1 थिसलूनिकी 4:5 - जीवन को च्यानणो (सेकावाटी नया नियम की पोथ्या)

⁵ बस थारी काया की भूख मिटाबा ताँई थे ब्या मना करो जंय्यां परमेसरनै नइ ध्यारबाळा मिनख करीं हीं।

1 थिसलूनिकी 4:5 Iomraidhean Croise

मत्ती 6:32

परमेसरनै नइ ध्यारबाळा मिनख आ सगळी चिजा क गेल भागता रेह्‍वै ह पण थारो ईस्बर नगरी परम-पिता थारी सगळी जुर्तानै जाणै ह।

लूका 12:30

क्युं क परमेसरनै नइ ध्यारबाळा सगळा मिनख आ चिजा क गेल भागर्या हीं। पण थारा परम-पितानै ओ बेरो ह की थानै आ चिजा की जुर्त ह।

भेजेड़ा चेला का काम 17:23

म जद हांडतो-फिरतो थारी पूजबा की चिजा देख्यो हो जणा बठै मनै एक अंय्यां की बेदी दिखी जिपै मंडर्यो हो अणजाण देवता ताँई। थे जि ईस्बरनै बिना जाण्या पूजो हो म थानै बि ईस्बर क बारां मई बताऊँ हूँ।

रोमीयो 1:24

इ ताँई परमेसर बानै बाका हिया की सरमनाक इंछ्या ताँई छोड दिओ, क बे असुद होवीं अर एक दुसरा की काया क सागै ओछोपुणो करै।

रोमीयो 1:26

इ बजेऊँ परमेसर बानै सरमनाक इंछ्या क बस म छोड दिओ। बाकी लूगाया बी आपका मोट्यार क सागै कुदरती भेवारनै छोडर अंय्यां-अंय्यां का भेवार राखबा लागगी जखा कुदरत क खिलाप ह।

रोमीयो 1:28

अर अठै ताँई बे परमेसरनै जाणबा को मोल कोनी जाण्या जणाई परमेसर बी बानै बाकी फालतु सोच प छोड दिओ, अर बे जखी नइ करनी चाए बे बाता करीं हीं।

1 कुरन्थीयो 1:21

इ दुनिया का मिनख बुदीऊँ परमेसरनै कोनी जाण्या। क्युं क आ परमेसर सोच समजर ध्यार राखी ही। इ ताँई परमेसरनै ओ चोखो लाग्यो क इ परचार क जरिए जखो आपा करां हां जिनै इ दुनिया का मिनख बकवास जाणी हीं बिस्वास करबाळानै बचावै।

1 कुरन्थीयो 15:34

चेता म आओ, अर पाप को गेलो छोड द्‍यो। म थानै थारी सरमिंदगी दिखाऊँ हूँ क्युं क थारै म क्युंक मिनख परमेसरनै कोनी जाणै।

गलातियो 4:8

पेल्या थे परमेसरनै कोनी जाणता हा, थे बाका दास हा जखा सच म परमेसर कोनी हा।

इफिसुस 2:12

अर बा दिना म थे मसी अर इजरायल का मिनखाऊँ न्यारा हा। बा करारा म थारी पाँती कोनी ही जामै परमेसर बाऊँ छुटकारो करबाळा क आबा को बादो कर्यो हो, अंय्यां थे इ जगत म बेआस अर परमेसर क बिनाई जिर्या हा।

कलुसीयो 3:5

इ ताँई थारै मांयनै जोक्यु दुनियादारी की इछ्या गेल काम करै ह बानै मार द्‍यो, जंय्यां मुंडा काळा होबाळा नाजायज कुकरम बासना भर्या काम, बुरी इंछ्या अर लोभ-लालच जखो परमेसर की नजर्या म बुरो ह अठै ताँई की मूरती पूजा की जंय्यां ह।

2 थिसलूनिकी 1:8

अर जखा परमेसरनै कोनी जाणै अर आपणा परबु ईसु का चोखा समचारनै कोनी मान्या बानै सजा देसी।

1 पतरस 4:3

थे बिस्वास म आबाऊँ पेली परमेसरनै नइ ध्यारबाळा मिनखा की जंय्यां खूब जीवन जीआ हो। थे कुकरमी हा, अर थे थारी बुरी इंछ्या गेल चालता हा। थे दारू म धुत्त, मेफलबाज्या अर उदफेली म लाग्या रेह्ता हा। अठै ताँई क थे सूगली मूरतानै पूजता हा।