1 तिमूतियूस 1:5 - जीवन को च्यानणो (सेकावाटी नया नियम की पोथ्या)

⁵ इ आदेस को मकसद ओ ह क, सगळा बिस्वासी परेमऊँ भरज्यावै, जखो पबितर मनऊँ, साप अन्तर-आत्माऊँ अर बिना मिलावट का बिस्वासऊँ पैदा होवै ह।

1 तिमूतियूस 1:5 Iomraidhean Croise

मत्ती 12:35

चोखो मिनख आपका चितऊँ चोखी बात काडै अर बुरो बुरीई चितै।

मत्ती 5:8

भागहाळा ह बे जाको मन परमेसर की नजर्या म पबितर ह; बे परमेसरनै देखसी!

भेजेड़ा चेला का काम 15:9

अर बिस्वासऊँ बाका हियानै धोर आपणा म अर बामै कोई भेद-भाव कोनी कर्यो।

भेजेड़ा चेला का काम 23:1

पोलुस म्हापंचायत क कानि एक टक देखर बोल्यो, “इजरायल का यहूदि भाईड़ो, म हाल ताँई परमेसर क सामै ईमानदारी क सागै साप मनऊँ जियो हूँ।”

भेजेड़ा चेला का काम 24:16

जणाई तो म बी आई कोसिस करूं हूँ की परमेसर अर मिनखा क सामै मेरी अन्तर-आत्मा साप रेह्‍वै।

रोमीयो 10:4

मसी नेम-कायदा को अंत ह जिऊँ जखो बिस्वास करै बो परमेसर की नजर्या म धरमी बणै।

रोमीयो 12:9

थारो परेम सचो होवै। बुराईऊँ बेर करो अर भलाई करता रेह्ओ।

रोमीयो 14:15

ज थारा खाबाऊँ कोई बिस्वासी भाई क ठेस लागै ह जणा थे सचमई प्यार-परेम को भेवार कोनी करो। जणा थारा खाबाऊँ बिको नास नइ होवै, क्युं क मसी बि ताँई मर्यो ह।

रोमीयो 9:1

म मसी म सच बोलर्यो हूँ। म झूठ कोनी बोलुँ अर मेरी अन्तर-आत्मा पबितर आत्मा म मेरी गुवाई देवै ह,

1 कुरन्थीयो 13:1

ज म मिनखा अर ईस्बर नगरी दुता की बोली बोलुँ पण मिनखाऊँ परेम कोनी करूं, जणा म ठन-ठन करती पितळ की परात अर टन-टन करता थाळी गिलास हूँ।

2 कुरन्थीयो 1:12

म्हानै गुमान ह क म्हें साप अन्तर-आत्माऊँ आ खे सकां हां, क म्हें इ दुनिया का मिनखा क सागै अर खासकर थारै सागै परमेसर की खराई अर ईमानदारीऊँ रिह्या हां। अंय्यां म्हें परमेसरऊँ मिलबाळी दयाऊँ कर्या हां, दुनियादारीऊँ मिलबाळी बुदीऊँ नइ।

गलातियो 5:22

पण पबितर आत्मा का फळ परेम, खुसी, स्यांती, थ्यावस, दया, भलाई, बिस्वास,

गलातियो 5:6

क्युं क मसी ईसु म नइ तो सुन्नत कराबाळो, अर नइ सुन्नत नइ कराबाळो क्यु मांयनै राखै ह। पण बिस्वास जखो परेम की बजेऊँ काम करै ह बोई मांयनै राखै ह।

1 तिमूतियूस 1:18

मेरा बेटा तिमूतियूस, म तनै आदेस द्‍युँ हूँ क, तू चोखी राड़ लड़, ओ बा बाता गेलई ह जखी पेल्याऊँ परमेसर की खेबाळा खे दि ह। बा बातानै भूलै मना जिऊँ तनै बुराई क खिलाप लड़बा की हिमत मिल सकै।

1 तिमूतियूस 1:19

बिस्वास अर साप अन्तर-आत्मा राख। क्युंक मिनख खुदकी अन्तर-आत्मा की कोनी सुणी, जिऊँ बे बिस्वासऊँ फिरगा।

1 तिमूतियूस 3:9

बे बिस्वास का सचनै साप अन्तर-आत्माऊँ दिखाबाळा होणा चाए।

2 तिमूतियूस 1:3

तिमूतियूस म रात-दिन मेरी अरदास म तनै याद करूं हूँ, अर तेरै ताँई परमेसरनै धनेवाद देऊँ हूँ। जिकी सेवा म मेरा बडका की जंय्यां पबितर अन्तर-आत्माऊँ करूं हूँ।

2 तिमूतियूस 1:5

म तेरा सचा बिस्वासनै बी याद करूं हूँ, पेल्या ओ बिस्वास तेरी नानी लोइस अर तेरी माँ उनिके म हो, अर म इ बात ताँई पक्को हूँ क, बोई बिस्वास तेरै म बी ह।

2 तिमूतियूस 2:22

जुवानी की बुरी इंछ्याऊँ भाज अर जखा पबितर मनऊँ परबु को नाम लेवीं हीं बाकै सागै खुदनै धरम, बिस्वास, परेम अर मेळमिलाप क सागै संगरो राख।

तितूस 1:15

पबितर मिनखा ताँई सक्यु सुद ह, पण असुद अर अबिस्वास्या ताँई क्युंई पबितर कोनी, क्युं क बाका मन अर बाकी अन्तर-आत्मा दोन्युई असुद करी गई ह।

इबरानीआ 10:22

जणा आओ, आपा सचा हिया अर पूरा बिस्वास क सागै मन का बुरा बिचारानै छिड़कावऊँ सुद करवार कायानै पबितर पाणीऊँ धुलवार परमेसर क कनै चालां।

इबरानीआ 13:18

थे म्हारै ताँई अरदास करता रेह्‍वो। अर म्हानै पक्को बेरो ह क म्हारी अन्तर-आत्मा सुद ह। अर म्हें हरतर्याऊँ चोखी जिंदगी जिबो चावां हां।

इबरानीआ 9:14

ज अ बाता साची ह जणा मसी को लोय कतो सक्‍तिसाली ह। अर अजर-अमर पबितर आत्मा क जरिए बो खुदनै निरदोस चढावा क रूप म परमेसरनै चढा दिओ, अंय्यां करबाऊँ अर लोयऊँ आपानै बो, मोत क गेलै लेज्याबाळा कामाऊँ सुद कर दिओ जिऊँ आपा जीवता परमेसर की सेवा कर सकां।

याकूब 4:8

परमेसर क कनै आओ जणा बो बी थारै कनै आसी। ओ पाप्यो! थे थारा हातानै साप करो, ओ सक करबाळो थे थारा हियानै पबितर करो।

1 पतरस 1:22

थे सच का गेला प चाल्या जणा थारा पाप सुद कर दिआ गया, जणा इब थानै चाए क एक दुसराऊँ भाईचारो राखो अर एक दुसराऊँ खरा हिया क सागै डूँगो परेम राखो।

1 पतरस 3:16

अर थारी अन्तर-आत्मानै बी सुद राखो, अंय्यां थे बा मिनखानै सरमा मार देस्यो जखा मसी म थारै भला करमा क बारां म बुरो बोलीं हीं।

1 पतरस 3:21

अर बा पाणी की बाढ बतिस्मा की जंय्यां ही, बतिस्मो जखो थारो छुटकारो करै ह पण इ बतिस्मा को मतबल काया का मेलनै धोबो कोनी पण अन्तर-आत्मानै सुद कर खुदनै परमेसर कानि मोड़बो ह। क्युं क ईसु मसी मरेड़ा मऊँ ओज्यु जीवायो गयो ह।

1 पतरस 4:8

अर सऊँ बडी बात आ ह क थे एक दुसराऊँ प्यार-परेम राखो, क्युं क परेम बोळा पापनै ढकै ह।

2 पतरस 1:7

अर भगतीऊँ भाईचारानै, अर इ भाईचाराऊँ परेमनै।

1 यहून्ना 3:10

थे कंय्यां जाण सको हो क कूण परमेसर को बेटो ह अर कूण सेतान को बेटो ह? पण बे मिनख जखा धरम का काम कोनी करै अर आपका पाड़ोसी भाईऊँ परेम कोनी करै, बो पिता-परमेसर क कानिऊँ कोनी।

1 यहून्ना 3:23

अर परमेसर को हुकम ओ ह क, आपा बिका बेटा ईसु मसी का नाम प बिस्वास करां अर इकै सागैई ईसु मसी क कह्या गेल एक दुसराऊँ प्यार-परेम करां।

1 यहून्ना 3:3

अर जखो बी मिनख बिमै आस करमाली ह, बो खुदनै बंय्यांई पबितर राखै जंय्यांकी मसी पबितर ह।