाळा खुखार ज्यानबर प आ बेठी ह बिको भेद बतास्युं।

दरसाव 7:9

इकै पाछै म देख्यो क मेरै सामै मिनखा की बोळी बडी भीड़ ही जिनै कोईबी कोनी गिण सकतो हो, बि भीड़ म सगळा कूणबा का मिनख, देस, बोली, अर हर दिसावर का मिनख हा , जखा बि सिंघासन अर उन्या क सामै खड़्या हा। बे धोळा गाबा पेरमाल्या हा अर हाता म खजूर की डाळ्यां ले राख्या हा।