1 तिमूतियूस 1:13 - जीवन को च्यानणो (सेकावाटी नया नियम की पोथ्या)

¹³ पेल्या म मेरा मुंडाऊँ परमेसर की बुराई करबाळो, परमेसर का मिनखानै दिन घालबाळो अर एक अँधेर करबाळो मिनख हो। इकै पाछै बी मेर प दया होई। क्युं क म एक परमेसर म बिस्वास नइ करबाळा की जंय्यां अणभोळ म अ सगळा काम कर्यो हो।

1 तिमूतियूस 1:13 Iomraidhean Croise

लूका 12:47

बो दास जखो आपका मालिक की इंछ्या जा'णर बिका कह्या गेल कोनी रिह्यो बिपै जोरकी मार पड़सी।

लूका 23:34

इपै ईसु बोल्यो, “परम-पिता आनै माफ कर द्‍यो क्युं क आनै कोनी बेरो क अ काँई कर्या हीं।” अर बे सिपाईड़ा पासो फेकर बिका गाबानै आपसरी म बाट लिआ।

भेजेड़ा चेला का काम 22:4

इ ईसु का गेला प चालबाळा मिनखानै म मार गेर्यो अर बानै दिन घाल्यो हूँ अर इ गेला प चालबाळा मोट्यार अर लूगायानै बांद-बां'दर जेळ म गेर दिआ।

भेजेड़ा चेला का काम 3:17

अर यहूदि भाई-भाणो, म जाणू हूँ क थे अर थारा यहूदि नेता जोक्यु बी कर्या बो अणभोळ म कर्या हा।

भेजेड़ा चेला का काम 8:3

अर साऊल हो जखो बिस्वासी मंडळ्यानै उजाड़तो फिरतो हो अर बो घरा मऊँ काड-काडर घिसर मोट्यार-लूगायानै जेळ म बंद करबा लाग्यो।

भेजेड़ा चेला का काम 9:1

हाल बी साऊल नाम को मिनख जखो ईसु का चेलानै धमकार्यो हो अर जानऊँ मार्यो हो, बो म्हायाजक क कनै गयो।

भेजेड़ा चेला का काम 9:13

पण हनन्या जुबाब देवै ह क, “परबु म तो बोळा मिनखाऊँ इ मिनख क बारां म सुण्यो हूँ, क ओ मिनख यरूसलेम म तेरा मिनखानै बोळो दिन घाल्यो ह।

भेजेड़ा चेला का काम 9:5

जणा साऊल बुज्यो “परबु थे कूण हो?” जणा उवाज आई, “म ईसु हूँ जिनै तू सतावै ह।

1 कुरन्थीयो 15:9

म सगळा भेजेड़ा चेलाऊँ छोटो हूँ म तो भेजेड़ो चेलो खुवाबा जोगोई कोनी क्युं क म परमेसर की बिस्वासी मंडळी का मिनखानै सतायो करतो हो।

1 कुरन्थीयो 7:25

कुंआरी ताँई परबु क कानिऊँ मनै कोई हुकम कोनी मिल्या। इ ताँई म परबु की दयाऊँ अर बिस्वास जोगो होबा की बजेऊँ सला देऊँ हूँ।

गलातियो 1:13

अर थे जाणो हो क म पेली यहूदि मत म कंय्यांसिक जीआ करतो हो। अर थे ओ बी जाणो हो क म परमेसर की बिस्वासी मंडळी का मिनखानै कंय्यां सताया करतो अर बिनै मिटाबा की कोसिस करतो हो।

फलिपी 3:6

ज मेरा जोस क बारां म सुणबो चाओ जणा म बिस्वासी मंडळीनै दिन घालबाळो; अर नेम-कायदा का हुकमानै मानबाळो धरमी अर निरदोस आदमी हो।

1 तिमूतियूस 1:16

पण मेर प इ ताँई दया होई ह क, म जखो सऊँ बडो पापी हूँ मेर म ईसु मसी आपको थ्यावस दिखायो ह, अंय्यां करबाऊँ जखा मिनख बिपै अजर-अमर जीवन ताँई बिस्वास करसी बा ताँई म, एक नमूनो बणू।

इबरानीआ 4:16

जणा आओ, आपा हिमत बां'दर परमेसर की दया का सिंघासन कानि चालां, जिऊँ आपणानै दया अर किरपा मिलै अर जुर्त की टेम प आपणी मदद हो सकै।

1 पतरस 2:10

“एक टेम बो बी हो जद थे क्युंई कोनी हा। पण इब थे परमेसर का मिनख हो। अर एक बो टेम बी हो जद कोई थार प दया कोनी करतो हो। पण इब परमेसर थार प दया दिखाई ह।”