1 तिमूतियूस 2:7 - जीवन को च्यानणो (सेकावाटी नया नियम की पोथ्या)

⁷ अर इ गुवाईनै गैर-यहूदि मिनखानै सुणाबा ताँई म एक सचा बिस्वास की सीख देबाळो अर ईसु को भेजेड़ो चेलो बणायो गयो हूँ। जिऊँ म बिस्वास का समचार अर सच को हेलो पाड़ सकूँ। म झूठो कोनी हूँ म सच बोलर्यो हूँ।

1 तिमूतियूस 2:7 Iomraidhean Croise

यहून्ना 7:35

जणा यहूदि अधिकारी आपसरी म बोलबा लाग्या, “ओ कठै जाबा की करै ह जिऊँ आपा इनै ढुंढ कोनी सकां? के ओ यूनानी नगर्या म जासी जठै आपणा मिनख रेह्‍वै ह, अर यूनानीयानै सीखासी?

भेजेड़ा चेला का काम 14:27

बठै जार बे बिस्वासी मंडळी की सभा बुलार बानै बे सगळी बाता खे सुणाई जखी परमेसर गैर-यहूदिआ क मांयनै बाकै हाता करवायो अर कंय्यां गैर-यहूदि मिनखा ताँई सचा परमेसरनै मानबा को गेलो खुल्यो।

भेजेड़ा चेला का काम 22:21

जणा बो मेरूँ बोल्यो, ‘जणा जा म तनै दूर-दूर ताँई गैर-यहूदि मिनखा क कनै भेजस्युं।’”

भेजेड़ा चेला का काम 26:20

जणा म सऊँ पेली दमिसक पाछै यरूसलेम अर पाछै यहूदिआ का सगळा देसा का रेह्बाळा अर परमेसरनै नइ ध्यारबाळा मिनखानै समजातो रिह्यो क पापऊँ तौबा करो, परमेसर कानि आओ अर हियो बदलबा जोगो काम करो।

भेजेड़ा चेला का काम 9:15

पण परबु बिनै बोल्यो, “तू तो जा! क्युं क म इनै गैर-यहूदि, राजा-म्हराजा अर इजरायली मिनखा म मेरो नाम फेलाबा ताँई मेरो दास कर टाळ्यो हूँ।

रोमीयो 1:9

परमेसर जिकी सेवा म मेरी आत्माऊँ बिका बेटा का चोखा समचार को परचार कर करूं हूँ, बो मेरो गुवा ह क म सदाई थानै मेरी अरदास म याद करूं हूँ।

रोमीयो 10:14

पण बे जखा बिपै बिस्वास कोनी करीं, बिको नाम कंय्यां लेसी? अर बे जखा बिकै बारां म सुण्याई कोनी बिको बिस्वास कंय्यां करसी? अर जद ताँई बानै बताबाळो कोई कोनी जणा बे कंय्यां सुण सकीं हीं?

रोमीयो 11:13

आ इब म थारूँ, जखा यहूदि कोनी बोलर्यो हूँ, क्युं क जंय्यां खास तोर प तो म गैर-यहूदि मिनखा ताँई भेजेड़ो चेलो हूँ अर मनै मेरा काम प गुमान ह क्युं क इनै पूरी जीज्यानऊँ करूँ हूँ ,

रोमीयो 15:16

क्युं क गैर-यहूदि मिनखा ताँई मसी ईसु को दास होर म परमेसरऊँ मिलेड़ा चोखा समचार को हेलो पाड़बा ताँई एक याजक की जंय्यां काम करूं हूँ, जिऊँ गैर-यहूदि मिनख पबितर आत्मा क जरिए पूरा का पूरा पबितर होर परमेसर क चढबा जोगो चढावो बण सकै।

रोमीयो 9:1

म मसी म सच बोलर्यो हूँ। म झूठ कोनी बोलुँ अर मेरी अन्तर-आत्मा पबितर आत्मा म मेरी गुवाई देवै ह,

1 कुरन्थीयो 9:1

के म अजाद कोनी हूँ? अर म भेजेड़ो चेलो कोनी के? के मनै आपणा परबु ईसु को दरसाव कोनी होयो? अर के थे बी परबु म मेरै काम की बजेऊँ कोनी हो?

2 कुरन्थीयो 11:31

परमेसर जखो आपणा परबु ईसु को परम-पिता ह, जिकी सदाई जे होती रेह्‍वै ह, बो जाणै ह क म झूठ कोनी बोलुँ।

गलातियो 1:16

क बे आपका बेटानै मेर प परगट करै, जिऊँ म गैर-यहूदि मिनखानै ईसु मसी का चोखा समचार सुणाऊँ, बि टेम म कोईकिई राय कोनी ली,

गलातियो 1:20

म परमेसरनै मेरै सामै जा'णर थारूँ खेऊँ हूँ! क जखी बाता म थानै मांडर्यो हूँ बे झूठी कोनी।

गलातियो 2:16

पण आपा जाणा हां, क मिनख नेम-कायदानै मानबाऊँ नहिस करमाऊँ परमेसर क सामै धरमी कोनी बणै, पण ईसु मसी प बिस्वास करबाऊँ धरमी बणै ह। जणा आपा बी ईसु मसी प बिस्वास कर्या अर आई बजे ह क आपा परमेसर क सामै धरमी बण्या, क्युं क बिधी-बिधान का करमाऊँ कोई बी धरमी कोनी बणै।

गलातियो 2:9

अर जद याकूब, केफा अर यहून्ना जखा बिस्वासी मंडळी का खम्बा समज्या जाता हा, बे आ जाणग्या की ओ चोखो समचार परबु की दयाऊँ मिल्यो ह। जणा बे बरनाबास अर मेरै सागै संगती को हात मिला लिआ। अर बे राजी होगा की म्हें गैर-यहूदि मिनखानै चोखो समचार सुणाता रेह्‍वां अर बे खुद यहूदि मिनखानै सुणाता रेह्‍वै।

गलातियो 3:9

जणा जखा बिस्वास राखै ह, बानै बिस्वासी अब्राहम क सागै आसिरबाद मिलै ह।

2 तिमूतियूस 1:11

परमेसर मनै चोखा समचार को हेलो सुणाबा ताँई एक हलकारा, सीखाबाळा अर ईसु का भेजेड़ा चेला को काम दिओ ह।

2 पतरस 2:5

परमेसर बि पुराणी दुनियानै कोनी बकस्यो, पण बो नूहनै जखो धारमिक्‍ता को परचार करतो हो बिनै अर सात मिनखानै छोडर सगळा पापी मिनखानै बाढऊँ नास कर दिओ।