1 तिमूतियूस 2:8 - जीवन को च्यानणो (सेकावाटी नया नियम की पोथ्या)

⁸ जणा इब म चाऊँ हूँ क, हर कठै मोट्यार बिना झाळ भर्या अर बिना मनमुटाव कर्या, खुदका पबितर हातानै जो'ड़र अरदास करै।

1 तिमूतियूस 2:8 Iomraidhean Croise

मत्ती 21:21

जणा ईसु बानै बोल्यो, “म थानै सची खेऊँ हूँ, ज थे बिस्वास करो अर भेम नइ करो। जणा जखो म कर्यो हूँ बोई नइ पण ज थे इ डूँगरऊँ खेस्यो क समदर क मांयनै जा पड़ जणा बंय्यांई होज्यासी।

मत्ती 5:44

पण म थानै खेऊँ हूँ क थे थारा दुस्मनाऊँ परेम करज्यो। अर जखो थानै सतावै, बा ताँई बी अरदास करज्यो।

मत्ती 6:12

अर जंय्यां म्हें म्हारै खिलाप बुराई करबाळानै माफ कर्या हा बंय्यांई थे म्हानै माफ करो।

लूका 23:34

इपै ईसु बोल्यो, “परम-पिता आनै माफ कर द्‍यो क्युं क आनै कोनी बेरो क अ काँई कर्या हीं।” अर बे सिपाईड़ा पासो फेकर बिका गाबानै आपसरी म बाट लिआ।

लूका 24:50

जणा बो बानै बेतनिया गाँव ताँई बारनै लेगो। अर बो बानै हात बढार आसिरबाद दिओ।

यहून्ना 4:21

ईसु बिऊँ बोल्यो, “स्याणी, मेरो बिस्वास कर, बो टेम आर्यो ह जद मिनख नइ तो परम-पिता की भगती इ डूँगर प अर नइ यरूसलेम म करसी।

भेजेड़ा चेला का काम 10:2

बो परमेसर को भगत हो जखो आपका पूरा परवार समेत ईस्बर को डर मानतो हो, बो सदाई गरीबानै दान दिआ करतो हो अर परमेसरऊँ अरदास कर्या करतो हो।

भेजेड़ा चेला का काम 10:31

अर बो मेरूँ बोलबा लाग्यो कुरनेलियुस तेरी अरदास अर दिन दुख्यानै दियड़ो तेरो दान परमेसर क कनै पुगगो ह अर बिनै बो बोळो चोखो लाग्यो ह।

भेजेड़ा चेला का काम 10:4

जणा कुरनेलियुस डरतोई बिकै कानि देखर बोल्यो, “ओ परबु काँई ह?” जणा बो बोल्यो, “तेरी अरदास अर दिन दुख्यानै दियड़ो तेरो दान परमेसर क कनै पुगगो ह अर बिनै बो बोळो चोखो लाग्यो ह।

भेजेड़ा चेला का काम 21:5

आठवा दिन म्हें बठैऊँ रवानगी करी अर बे आपका टाबर-टिकरा समेत म्हानै नगरी क बारनै छोडर गया अर समदर क किनारा प पुगर म्हें गोडा टे'कर अरदास करी,

भेजेड़ा चेला का काम 7:60

इकै पाछै बो गोडावाणी पड़्यो अर जोरऊँ बोल्यो, “परबु ओ पाप आपै मना मंढो।” आ खेर बो पिराण तज दिआ।

1 कुरन्थीयो 1:2

कुरन्थी नगरी म परमेसर की बिस्वासी मंडळी का मिनखा अर बा सगळा क नाम मांडूँ हूँ, जखा परमेसर का मिनख होबा ताँई बुलाया गया हीं, जखा मसी ईसु क जरिए परमेसरऊँ जुड़ेड़ा हीं। अर बे सगळा जखा हर कठै रेह्‍र म्हारा अर आपणा सगळा का परबु ईसु मसी, को गुणगान करीं हीं।

1 कुरन्थीयो 7:7

अर म अंय्यां चाऊँ हूँ क सगळा मिनख मेरी जंय्यांई बिना ब्या क रेह्ता। पण एक कनै एक बरदान ह जणा दुसरा कनै दुसरो। अंय्यां सगळा मिनखानै परमेसर कानिऊँ न्यारो-न्यारो बरदान मिलेड़ो ह।

2 कुरन्थीयो 2:14

परमेसर को धनेवाद हो क बो आपानै मसी की बजेऊँ सदाई जीत का गेला प लेज्यावै ह। अर परमेसर मसी की बाता का ज्ञाननै च्यारूमेर फेलाबा ताँई आपानै चोखी सुगंद की जंय्यां काम म लेवै ह।

फलिपी 1:12

अब मेरा लाडला बिस्वास्यो, जखी बाता मेरै सागै बिती ह बाऊँ पक्काई चोखो समचार बोळो फळ्यो ह। म चाऊँ हूँ क थे आ बातानै जाणो।

1 थिसलूनिकी 1:8

क्युं क थारी बजेऊँ परबु को बचन थारूँ लेर मकीदुनिया अर अखाया मई कोनी फेल्यो, पण जठै बी म्हें जावां बठै परमेसर म थारा बिस्वास की चरचा सुणा हां। जि बजेऊँ म्हानै क्युं खेबा की जुर्तई कोनी पड़ै।

1 तिमूतियूस 5:14

जणा म चाऊँ हूँ क, जवान खालीहोइड़ी लूगाई ब्या कर टाबर जलमै, अर आपका घर की देखभाळ करै, जिऊँ बे आपणी बुरी चितबाळानै आपणै खिलाप बुरो खेबा को मोको नइ दिं।

तितूस 3:8

आ बिस्वास जोगी बात ह। म चाऊँ हूँ क आ मामला म तू खास जोर देर बोलै जिऊँ परमेसर प बिस्वास राखबाळा, भला काम करीं, जखा सकै काम का अर चोखा हीं।

इबरानीआ 10:22

जणा आओ, आपा सचा हिया अर पूरा बिस्वास क सागै मन का बुरा बिचारानै छिड़कावऊँ सुद करवार कायानै पबितर पाणीऊँ धुलवार परमेसर क कनै चालां।

याकूब 4:8

परमेसर क कनै आओ जणा बो बी थारै कनै आसी। ओ पाप्यो! थे थारा हातानै साप करो, ओ सक करबाळो थे थारा हियानै पबितर करो।

1 पतरस 3:7

अंय्यांई ओ मोट्यारो, थे बी थारी लूगाया क सागै समजदारीऊँ जीवन जीओ। अर लूगायानै थारूँ कम मजबूत अर जीवन का बरदान म थारी पाँतीवाळ मानर बाकी ईज्जत करो। जिऊँ थारी अरदास म कोई आट नइ आवै।