1 थिसलूनिकी 3:3 - जीवन को च्यानणो (सेकावाटी नया नियम की पोथ्या)

³ जिऊँ परख्या जाबा की टेम थे हिमत नइ हारो। क्युं क थे खुद, इ बातनै जाणो हो क परमेसर की आई इंछ्या ह क आपा दुख की घड़ी म मजबूत बण्या रेह्‍वां

1 थिसलूनिकी 3:3 Iomraidhean Croise

लूका 21:12

पण आ सगळी बाता क होबाऊँ पेली हर कठै थानै मेरी बजेऊँ पकड़्यो अर सतायो जासी। थानै अरदास करबाळी झघा म सूप्यो जासी अर जेळ म बंद कर्यो जासी थानै राजा अर राज करबाळा क सामै लेर जासी।

यहून्ना 16:2

थे अरदास करबाळी झघाऊँ काड्या जास्यो अर बो टेम आसी जद थानै मारबाळा सोचसी क थानै मार'र बे परमेसर की सेवा करीं हीं।

यहून्ना 16:33

“म अ बाता थारूँ इ ताँई बोल्यो क थानै स्यांती मिलै। जगत म तो थानै दुखई मिल्यो ह पण हिमत राखो म जगतनै जीत लिओ हूँ।”

भेजेड़ा चेला का काम 14:22

अर चेलानै समजाता अर हिमत बंधाता हा क, “बिस्वास म बण्या रेह्ओ अर परमेसर का राज म बड़बा ताँई आपानै बोळा दुख भोगणा पड़सी।”

भेजेड़ा चेला का काम 2:25

बि ताँई दाऊद खेवै ह: “‘म सदाई परबुनै मेरै सामै देखूँ हूँ। क्युं क बो मेरै सागै ह। इ ताँई म कोनी डिगुं।

भेजेड़ा चेला का काम 21:11

बो म्हारै कनै आर पोलुस को कमर बांदबा को पट्टो लेर बिऊँ आपका हात पगानै बांद लिओ अर खेबा लाग्यो, “जिको ओ कमर पट्टो ह बिनै यरूसलेम म यहूदि मिनख अंय्यांई बांदसी अर बिनै परमेसरनै नइ ध्यारबाळा मिनखा क हाता म सूपसी आ बात मनै पबितर आत्मा बतावै ह।”

भेजेड़ा चेला का काम 21:13

पण पोलुस बाऊँ बोल्यो, “थे ओ काँई करो हो? आ ढंगा रो-रोर थे मेरो मन कचो करो हो, म तो परबु ईसु का नामऊँ यरूसलेम म खाली बंदि बणबा ताँई नइ पण मरबा ताँई बी त्यार हूँ।”

भेजेड़ा चेला का काम 9:16

अर मेरा नामऊँ दुख उठाबो कतो जरूरी ह आ बात म खुद बिनै दिखास्युं।”

रोमीयो 5:3

खाली ओई नइ, म्हें तो म्हारा दुख म बी गुमान करां हां क्युं क म्हें जाणा हां क दुख थ्यावसनै जलम देवै ह।

1 कुरन्थीयो 15:58

इ ताँई मेरा लाडला बिस्वास्यो, बिस्वास म मजबूत बण्या रेह्ओ अर जमाई संका मना करो। अर परबु का काम म खुदनै लगाया राखो। क्युं क थे जाणो हो क परबु ताँई करेड़ो काम बेकार कोनी जावै।

1 कुरन्थीयो 4:9

क्युं क अंय्यां लागै ह क परमेसर म्हानै जखा भेजेड़ा चेला हां बानै सऊँ आखरी म झघा दिनी ह, जंय्यां क कोई मिनखनै अखाड़ा म मरबा की सजा दि गई हो। क्युं क म्हें सगळी सरस्टि, ईस्बर नगरी दुता अर सागै की सागै मिनखा ताँई तमासो बणाया गया हां।

इफिसुस 3:13

जणाई म थारूँ हात जो'ड़र खेऊँ हूँ क, थे हिमत मना हारो क्युं क म थारै ताँई जेळ म दुख उठार्यो हूँ, अर अ सगळी बाता थारै भला ताँई ह।

फलिपी 1:28

थे थारा बेरीयाऊँ कंय्यांई कोनी डरो ओ बा ताँई इ बात को सबूत ह क बे हार ज्यासी अर थे जीत ज्यास्यो, क्युं क आ जे परमेसर थानै देवै ह।

कलुसीयो 1:23

ओ जणाई हो सकै ह जद थे बिस्वास म एक झघा अर अटल बण्या रह्यो अर जि चोखा समचारनै थे सुण्या हो बिऊँ मिलेड़ी बि आसनै मना तजो। ओ बोई चोखो समचार ह जिको म पोलुस गुलाम बण्यो हूँ अर इकी इ जगत का सगळा मिनखानै सीख दिनी गई ह।

1 थिसलूनिकी 5:9

क्युं क परमेसर आपणा प आपकी झाळ काडबा ताँई नइ पण परबु ईसु मसी क जरिए पापऊँ छुटकारो पाबा ताँई टाळ्या ह।

2 थिसलूनिकी 1:4

इ ताँई जद कदै म्हें परमेसर की दुसरी बिस्वासी मंडळ्या म जावां हां जणा बाकै सामै थारै बई गुमान करबो कोनी भूलां। क्युं क थे जत्ता बी दुख अर सताव भोगो हो बा सगळा म बानै थारी सेह्बा की सक्‍ति अर बिस्वास क बारां म बेरो चालै ह।

2 तिमूतियूस 1:8

जणा तू आपणा परबु अर मेरी गुवाई देबा ताँई, म जखो मसी ताँई केद म हूँ नाड़ निची मना करजे। पण अंय्यां करबा की बजाय परमेसर जखी ताकत तनै दि ह बिनै मेरै सागै चोखा समचार ताँई दुख उठाबा म लगा।

1 पतरस 2:21

क्युं क परमेसर थानै भलो करबा ताँई बुलायो ह, चाए पाछै थे भलो करबा ताँई दुखई क्युं नइ उठाओ जंय्यां क मसी थारै ताँई उठाया हा। अंय्यां करबा बेई मसी थारै ताँई नमूनो ह। जणा थानै बी बिकी लीक प चालबो चाए। सास्तर म मंडर्यो ह,

दरसाव 2:10

जखा दुख तनै भोगणा ह बाऊँ मना डर। क्युं क सेतान थारै मऊँ कयानै बिचासबा ताँई काळ-कोठड़ी म गेरसी अर थानै बठै दस दिना ताँई सताव भोगणो पड़सी। पण तू बिस्वास जोगो रेह्जे चाए तनै मोतई क्युं नइ आज्यावै। जणा म तनै तेरी जीत क रूप म अजर-अमर जीवन को मुकट देस्युँ।

दरसाव 2:13

म जाणू हूँ क, तू बठै रेह्‍वै ह जठै सेतान को सिंघासन ह। इकै वावजुद बी तू मेरै नाम प सचो बिस्वास करै ह। तेरी नगरी म सेतान को सिंघासन ह जठै मेरा बिस्वास जोगा दास अन्तिपासनै मार्यो गयो जणाबी तू मेर प बिस्वास करबो कोनी छोड्यो।