Biblia Todo Logo
Bìoball air-loidhne

- Sanasan -




1 थिसलूनिकी 2:8 - जीवन को च्यानणो (सेकावाटी नया नियम की पोथ्या)

8 पण थारै ताँई म्हारा प्यार-परेम क चलतै म्हें थानै चोखो समचारई कोनी सुणाया, पण इकै सागै थारै ताँई ज्यान देबानै बी राजी हां क्युं क थे म्हारा प्यारा बणग्या हा।

Faic an caibideil Dèan lethbhreac




1 थिसलूनिकी 2:8
23 Iomraidhean Croise  

बि बठै एक सुबेदार हो जिको एक दास बिमारीऊँ मरबाळोसो होर्यो हो इ दासऊँ सुबेदारनै लगाव बी बोळो हो।


म ईसु मसी को दास, भेजेड़ो चेलो पोलुस, जिनै परमेसर बुलायो अर चोखो समचार परचार करबा ताँई टाळ्यो, आ चिठी रोम की बिस्वासी मंडळीनै मांडूँ हूँ। रोम म रेह्बाळा थारै सगळा प जखा परमेसर का लाडला अर पबितर होबा ताँई बुलाया गया हीं। आपणा परम-पिता परमेसर अर परबु ईसु मसी की दया अर स्यांती बणी रेह्‍वै। चोखा समचार को बादो परमेसर की खेबाळा क जरिए पेलीऊँई कर्यो गयो, जंय्यां क पबितर सास्तर म मंडर्यो ह, ओ चोखो समचार परमेसर का बेटा क बारां म ह अर ओ काया रूप म दाऊद क कूणबा म जलम्यो। अर बिनै पबितर आत्माऊँ मरेड़ा मऊँ जीवार सक्‍ति क सागै ओ साबित कर्यो गयो क ओ परमेसर को बेटो ह जखो आपणो परबु ईसु मसी ह। मसी क जरिए परमेसर म्हानै ओ सोभाग अर भेजेड़ा चेला को ओदो दिओ, जिऊँ जगत का सगळा मिनख बिस्वास करीं अर बिकी मानी जिऊँ बिका नाम की मेमा होवै। थारी बी गिणती आमई आवै ह, थानै ईसु मसी का होबा ताँई बुलायो गयो ह।


मेरा लाडला बिस्वास्यो, मेरा मन की इंछ्या ह, जि ताँई म परमेसरऊँ अरदास करूं हूँ क इजरायली मिनख बचाया जावीं।


अर म जाणू हूँ क जद म थारै कनै आस्युं जणा मेरै सागै मसी का खूब आसिरबाद बी ल्यास्युं।


अर जठै ताँई मेरी बात ह, मेरै कनै जोक्यु बी ह, बिनै थारै ताँई राजी होर खरच करस्युं, अठै ताँई क म खुदनै बी थारै ताँई दे देस्युँ। अर जद म थारूँ, अत्तो प्यार-परेम करूं हूँ, जणा थे कंय्यां मेरूँ, थोड़ो प्यार-परेम कर सको हो?


परमेसर का संगी होबा क नातै म्हें थानै समजावां हां क परमेसर की दया थार प होई ह बिनै बेकार मना जाबाद्‍यो।


ओ मेरा टाबरो, जद ताँई थार म मसी को सुभाव नइ आज्यावै, जद ताँई म जच्चा की सी पिड़ा भोगर्यो हूँ।


म मसी ईसु का हिया जंय्यां को लगाव राख'र थारै सगळा ताँई तरसर्यो हूँ, अर इ बात को गुवा खुद परमेसर ह।


थारो बिस्वास परमेसर क सामै बलि अर याजक की सेवा जंय्यां को ह अर इ बलि प ज मेरो लोय बी चढाणो पड़ै जणा म इ बात ताँई राजी हूँ अर आ खुसी म था सगळा क सागै बाटर्यो हूँ।


बोई ह जखो मेरो सो मन राखै ह अर सचा मनऊँ थारै भला की सोचै ह।


मेरा लाडला बिस्वास्यो, अर मेरा काळज्या का टुकड़ो थारै ताँई म तरसू हूँ। थे मनै राजी करो हो अर मनै थार प गुमान ह। मेरा लाडलो, थारो जीवन परबु म अंय्यांई मजबूत बण्यो रेह्णो चाए।


म्हें मसी को परचार कर हरेक मिनखानै चितावां अर सगळा ज्ञानऊँ बानै सीखावां, जिऊँ हरेक मिनखनै मसी म सिद कर परमेसर क सामनै हाजिर कर सकां।


आपणो लाडलो भाई इफरास, जखो आपणै ताँई मसी को संगी बिस्वास जोगो दास ह बिऊँ थानै परमेसर की दया की सीख मिली ही।


थारै मालोई एक ओर ह जिको नाम इफरास ह अर मसी ईसु को दास ह बिकी बी थानै “जे मसी की” पुगै। ओ सदाई थारै ताँई जी ज्यानऊँ अरदास करै ह जिऊँ थे परमेसर की सगळी इंछ्या म समजदारी अर पूरा भरोसा क सागै खड़्या रेह सको।


म पोलुस, जखो मसी ईसु को समचार सुणाबा की बजेऊँ जेळ म बंदि हूँ। म अर बिस्वासी भाईड़ो तिमूतियूस आ चिठी, म्हारा लाडला संगी फिलेमोन,


थे थारा आत्मिक मुखिया प भरोसो करो अर बाकै बस म रेह्‍वो, क्युं क बे बाकी जंय्यां जानै लेखो देणो पड़ै ह थारा पिराणा ताँई जागता रेह्‍वै ह। अंय्यांई कर्या करो जिऊँ बाका काम थारै ताँई बोज नइ पण राजी होबा की बजे बणै। क्युं क बोज समज्या तो थारो क्युंई फाईदो कोनी होवै।


मसी आपणा ताँई आपको जीवन तज दिओ इ बात की बजेऊँई आपा जाण सकां हां क परेम काँई ह। इ ताँई आपानै बी खुदका बिस्वासी भाईड़ा ताँई ज्यान देबानै त्यार रेह्णो चाए।


Lean sinn:

Sanasan


Sanasan