1 तिमूतियूस 1:17 - जीवन को च्यानणो (सेकावाटी नया नियम की पोथ्या)

¹⁷ अर इब सदाई राज करबाळो राजा, अनदेख्यो, अमर अर बस बि एकई परमेसर को मान अर गुणगान जुग-जुग होतो रेह्‍वै। अंय्यांई होवै।

1 तिमूतियूस 1:17 Iomraidhean Croise

मत्ती 25:34

जणा बो राजा आपकै दाया कानि खड़्या मिनखाऊँ बोलसी, ‘मेरा परम-पिताऊँ आसिरबाद लियड़ा मिनखो थे आओ अर बा आसिरबादानै लेल्यो जखा इ सरस्टि की सरूआतऊँ थारै ताँई ह।

मत्ती 28:20

म थानै जखो हुकम दिओ हूँ बे सगळी बाता बानै मानबो सीखाओ। अर याद राखज्यो इ दुनिया की अंत घड़ी ताँई सदाई म थारै सागै रेहस्युं।”

मत्ती 6:13

अर थे म्हानै बिचासबा मना द्‍यो पण बुराईऊँ बचाओ।

यहून्ना 1:18

परमेसरनै कदैई कोई कोनी देख्यो। पण परमेसर को इकलोतो बेटो जखो परमेसर की छाती तळै ह, अर बो परमेसरई ह। बोई परमेसरनै परगट कर्यो।

यहून्ना 5:44

थे कंय्यां बिस्वास कर सको हो? थानै तो एक दुसराऊँ मान-समान भावै ह। पण खाली परमेसरऊँ मिलबाळा मान-समान ताँई थे लापरवा हो।

रोमीयो 1:20

जद परमेसर इ सरस्टिनै रच्यो हो, जणाऊँई बिका नइ दिखबाळा गुण जखा बिकी जुग-जुग रेह्बाळी सक्‍ति अर ईस्बरीय सुभाव ह देख्यो गयो। परमेसर जोक्यु बी बणायो बिकै जरिए परमेसरनै साप-साप जाण्यो जावै ह, जिऊँ कोई कनै कोई भानो नइ होवै।

रोमीयो 1:23

अर बे नइ मिटबाळा परमेसर की मेमानै नास होबाळा मिनख, पंछ्या, जानबर अर पेटपल्याणा चालबाळा जिनावरा की मूरत्या म बदल दिआ।

रोमीयो 11:36

क्युं क सगळा को रचबाळो बोई ह। बिऊँ सगळा हीं अर बे बी ताँई हीं। बिकी सदाई मेमा हो! अंय्यांई होवै।

रोमीयो 16:27

ईसु मसी क जरिए खाली बि एकई ज्ञान का सागर परमेसर की कदैई नइ मिटबाळा जुग ताँई मेमा हो। अंय्यांई होज्यावै!

रोमीयो 2:10

बा मिनखानै मेमा, मान-समान अर सुक-स्यांती मिलसी जखा भला काम करीं हीं। आ बात पेली यहूदि मिनखा प अर सागै की सागै यूनानी मिनखा प बी लागू होवै ह।

रोमीयो 2:7

बे मिनख जखा थ्यावसऊँ भला कामा म लागर मेमा, मान-समान अर अजर-अमर जीवननै टोवीं हीं बानै परमेसर अजर-अमर को जीवन देसी।

कलुसीयो 1:15

दिखबाळो ईसु मसी नइ दिखबाळा परमेसर की जंय्यां ह। बो सगळी चिजा म पेलो अर सगळी सरस्टिऊँ बोळो म्हान ह।

इबरानीआ 11:27

बिस्वास करबा की बजेऊँई बो राजा की झाळ को डर कोनी मान्यो अर बो मिसरनै छोड दिओ। बो सक्यु सेण करग्यो क्युं क बो अंय्यां को भिवार कर्यो मानो नइ दिखबाळा परमेसरनै देख लिओ हो।

इबरानीआ 2:7

तू मिनखनै ईस्बर नगरी दुताऊँ चिनोसोई कम बणायो ह, तू बिकै माथा प मेमा अर मान को मुकट धर्यो ह

1 पतरस 5:11

परमेसर को राज जुग-जुग रेह्‍वै। अंय्यांई होवै।

2 पतरस 3:18

पण आपणा परबु अर छुटकारो देबाळा ईसु मसी की दया अर बिकी पिछाण म बढता जाओ। बिकी मेमा इब अर सदा-सदाई होती रेह्‍वै। अंय्यांई होवै!

1 यहून्ना 4:12

परमेसरनै कोईबी कदैई कोनी देख्यो, पण ज आपा एक दुसराऊँ प्यार-परेम करां जणा परमेसर आपणा म बास करै ह अर बिको परेम आपणै मांयनै पूरी तर्या ह।

दरसाव 15:3

बे मिनख परमेसर का दास मूसा अर उन्या का गीत गावा हा, “परबु परमेसर थे सऊँ सक्‍तिसाली हो। थारा काम बडा अर ताजूबभर्या हीं। ओ जुग-जुग का राजा। थारो गेलो सचो अर धारमिक ह।

दरसाव 17:14

बे उन्याऊँ लड़सी पण बो उन्यो आपका टाळेड़ा, बुलाईड़ा अर आपकै गेल चालबाळा बिस्वास जोगानै सागै लेर बिनै हरा गेरसी क्युं क बो उन्यो राजाओं को बि राजा अर परबुआ को बी परबु ह।”

दरसाव 19:1

इकै पाछै मनै ईस्बर नगरी म बोळासारा मिनखा को एकसागै हेलो सुण्यो, बे जोरऊँ बोलर्या हा, “हालेलुया! परमेसर की जे हो, जे हो! क्युं क छुटकारो, सक्‍ति अर मेमा बेई देवै ह।

दरसाव 19:16

बिकी जांघ अर बिका गाबा प अंय्यां मंडर्यो हो, ओ राजाओं को राजा अर परबुआ का परबु।

दरसाव 19:6

इकै पाछै मनै ओज्यु बोळासारा मिनखा को एकसागै हेलो सुण्यो। ओ हेलो अंय्यां लागर्यो हो जंय्यां की पाणी का झरना की नहिस बादळा की गरजबा की उवाज हो। बे मिनख गार्या हा, “हालेलुया! क्युं क आपणो सऊँ सक्‍तिसाली परमेसर राज करै ह।

दरसाव 7:12

अर बे बोल्या, “अंय्यांई होवै! म्हारा परमेसर की मेमा, बडाई, धनेवाद, ज्ञान, मान, सक्‍ति अर बळबूतो सदाई होती रेह्‍वै। अंय्यांई होवै!”