1 थिसलूनिकी 1:8 - जीवन को च्यानणो (सेकावाटी नया नियम की पोथ्या)

⁸ क्युं क थारी बजेऊँ परबु को बचन थारूँ लेर मकीदुनिया अर अखाया मई कोनी फेल्यो, पण जठै बी म्हें जावां बठै परमेसर म थारा बिस्वास की चरचा सुणा हां। जि बजेऊँ म्हानै क्युं खेबा की जुर्तई कोनी पड़ै।

1 थिसलूनिकी 1:8 Iomraidhean Croise

भेजेड़ा चेला का काम 18:12

जद गलिओ अखाया परदेस को राजपाल हो बि टेम सगळा यहूदि एको कर पोलुसनै पकड़र कचेरी म खड़्यो कर दिओ अर बे बोल्या,

रोमीयो 1:8

सऊँ पेली म थारै सगळा ताँई ईसु मसी म परमेसर को धनेवाद देऊँ हूँ, क्युं क सगळी दुनिया म थारा बिस्वास क बारां म बतायो जार्यो ह।

रोमीयो 15:26

क्युं क मकीदुनिया अर अखाया की बिस्वासी मंडळी का मिनखानै ओ चोखो लाग्यो क यरूसलेम म परमेसर का मिनखा म जखा गरीब हीं बानै दान देवीं।

रोमीयो 16:19

हुकमानै मानबा की थारी चरचा, च्यारूमेर होरी ह। इ ताँई म थारूँ खुस हूँ पण म चाऊँ हूँ क थे भलाई ताँई स्याणा बणो अर बुराई ताँई अणभोळ।

1 कुरन्थीयो 14:36

परमेसर को बचन सऊँ पेली थारै मऊँ तो आयो कोनी अर नइ थे बे एकलोता हो जखा इनै सुण्या हो।

2 कुरन्थीयो 2:14

परमेसर को धनेवाद हो क बो आपानै मसी की बजेऊँ सदाई जीत का गेला प लेज्यावै ह। अर परमेसर मसी की बाता का ज्ञाननै च्यारूमेर फेलाबा ताँई आपानै चोखी सुगंद की जंय्यां काम म लेवै ह।

2 कुरन्थीयो 3:4

अर म्हें आ बात इ ताँई खेवां हां क्युं क मसी की बजेऊँ म्हानै परमेसर म पूरो बिस्वास ह।

कलुसीयो 3:16

सगळी बुदी क सागै एक दुसरानै सीखाओ अर चेताओ। अर थारा हियाऊँ परमेसर ताँई सगळा भजन अर आत्मिक गुणगान गाता रह्यो अर धनेवाद देतार्यो। अंय्यां कर मसी का बचनानै थारा हिया म पूरो-पूरो बसबा द्‍यो।

2 थिसलूनिकी 1:4

इ ताँई जद कदै म्हें परमेसर की दुसरी बिस्वासी मंडळ्या म जावां हां जणा बाकै सामै थारै बई गुमान करबो कोनी भूलां। क्युं क थे जत्ता बी दुख अर सताव भोगो हो बा सगळा म बानै थारी सेह्बा की सक्‍ति अर बिस्वास क बारां म बेरो चालै ह।

2 थिसलूनिकी 3:1

मेरा लाडला बिस्वास्यो, आखीर म, म्हें एकोर बात थारूँ चावां हां क थे करो, म्हारै ताँई बी अरदास कर्या करो, जिऊँ परबु को चोखो समचार जंय्यां थारै बिचमै फेल्यो हो बंय्यांई तावळो ओर मिनखा म बी फेलै अर आदरमान पावै।

1 तिमूतियूस 2:8

जणा इब म चाऊँ हूँ क, हर कठै मोट्यार बिना झाळ भर्या अर बिना मनमुटाव कर्या, खुदका पबितर हातानै जो'ड़र अरदास करै।

2 तिमूतियूस 2:9

अर इ चोखा समचारनै परचार करबा की बजेऊँई म दुख उठार्यो हूँ अर एक मुलजिम की जंय्यां साकळा म बंदर्यो हूँ, पण परमेसर का बचना प कोई बंदण कोनी।

3 यहून्ना 1:12

दिमेतीयुसनै जाणबाळा बिस्वासी बिकै बारां म चोखो बोलीं हीं अर ओ सच बी ह। अर म्हें खुदबी बिनै भलो मिनख बतावां हां अर थे तो जाणोई हो क म्हारी गुवाई सची ह।

दरसाव 14:6

इकै पाछै म एक ओर ईस्बर नगरी दुतनै आसमान क बिचमै उडता देख्यो। बिकन धरती प रेह्बाळा सगळा कूणबा का मिनखा, सगळा देसा, सगळी बोली बोलबाळा अर सगळा कुल का मिनखानै सुणाबा ताँई जुग-जुग ताँई को चोखो समचार हो।

दरसाव 22:17

पबितर आत्मा अर बनड़ी खेवै ह, “आ!” अर जखो इनै सुणै ह बो बी बोलै ह, “आ!” अर जखो तिसायो ह बो अर जखोबी चावै बो इ जीवन का पाणी का फळनै सितमित म लेले।