1 थिसलूनिकी 2:9 - जीवन को च्यानणो (सेकावाटी नया नियम की पोथ्या)

⁹ मेरा लाडला बिस्वास्यो, म्हें जाणा क थे म्हारी मेनतनै जखी म्हें थार ताँई करी अर दुखानै याद राखो हो। अर थानै पक्काई याद होगो क जद म्हें थानै परमेसर को चोखो समचार सुणार्या हा बि टेम का म्हारो पेट भरबा ताँई रात-दिन कंय्यां मेनत करी। क्युं क म्हें थार प म्हारो बोज कोनी लादबो चावा हा।

1 थिसलूनिकी 2:9 Iomraidhean Croise

लूका 18:7

जणा पाछै परमेसर आपका टाळेड़ा मिनखानै न्याय कोनी देसी के जखा रात-दिन परमेसर की रो-रो दुहाई दि हीं? बानै न्याय देबा म के बो देर करसी?

लूका 2:37

इब बा चोरासी बरस की होरी ही। अर बा कदैई मनदरनै कोनी तज्यो बा रात-दिन बरत अर अरदास क सागै परबु की भगती करती।

भेजेड़ा चेला का काम 18:3

अर बो बाकै सागै रेह्बा अर काम करबा लागगो क्युं क बाको एकसोई धंधो हो। बे तम्मू बणाबाळा हा।

भेजेड़ा चेला का काम 20:24

पण मनै मेरी ज्यान की परवा कोनी म तो बस मेरी भाग दोड़नै पूरी करबो चाऊँ हूँ। अर परमेसर की दया का चोखा समचार सुणाबा को काम जखो परबु मनै सूप्यो ह बिनै पूरो करबो चाऊँ हूँ।

भेजेड़ा चेला का काम 20:31

जणा इब थे चेता म रेह्‍वो अर आ कदैई मना भूलज्यो की तीन बरसा ताँई दिन-रात आसुआ क सागै थानै एक-एकनै चेताबो कोनी भूल्यो।

रोमीयो 1:1

म ईसु मसी को दास, भेजेड़ो चेलो पोलुस, जिनै परमेसर बुलायो अर चोखो समचार परचार करबा ताँई टाळ्यो, आ चिठी रोम की बिस्वासी मंडळीनै मांडूँ हूँ। रोम म रेह्बाळा थारै सगळा प जखा परमेसर का लाडला अर पबितर होबा ताँई बुलाया गया हीं। आपणा परम-पिता परमेसर अर परबु ईसु मसी की दया अर स्यांती बणी रेह्‍वै। चोखा समचार को बादो परमेसर की खेबाळा क जरिए पेलीऊँई कर्यो गयो, जंय्यां क पबितर सास्तर म मंडर्यो ह, ओ चोखो समचार परमेसर का बेटा क बारां म ह अर ओ काया रूप म दाऊद क कूणबा म जलम्यो। अर बिनै पबितर आत्माऊँ मरेड़ा मऊँ जीवार सक्‍ति क सागै ओ साबित कर्यो गयो क ओ परमेसर को बेटो ह जखो आपणो परबु ईसु मसी ह। मसी क जरिए परमेसर म्हानै ओ सोभाग अर भेजेड़ा चेला को ओदो दिओ, जिऊँ जगत का सगळा मिनख बिस्वास करीं अर बिकी मानी जिऊँ बिका नाम की मेमा होवै। थारी बी गिणती आमई आवै ह, थानै ईसु मसी का होबा ताँई बुलायो गयो ह।

रोमीयो 15:16

क्युं क गैर-यहूदि मिनखा ताँई मसी ईसु को दास होर म परमेसरऊँ मिलेड़ा चोखा समचार को हेलो पाड़बा ताँई एक याजक की जंय्यां काम करूं हूँ, जिऊँ गैर-यहूदि मिनख पबितर आत्मा क जरिए पूरा का पूरा पबितर होर परमेसर क चढबा जोगो चढावो बण सकै।

रोमीयो 15:19

अचरज, सक्‍तिसाली सेलाणी अर परमेसर की पबितर आत्मा की सक्‍तिऊँ मेरै जरिए पूरी कर्यो। जिऊँ म यरूसलेमऊँ लेर इलेरीकुम क च्यारूमेर मसी का चोखा समचार को हेलो पाड़बा को काम पूरो कर्यो।

1 कुरन्थीयो 4:12

अर म्हें मेनत मजुरी कर खावां कमावां हां। अर ज म्हानै कोई दूरसिस देवै जणा म्हें बिनै आसिरबाद देवां हां। म्हानै सतायो जावै ह अर म्हें बरदास करां हां।

1 कुरन्थीयो 9:15

पण म तो अंय्यां कोनी कर्यो। अर ना म अंय्यां की कोई बात मांडी जिऊँ थे मेरै ताँई क्युं करो। जि बात को मनै गुमान ह बिनै कोई खोसले इऊँ पेली म मरबो पसंद करस्युं।

1 कुरन्थीयो 9:18

जणा मनै क्याको फळ मिलसी? इ बात को क, चोखा समचार सुणाबा को काम सितमित करूं। बिना मेरा हक को दावो कर्या चोखा समचारनै सुणाबा को काम एक सोभाग ह।

1 कुरन्थीयो 9:4

के म्हानै ओ हक कोनी क थे म्हारो पेट भरो?

2 कुरन्थीयो 11:27

पिड़ा अर बोळी मेनत करबा क पाछै बी बार-बार भूखो तिसायो रिह्यो जिऊँ म सोयो बी कोनी। अर बोळी बार तो दावा म बिना गाबा क धुजतो रिह्यो।

2 कुरन्थीयो 11:9

अर जद म थारै कनै हो जणा मनै कमी-घटी होई ही पण बि टेम बी म थार प कोई बोज कोनी गेर्यो। क्युं क मकीदुनियाऊँ मेरा बिस्वासी भाईड़ा आर मेरी सगळी जुर्ता पूरी करी। अर म हर बर खुदनै थार प बोज बणबाऊँ रोक्यो, अर आगै बी रोकस्युं।

2 कुरन्थीयो 6:5

म्हानै मार्यो, रूंद्‍यो अर जेळ म दिओ गयो म्हारूँ हदऊँ बेत्ती काम करवायो गयो अर म्हें नइ तो सो सक्या अर नइ खा सक्या।

फलिपी 4:16

अर जद मनै थिसलूनिकी म बी पिसा-टक्का की जुर्त पड़ी ही जणा बी थे ओज्यु मेर ताँई क्युंना क्युं भेजता हा।

1 थिसलूनिकी 1:3

परम-पिता परमेसर क सामै म्हें जद बी जावां जणा थारा बिस्वास का कामानै, थारा परेम भर्या कामानै अर परबु ईसु मसी क ओज्यु आबा की आस म, थे सक्यु सेह्ता होया बी बिस्वास म पक्का हो, आ बातानै सदाई याद करां हां।

1 थिसलूनिकी 2:2

अर आबी जाणो हो क थिसलूनिकी आबाऊँ पेल्या फलिपी म म्हें दुख उठाया अर बेजत कर्या गया। अर जद म्हें थिसलूनिकी म आया जणा अठै बी म्हारो खूब बिरोद होयो पण परमेसरऊँ अंय्यां की हिमत मिली क बिना डर थानै चोखो समचार सुणावां।

1 थिसलूनिकी 2:6

अर म्हें आ कोनी चावां क मिनख म्हारो मान करै अर नइ म्हें थारूँ अर दुसराऊँ आदरमान चायो। जदकी म्हें मसी का भेजेड़ा चेला होबा क नातै थारै प हक जमा सका हा।

1 थिसलूनिकी 3:10

म्हें रात-दिन परमेसरऊँ जीज्यानऊँ अरदास करर्या हां क थानै देखां अर थारा बिस्वास की कमी पूरी करां।

1 तिमूतियूस 1:11

आ खरी सीख धने परम-परधान परमेसर की लिला का बि चोखा समचार क गेल ह जखो मनै दिओ गयो ह।

1 तिमूतियूस 4:10

आपा इ ताँई मेनत अर कोसिस करां हां, क्युं क आपणी आस जीवता परमेसर म ह। जखो सगळानै, खासकर बिस्वास्यानै बचाबाळो ह।

1 तिमूतियूस 5:5

बा जखी सचमई खालीहोइड़ी लूगाई ह जिकै कनै बिकी साळसमाळ करबाळो कोई कोनी, अर जखी परमेसर म आस राखै ह अर रात-दिन अरदास करै ह अर परमेसरऊँ मदद माँगै ह।

2 तिमूतियूस 1:3

तिमूतियूस म रात-दिन मेरी अरदास म तनै याद करूं हूँ, अर तेरै ताँई परमेसरनै धनेवाद देऊँ हूँ। जिकी सेवा म मेरा बडका की जंय्यां पबितर अन्तर-आत्माऊँ करूं हूँ।