1 तिमूतियूस 3:13 - जीवन को च्यानणो (सेकावाटी नया नियम की पोथ्या)

¹³ बे सेवक जखा खुदको काम सूल करीं हीं बे खुद ताँई चोखी झघा अर बी बिस्वास म जखो मसी ईसु प ह, हिमत का धणी होसी।

1 तिमूतियूस 3:13 Iomraidhean Croise

मत्ती 20:28

थे मिनख का बेटा की जंय्यां बणो जखो सेवा-पाणी कराबा ताँई कोनी आयो। पण सेवा-पाणी करबा अर बोळासारा मिनखानै छुटाबा ताँई आपका पिराण देबा आयो ह।”

मत्ती 25:21

बिकी इ बातनै सुणर मालिक खयो, ‘स्याबास तू बिस्वास जोगो अर चोखो दास ह। तू थोड़ा म बिस्वास राख्यो इ ताँई म तनै ओर बोळी चिजा प अधिकार देस्युँ। आर मेरै सागै खुसी मना।’

लूका 19:17

जणा बो मालिक बि दासनै बोल्यो, ‘तू मेरो चोखो दास ह जखो तू अत्तीसी बात म बी मेरै बिस्वास जोगो रिह्यो। जणा इब म तनै दस नगरा प हक द्‍युँ हूँ।’

भेजेड़ा चेला का काम 21:35

अर जद बे सिढ्या प पुग्या जणा झाळा भरेड़ी भीड़ की बजेऊँ सिपाईड़ा पोलुसनै अधर उठार लेज्याणो पड़्यो।

भेजेड़ा चेला का काम 6:15

जणा पंचायत म बेठ्या सगळा मिनख आपकी आँख्या बिका मुंडा प गाड दिनी अर बानै बिको मुंडो ईस्बर नगरी दुत की जंय्यां दिख्यो।

भेजेड़ा चेला का काम 6:5

भेजेड़ा चेला की आ बात सगळी बिस्वासी मंडळीनै चोखी लागी। जणा बे सतफनुस नाम का एक मिनखनै जखो बिस्वास अर पबितर आत्माऊँ भरेड़ो हो, अर फिलीप, परखोरस, निकानोर, तिमोन, परमिनास अर अंताकीया को रेह्बाळो निकोलस जखो यहूदि धरम पंथ म रळगो हो, आनै टाळ लिआ।

भेजेड़ा चेला का काम 6:8

सतफनुस परमेसर की दया अर बिकाळी ताकतऊँ भरेड़ो हो अर मिनखा म बडा-बडा चमत्कार अर अचरजभर्या काम कर्या करतो हो।

1 कुरन्थीयो 16:15

थे स्तिफनुस अर बिका परवार क बारां म तो जाणोई हो, क बे अखाया म मसी प सऊँ पेली बिस्वास करबाळा मिनख हीं। बे परमेसर का मिनखा की मदद करबा को बीड़ो उठा राख्यो ह। इ ताँई ओ मेरा लाडला बिस्वास्यो, म थारूँ अरदास करूं हूँ,

फलिपी 1:14

अर म साकळा म बंदर्यो हूँ। इ बजेऊँई परबु म बिस्वास राखबाळा घणकराक भाईड़ानै घणीसारी हिमत मिली ह, अर बे चोखा समचारनै बेधड़क होर सुणार्या हीं।

1 थिसलूनिकी 2:2

अर आबी जाणो हो क थिसलूनिकी आबाऊँ पेल्या फलिपी म म्हें दुख उठाया अर बेजत कर्या गया। अर जद म्हें थिसलूनिकी म आया जणा अठै बी म्हारो खूब बिरोद होयो पण परमेसरऊँ अंय्यां की हिमत मिली क बिना डर थानै चोखो समचार सुणावां।

1 तिमूतियूस 3:14

म तावळोई तेरै कनै आर मिलबा की आस राखूँ हूँ, पण हाल म तनै आ चिठी बी मांडूँ हूँ।

2 तिमूतियूस 2:1

परबु म मेरा बेटा तिमूतियूस, मसी ईसु म परमेसर जखी दया तेर प करी ह, बिकी बजेऊँ मजबूत बण्यो रेह।

इबरानीआ 6:10

परमेसर अन्याय करबाळो कोनी। क्युं क थारा कामानै अर परमेसर का मिनखा की मदद कर जखो परेम थे बिका नामऊँ दिखाया अर दिखार्या हो बिनै परमेसर कदैई कोनी भूलै।