1 थिसलूनिकी 1:5 - जीवन को च्यानणो (सेकावाटी नया नियम की पोथ्या)

⁵ क्युं क ओ चोखो समचार थारै कनै बोली रूप मई कोनी पुग्यो पण सक्‍ति, पबितर आत्मा अर इकै सच की पुक्‍ताई क सागै पुग्यो ह। जंय्यां थे जाणोई हो क, म्हें थारा भला ताँई थारै मांयनै कंय्यां जिया।

1 थिसलूनिकी 1:5 Iomraidhean Croise

मरकुस 16:20

अर बिका चेला झघा-झघा जार परबु को परबचन दिओ। बाकै सागै परबु काम करर्यो हो। अर बो चमत्कारी सेलाणीऊँ बचनानै सच करर्यो।

लूका 1:1

अजी थियूफिलूस, बोळाजणा आपणै मांयनै बितेड़ी बातानै मांडबा की कोसिस करी।

भेजेड़ा चेला का काम 11:21

परबु को हात बा प हो, जिकी बजेऊँ घणासारा मिनख बिस्वास कर ईसु क कानि मुड़्या।

भेजेड़ा चेला का काम 16:14

बा लूगाया म थुआतिरा नगरीऊँ लुदिआ नाम की एक लूगाई ही जखी मेंगा भाव का गाबा बेच्या करती ही अर बा परमेसर की भगत ही। परबु बिका मन का पाट खोल दिआ अर बा पोलुस की बाता प गोर करी।

भेजेड़ा चेला का काम 2:33

परमेसर ईसुनै उठार आपकै दाया हात बिठायो जखी आदर की सऊँ उची झघा ह। अर परम-पिता का करार गेल बिनै पबितर आत्मा मिली अर बि आत्मानै बो आपणै उपर पूर दिओ। जिनै थे इब देखर्या अर सुणर्या हो।

रोमीयो 1:16

म मसी का चोखा समचारऊँ कोनी सरमाऊँ क्युं क जखो बी बिस्वास करै बिकै छुटकारा ताँई ओ समचार पेली यहूदि मिनखा ताँई अर पाछै यूनानी मिनखा ताँई बी परमेसर की सक्‍ति ह।

रोमीयो 15:13

थारै बिस्वास गेल थानै आस देबाळो परमेसर थानै सुक-स्यांती अर खुसीऊँ भर देवै। जिऊँ पबितर आत्मा की सक्‍तिऊँ थारी आस बढती जावै।

रोमीयो 2:16

अ बाता चोखा समचार गेल जिको म परचार करूं हूँ बि दिन होसी जि दिन परमेसर मसी ईसु क जरिए मिनखा की लुखेड़ी बाता को न्याय करसी।

1 कुरन्थीयो 1:24

पण जानै परमेसर बुलायो ह चाए बे यहूदि हो चाए यूनानी, बा ताँई मसी परमेसर की सक्‍ति अर बिकी बुदी ह।

1 कुरन्थीयो 10:33

मेरी जंय्यां बिना आ सोच्या की मनै काँई फाईदो होसी म दुसरा को फाईदो देखूँ हूँ अर सगळानै राजी राखूँ हूँ बंय्यांई करो, जिऊँ बे बचा लिआ जावै।

1 कुरन्थीयो 3:16

थे जाणो कोनी के थे परमेसर का मनदर हो अर परमेसर की पबितर आत्मा थारै म रेह्‍वै ह?

1 कुरन्थीयो 3:6

म बीज बोयो, अपुलोस सिंच्यो, अर परमेसर बिनै बोजो बणायो।

1 कुरन्थीयो 4:20

क्युं क परमेसर को राज बाता कोई कोनी पण परमेसर की सक्‍तिऊँ ह।

1 कुरन्थीयो 9:14

अंय्यांई परबु आपानै बी सास्तर म मांडर दिओ ह क चोखा समचार सुणाबाळा मिनखा को घर बी बिऊँ चालबो चाए।

2 कुरन्थीयो 3:6

अर बोई म्हानै नया करार को दास होबा जोगो बणायो ह। अर आ कोई मांडेड़ी बात कोनी ह पण ओ पबितर आत्मा को करार ह क्युं क मांडेड़ो नेम-कायदो तो मारै ह जदकी पबितर आत्मा जीवन देवै ह।

गलातियो 2:2

म बठै कोनी जाबो चातो हो पण म बठै परमेसर की इंछ्या की बजेऊँ गयो। अर म बि चोखा समचार क बारां म चुपचाप बठै की बिस्वासी मंडळी का मुखियानै बतायो जखो म गैर-यहूदि मिनखानै सुणायो हो, क्युं क म अंय्यां कोनी चातो हो मेरी गेलड़ी मेनत बेकार चली जावै।

गलातियो 5:5

पण आपा पबितर आत्मा का दियड़ा बिस्वास की बजेऊँ परमेसर क सामै जीबा की आस देखां हां।

इफिसुस 2:10

आपा परमेसर की बणाएड़ी रचना हां अर मसी ईसुऊँ भला काम करबा ताँई आपानै रच्यो गयो ह, जानै परमेसर पेल्याऊँई आपणा ताँई त्यार कर्यो ह।

इफिसुस 3:20

परमेसर सक्‍तिसाली ह अर आपणा म काम करबाळी बिकी सक्‍तिऊँ जखो बी आपा अरदास कर बिऊँ माँगा अर जत्तो सोचां हां बिऊँ बी बेत्ती बो कर सकै ह।

फलिपी 2:13

क्युं क बो परमेसरई ह जखो थारै म काम करै ह, अर बोई थानै बिका मकसदनै पूरो करबा की इंछ्या अर सक्‍ति देवै ह।

फलिपी 4:9

जोक्यु थे मेरी बाता अर कामाऊँ सीख्यो अर पायो ह बानै लागू कर्या करो जणा स्यांती देबाळो परमेसर थारै सागै रेह्सी।

कलुसीयो 2:2

ओ म इ ताँई करूं हूँ क, बाका हिया म हिमत बंधै अर बे आपसरी का प्यार-परेम म बंद जावै, अर बाकन मोकळी पक्की समज होवै जखी परमेसर पिता का भेदनै सूल जाणबाऊँ आवै ह। ओ भेद मसी ह जिनै परमेसर खोल्यो ह।

1 थिसलूनिकी 2:13

म्हें इ ताँई बी थारै ताँई परमेसर को धनेवाद करता कोनी रूकां, क जद म्हें थानै परमेसर को चोखो समचार सुणायो हो जणा थे इनै मिनखा कानि को कोनी जाण्या पण परमेसर को जा'णर इनै मान्या अर सच बी ओई ह, इ बजेऊँ परमेसर थारै म जखा बिस्वास करो हो काम करै ह।

2 थिसलूनिकी 2:14

परमेसर थानै चोखा समचार की बजेऊँ बुलायो ह, जिऊँ थे बी आपणा परबु ईसु मसी की मेमा म सामिल होवो। ओ बि चोखा समचार क जरिए होयो ह जिकी सीख म्हें थानै दिनी ही।

2 तिमूतियूस 2:10

जणाई म टाळेड़ा मिनखा ताँई सक्यु भोगज्याऊँ हूँ जिऊँ बे बि जीवननै जखो मसी ईसु म ह, अर बिकै सागै जुग-जुग की मेमानै लीं।

2 तिमूतियूस 2:8

जंय्यां की चोखा समचार म सीखायो गयो ह, म बंय्यांई परचार करूं हूँ क, दाऊद का कूणबा को ईसु मसी जखो मरेड़ा मऊँ जी उठ्यो बिपै तेरा हियानै लगा।

इबरानीआ 10:22

जणा आओ, आपा सचा हिया अर पूरा बिस्वास क सागै मन का बुरा बिचारानै छिड़कावऊँ सुद करवार कायानै पबितर पाणीऊँ धुलवार परमेसर क कनै चालां।

इबरानीआ 6:11

म्हारी तो आई दिली इंछ्या ह क थे हरेक जणा आखीर ताँई इ लगनऊँ काम करता रेह्‍वो, जिऊँ थारी आस पूरी होज्यावै।

1 पतरस 1:12

पण बानै ओबी बतायो गयो क, बे खुदकी नइ पण थारी सेवा ताँई अ बाता बोल्या हीं। बे थारै ताँई ईस्बर नगरीऊँ आईड़ी पबितर आत्मा की सक्‍तिऊँ चोखा समचार को हेलो पाड़्या। जदकी आ बातानै जाणबा ताँई ईस्बर नगरी दुत बी तरसीं हीं, पण इकै वावजुद बी अ बाता बस थारै ताँई परचार करी गई।

1 पतरस 1:3

परमेसर अर आपणा परबु ईसु मसी का परम-पिता की जे हो। क्युं क परमेसर आपणा प बडी दया दिखाई जणाई बो मसीनै मरेड़ा मऊँ जीवार आपानै नया जीवन की आस ताँई ओज्यु जीवायो ह।

1 पतरस 5:3

अर जखी बिस्वासी मंडळी थारी देखरेख म ह बिपै जोर मना जमायो। पण बा ताँई सीख बणो।

2 पतरस 1:10

ओ मेरा लाडला बिस्वास्यो, थे थारा बुलाया जाबानै, अर टाळ्या जाबानै पक्को करो। क्युं क ज थे अंय्यां करस्यो जणा कदैई आखळी कोनी खास्यो,

2 पतरस 1:19

अर म्हारै कनै परमेसर की खेबाळा का जखा बचन ह बिऊँ आ साबित बी होवै ह। अर थे समजर इपै ध्यान करो हो अंय्यां कर थे चोखोई करो हो। क्युं क बो च्यानणो ह, जखो अँधेरा म जद ताँई च्यानणो देसी जद ताँई दिन नइ निकळै अर थारा हिया म भोर को तारो नइ उग्यावै।