1 थिसलूनिकी 2:2 - जीवन को च्यानणो (सेकावाटी नया नियम की पोथ्या)

² अर आबी जाणो हो क थिसलूनिकी आबाऊँ पेल्या फलिपी म म्हें दुख उठाया अर बेजत कर्या गया। अर जद म्हें थिसलूनिकी म आया जणा अठै बी म्हारो खूब बिरोद होयो पण परमेसरऊँ अंय्यां की हिमत मिली क बिना डर थानै चोखो समचार सुणावां।

1 थिसलूनिकी 2:2 Iomraidhean Croise

भेजेड़ा चेला का काम 14:3

पोलुस अर बरनाबास बोळा दिना ताँई बठैई रिह्या अर बिना कोई डर क परचार करता रिह्या। अर परबु बी बाका हाताऊँ अचरजभर्या काम अर चमत्कार दिखार आपकी दया का संदेसनै साबित कर्यो।

भेजेड़ा चेला का काम 14:5

पण जद यहूदि अर गैर-यहूदि मिनख आपका नेता सेत्युं बाकी बेजती करबा अर भाठा मारबा की सोची।

भेजेड़ा चेला का काम 16:12

अर बठैऊँ बे जमीन क गेला फलिपी पुग्या। फलिपी मकीदुनिया परदेस की मानेड़ी नगरी अर रोमी मिनखा की बस्ति ही। म्हें क्युंक दिन बठै रिह्या।

भेजेड़ा चेला का काम 16:19

बिका मालिक आ देखर क आपणी कमाई को सादन तो जातो रिह्यो जणा बे पोलुस अर सीलासनै खिंचर चोक म परधान क कनै लेग्या।

भेजेड़ा चेला का काम 16:37

पण पोलुस अकड़गो अर बा सिपायड़ाऊँ बोल्यो, “म्हें रोमी होतासोता बी, बे म्हारै प लगाया गया दोस की जाच पड़ताळ कर्या बिनाई म्हारै सगळा क सामै तड़ा मरवार म्हानै कोठड़ी म बंद कर दिआ। अर इब चुपचाला म्हानै छोडर्या हीं, अंय्यां कोनी चालै जद ताँई बे खुद आर म्हानै नइ छोडै म्हें कोनी जावां।”

भेजेड़ा चेला का काम 17:1

इकै पाछै बे अम्फिपुलिस अर अपुलोनिया होताहोया थिसलूनिकी म आया, जठै यहूदि मिनखा की एक अरदास करबाळी झघा ही।

भेजेड़ा चेला का काम 17:17

जि बजेऊँ बो अरदास करबाळी झघा म यहूदि अर गैर-यहूदि मिनखा क सागै जखा परमेसर का भगत हा। अर रोजकी चोक म आबाळा जाबाळा क सागै बी चरचा करतो हो।

भेजेड़ा चेला का काम 19:8

पोलुस यहूदिआ का अरदास घर म तीन म्हेना ताँई बेधड़क बोलतो अर परमेसर का राज क बारां म मिनखानै समजातो रिह्यो।

भेजेड़ा चेला का काम 4:13

जद पंचानै ओ बेरो पड़्यो क पतरस अर यहून्ना दोन्यु कम पढ्या-लिख्या आम आदमी हीं जणा बे बाकी हिमत देखर ताजूब म पड़गा। अर पाछै बानै बेरो पड़्यो क अ दोन्यु ईसु क सागै रेह्ता हा।

भेजेड़ा चेला का काम 4:20

क्युं क आ तो होय कोनी सकै क जोक्यु म्हें देख्यो अर सुण्यो ह बिनै कोनी खेवां।”

भेजेड़ा चेला का काम 4:31

बाकै अरदास करताई बा झघा जठै बे भेळा होर्या हा हालबा लागगी अर बे सगळा पबितर आत्माऊँ भरगा अर हिमत क सागै परमेसर का बचनानै बोलबा लागगा।

भेजेड़ा चेला का काम 5:41

बे राजी-खुसी पंचायतऊँ चलेगा क्युं क ईसु नामऊँ परमेसर बानै पिड़ा अर बेजती भोगबा जोगा समज्या।

रोमीयो 1:1

म ईसु मसी को दास, भेजेड़ो चेलो पोलुस, जिनै परमेसर बुलायो अर चोखो समचार परचार करबा ताँई टाळ्यो, आ चिठी रोम की बिस्वासी मंडळीनै मांडूँ हूँ। रोम म रेह्बाळा थारै सगळा प जखा परमेसर का लाडला अर पबितर होबा ताँई बुलाया गया हीं। आपणा परम-पिता परमेसर अर परबु ईसु मसी की दया अर स्यांती बणी रेह्‍वै। चोखा समचार को बादो परमेसर की खेबाळा क जरिए पेलीऊँई कर्यो गयो, जंय्यां क पबितर सास्तर म मंडर्यो ह, ओ चोखो समचार परमेसर का बेटा क बारां म ह अर ओ काया रूप म दाऊद क कूणबा म जलम्यो। अर बिनै पबितर आत्माऊँ मरेड़ा मऊँ जीवार सक्‍ति क सागै ओ साबित कर्यो गयो क ओ परमेसर को बेटो ह जखो आपणो परबु ईसु मसी ह। मसी क जरिए परमेसर म्हानै ओ सोभाग अर भेजेड़ा चेला को ओदो दिओ, जिऊँ जगत का सगळा मिनख बिस्वास करीं अर बिकी मानी जिऊँ बिका नाम की मेमा होवै। थारी बी गिणती आमई आवै ह, थानै ईसु मसी का होबा ताँई बुलायो गयो ह।

2 कुरन्थीयो 3:12

म्हारै कनै आ मेमा भरी आस ह जणाई म्हें बेधड़क बोलर्या हां।

कलुसीयो 2:1

म चाऊँ क थे इ बातनै जाणो क, म थारै ताँई, लोदिकीया नगरी म रेह्बाळा अर बा सगळा ताँई जाऊँ मेरो आमनो-सामनो कोनी होयो, कत्ती चिंत्या राखूँ हूँ।

1 थिसलूनिकी 1:5

क्युं क ओ चोखो समचार थारै कनै बोली रूप मई कोनी पुग्यो पण सक्‍ति, पबितर आत्मा अर इकै सच की पुक्‍ताई क सागै पुग्यो ह। जंय्यां थे जाणोई हो क, म्हें थारा भला ताँई थारै मांयनै कंय्यां जिया।

2 तिमूतियूस 1:12

अर इ बजेऊँई म अ सगळा दुख उठाऊँ हूँ। पण म इ ताँई सरमिंदा कोनी, क्युं क म जाणू हूँ क, मेरो बिस्वास किमै ह, अर म इ बात ताँई पक्को हूँ क, जोक्यु बो मनै सूप्यो ह बिनै मसी क ओज्यु आबाळा दिन ताँई बचाबा को बळबूतो राखै ह।

यहूदा 1:3

लाडलो म तो घणोई चातो हो क, थानै बि छुटकारा क बारां म मांडूँ, जिका आपा बराबर का पाँतीवाळ हां। अर मनै अंय्यां बी लाग्यो क, म थानै अ बाता मांडर बढाओ द्‍युँ जिऊँ थे बिस्वास म बढता रेह्‍ओ, ओ बो बिस्वास ह जखो परमेसर का मिनखानै दिओ गयो ह।