1 थिसलूनिकी 1:3 - जीवन को च्यानणो (सेकावाटी नया नियम की पोथ्या)

³ परम-पिता परमेसर क सामै म्हें जद बी जावां जणा थारा बिस्वास का कामानै, थारा परेम भर्या कामानै अर परबु ईसु मसी क ओज्यु आबा की आस म, थे सक्यु सेह्ता होया बी बिस्वास म पक्का हो, आ बातानै सदाई याद करां हां।

1 थिसलूनिकी 1:3 Iomraidhean Croise

यहून्ना 14:15

ईसु आपका चेलाऊँ बोल्यो, “ज थे मेरूँ परेम करो हो, जणा थे मेरै हुकमा प चालज्यो।

यहून्ना 15:10

ज थे मेरा हुकमानै मानस्यो, जणा मेरै परेम म बण्या रेहस्यो जंय्यां क म परम-पिता का हुकमानै मानू हूँ, अर बिका परेम म बण्यो रेह्ऊँ हूँ।

भेजेड़ा चेला का काम 10:31

अर बो मेरूँ बोलबा लाग्यो कुरनेलियुस तेरी अरदास अर दिन दुख्यानै दियड़ो तेरो दान परमेसर क कनै पुगगो ह अर बिनै बो बोळो चोखो लाग्यो ह।

भेजेड़ा चेला का काम 3:19

इ ताँई थे थारा पापऊँ तौबा करो अर हियानै ईस्बर कानि लगाओ जिऊँ परमेसर थारा पाप धो देसी।

रोमीयो 12:12

आस म राजी रेह्ओ, पिड़ा म थ्यावस राखो, लगातार अरदास करता रेह्ओ।

रोमीयो 15:13

थारै बिस्वास गेल थानै आस देबाळो परमेसर थानै सुक-स्यांती अर खुसीऊँ भर देवै। जिऊँ पबितर आत्मा की सक्‍तिऊँ थारी आस बढती जावै।

रोमीयो 15:4

हरेक बात जखी पबितर सास्तर म मांडी गई ह, बा आपानै सीख देबा ताँई हीं, जिऊँ जखी थ्यावस अर हिमत सास्तराऊँ मिलै ह, बिऊँ आपानै आस मिलै।

रोमीयो 16:26

जिनै जुग-जुग बण्या रेह्बाळा परमेसर का हुकमाऊँ परमेसर की खेबाळा का लेखा क जरिए सगळा गैर-यहूदि मिनखा प परगट कर बता दिओ गयो ह, जिऊँ बामै बिस्वासऊँ पैदा होबाळी कह्यो मानबा की मनस्या पैदा होवै।

रोमीयो 16:6

मरीयमनै, जखी थारै ताँई बोळी मेनत करी ह, नमस्कार।

रोमीयो 2:7

बे मिनख जखा थ्यावसऊँ भला कामा म लागर मेमा, मान-समान अर अजर-अमर जीवननै टोवीं हीं बानै परमेसर अजर-अमर को जीवन देसी।

1 कुरन्थीयो 13:13

पण इब बिस्वास, आस, अर परेम अ तीन्युई टळै कोनी पण आ सगळा म बडो परेम ह।

1 कुरन्थीयो 15:58

इ ताँई मेरा लाडला बिस्वास्यो, बिस्वास म मजबूत बण्या रेह्ओ अर जमाई संका मना करो। अर परबु का काम म खुदनै लगाया राखो। क्युं क थे जाणो हो क परबु ताँई करेड़ो काम बेकार कोनी जावै।

2 कुरन्थीयो 2:17

परमेसर का बचना को परचार को धंधो करबाळा बोळा हीं बे आपको फाईदो चावै ह। पण म्हें अंय्यां का कोनी हां, म्हानै परमेसर सचाई क सागै बोलबा ताँई ईसु मसी का दास क रूप म भेज्यो ह।

गलातियो 1:4

परम-पिता परमेसर की इंछ्यानै पूरी करबा ताँई मसी आपणा पाप ताँई खुदनै मरबा ताँई दे दिओ जिऊँ आपा बुरी दुनियाऊँ छुटाया जावां।

गलातियो 5:13

ओ मेरा लाडला बिस्वास्यो, थे अजाद रेह्बा ताँई बुलाया गया हो, पण अंय्यां नइ हो क आ अजादि काया का कामानै पूरो करबा को सादन बणै। पण परेमऊँ एक दुसरा का दास बणो।

गलातियो 5:6

क्युं क मसी ईसु म नइ तो सुन्नत कराबाळो, अर नइ सुन्नत नइ कराबाळो क्यु मांयनै राखै ह। पण बिस्वास जखो परेम की बजेऊँ काम करै ह बोई मांयनै राखै ह।

गलातियो 6:9

जणा आपानै चाए क जीज्यानऊँ भला काम करबा म लाग्या रेह्‍वां। जिऊँ ठिक टेम आबा प आपानै बिको फळ मिलै।

1 थिसलूनिकी 3:6

पण तिमूतियूस थारै कनैऊँ पाछो आयोक जणा म्हानै थारै बिस्वास अर प्यार-परेम का चोखा समचार सुणाया। बो म्हानै बतायो क थे सदाई म्हानै प्यार-परेम क सागै याद करो हो, अर जंय्यां म्हारो जी थानै देखबानै करै ह बंय्यांई थारो बी करै ह।

2 थिसलूनिकी 1:11

इ ताँई, म्हें थारै ताँई सदाई अरदास करां हां क, आपणो परमेसर थानै जुग-जुग का जीवन जोगो बणावै, जि ताँई थानै बो बुलायो ह। परमेसर थानै सक्‍तिऊँ भरै जिऊँ थे भलाई की हरेक इंछ्यानै अर बिस्वास का हरेक कामानै पूरा करो।

2 थिसलूनिकी 1:3

मेरा लाडला बिस्वास्यो, थारै ताँई म्हानै पिता परमेसरनै धनेवाद देतो रेह्णो चाए अर ओ बाजीब बी ह, क्युं क थे बिस्वास म बोळा बढर्या हो। था सगळा म आपसरी म बोळो प्यार-परेम ह।

1 तिमूतियूस 1:14

अर परबु मेर प खूब दया करी, अर सागैई बो परेम अर बिस्वास जखो मसी ईसु म ह बो मनै मिल्यो।

1 तिमूतियूस 2:3

अंय्यां अरदास करबो चोखो ह, अर ओ आपानै बचाबाळा परमेसरनै भावै बी ह।

इबरानीआ 10:36

अर थानै चाए क थे मजबूत होवो जिऊँ क जद थे परमेसर की इंछ्यानै पूरी करो जणा जिको बादो बो कर्यो ह बो थे पा सको।

इबरानीआ 11:17

बिस्वास करबा की बजेऊँई अब्राहम जद बिचास्यो गयो बि टेम का इसाक की बलि चढाबा की पूरी त्यारी करली ही। जदकी परमेसर बिऊँ बोल्यो हो क, “इसाकऊँई तेरो वंस चालसी।” इकै बावजुद बी अब्राहम, जिऊँ करार कर्यो गयो हो आपका एकलोता बेटा की बलि देबानै त्यार होगो।

इबरानीआ 4:11

जणा आओ आपा बि अराम हाळी झघा म बड़बा ताँई पूरी कोसिस करां, क्युं क कदै अंय्यां नइ होवै क आपणा बा बडका की जंय्यां परमेसर का हुकमानै नइ मानबा की बजेऊँ बि अराम हाळी झघा म जाबाऊँ चूक ज्यावां।

इबरानीआ 6:15

जणा अब्राहम थ्यावस क सागै इ करारनै उडिक्यो अर परमेसर को करेड़ो करार पूरो होयो।

1 पतरस 3:4

पण थे स्यांत अर सुदी बणो जिऊँ थे मांयऊँ सोवणी होस्यो। अंय्यां को सोवणोपूणो सदाई बण्यो रेह्‍वै ह अर परमेसर की नजर्या म इको बोळो मोल ह।

1 यहून्ना 3:18

ओ मेरा टाबरो, आपा बोली अर जबानऊँई प्यार-परेम नइ करां पण ओ प्यार-परेम करमाऊँ अर सचो होणो चाए।

1 यहून्ना 3:21

ओ लाडला भाई-भाणो, ज आपणो हियो आपानै मूरती पूजा नइ करबा बेई दोसी कोनी मानै जणा आपानै परमेसर क सामै सरमिन्दो कोनी होणो पड़ै।

1 यहून्ना 3:3

अर जखो बी मिनख बिमै आस करमाली ह, बो खुदनै बंय्यांई पबितर राखै जंय्यांकी मसी पबितर ह।

1 यहून्ना 5:3

परमेसरऊँ परेम करबा को मतबल ओ ह क, आपा बिका हुकमानै माना अर बिका हुकमानै मानबो दोरो कोनी।

दरसाव 2:19

म तेरै करमानै, बिस्वासनै, परेमनै, तेरी सेवानै अर तेरा थ्यावसनै जाणू हूँ। अर म आ बी जाणू हूँ क तू इब आ बातानै ओर बी बेत्ती करै ह।

दरसाव 3:10

क्युं क तू मेरा हुकमानै थ्यावस क सागै सक्यु सेण करतो होयो मान्यो ह। इ ताँई जद इ जगत का मिनखानै परखबा ताँई जखो कळेस आबाळो ह बि घड़ी म, म तनै बचास्युं।