1 पतरस 5:9 - जीवन को च्यानणो (सेकावाटी नया नियम की पोथ्या)

⁹ बिस्वास म मजबूत होर सेतान को सामनो करो , क्युं क थे ओ जाणो हो की थारा भाईड़ा जखा इ दुनिया म च्यारूमेर फेलर्या हीं बे थारोसो दुख भोगर्या हीं।

1 पतरस 5:9 Iomraidhean Croise

लूका 22:32

पण म तेरै ताँई परमेसरऊँ अरदास करी ह की तेरो बिस्वास बण्यो रेह्‍वै अर जद तू पाछो जीवन का गेला प आवै जणा तेरा भाई-भाणानै बिस्वास म पक्को करजे।”

यहून्ना 16:33

“म अ बाता थारूँ इ ताँई बोल्यो क थानै स्यांती मिलै। जगत म तो थानै दुखई मिल्यो ह पण हिमत राखो म जगतनै जीत लिओ हूँ।”

भेजेड़ा चेला का काम 14:22

अर चेलानै समजाता अर हिमत बंधाता हा क, “बिस्वास म बण्या रेह्ओ अर परमेसर का राज म बड़बा ताँई आपानै बोळा दुख भोगणा पड़सी।”

1 कुरन्थीयो 10:13

अर थे कदै बी अंय्यां कोनी बिचास्या गया। जखो मिनखा क सेह्बाऊँ बारनै हो। अर परमेसर तो बिस्वास जोगो ह बो थानै थारी सक्‍तिऊँ बेत्ती बिचासबा कोनी दे, पण जद थे बिचास्या जाओ हो जणा बो बिचासबा क सागै-सागै थानै बचाव ताँई उपाय बी बतावै ह।

इफिसुस 4:27

अर सेताननै मोको मना द्‍यो, की बो थानै पाप म गेरै।

इफिसुस 6:16

अर आ सगळा क सागै बिस्वास की ढाल लेर डट्या रेह्‍वो जिऊँ सेतान की बळती बाणानै बुत्ता सको।

कलुसीयो 2:5

बंय्यां तो म कायाऊँ थारूँ दूर हूँ पण आत्माऊँ थारै कनै हूँ, म राजी हूँ अर सुणर्यो हूँ क थे सई ढंगऊँ हो अर मसी म थारो बिस्वास मजबूत ह।

1 थिसलूनिकी 3:3

जिऊँ परख्या जाबा की टेम थे हिमत नइ हारो। क्युं क थे खुद, इ बातनै जाणो हो क परमेसर की आई इंछ्या ह क आपा दुख की घड़ी म मजबूत बण्या रेह्‍वां

1 तिमूतियूस 6:12

बिस्वास की दोड़ म पूरी ज्यान लगार भाज। अर खुद ताँई अजर-अमर जीवन जीत, जि ताँई तनै परमेसर बुलायो हो, जद तू रोब क सागै तेरा बिस्वासनै बोळा सारका गुवा क सामै दिखायो हो।

2 तिमूतियूस 3:12

जखो बी मिनख मसी ईसु की एकता म धरमी जीवन जिबो चावै ह जणा बिनै जुलम सेह्बो पड़सी।

2 तिमूतियूस 4:7

म चोखो लड़लिओ, म मेरी दोड़ पूरी करली अर म बिस्वास जोगो रिह्यो।

इबरानीआ 11:33

बे बिस्वास करबा की बजेऊँई राजपाटानै जीत लिआ, बे धरम का काम कर्या अर जोक्यु बी परमेसर बानै देबा को बादो कर्यो हो बो सक्यु बानै मिल्यो। बे नार का मुंडानै बंद कर दिआ,

इबरानीआ 12:8

ज तेरै बंय्यां की दकाल कोनी लागी जंय्यां सगळा क लगाई गई ही जणा तू तेरै बापऊँ पैदा होईड़ी ओलाद कोनी अर नइ तू सची ओलाद ह।

याकूब 4:7

इ ताँई खुदनै परमेसरनै सूप द्‍यो। अर सेतान को विरोध करो, जणा बो थारै सामैऊँ भागज्यासी।

1 पतरस 1:6

इ बात की बजेऊँ थे राजी रेह्ओ, पण क्युंक टेम ताँई थारो भात-भातऊँ बिचास्या जाबाऊँ दुखी होबो बी जरूरी ह।

1 पतरस 2:21

क्युं क परमेसर थानै भलो करबा ताँई बुलायो ह, चाए पाछै थे भलो करबा ताँई दुखई क्युं नइ उठाओ जंय्यां क मसी थारै ताँई उठाया हा। अंय्यां करबा बेई मसी थारै ताँई नमूनो ह। जणा थानै बी बिकी लीक प चालबो चाए। सास्तर म मंडर्यो ह,

1 पतरस 3:14

अर ज थे भलाई करबा बेई दुख भोगो हो, जणा थे भागहाळा हो। इ ताँई बाऊँ डरबो छोड द्‍यो अर इकी बी चिंत्या मना करो क मिनख काँई कर सकै ह।

1 पतरस 4:13

पण राजी होवो क थानै मसी की जंय्यां दुख भोगबा को मोको मिल्यो। आ बात थानै बि बडी खुसी ताँई त्यार करसी जखी मसी जि दिन आपकी मेमा क सागै आसी जणा होसी।

दरसाव 1:9

म यहून्ना थारो बिस्वासी भाई हूँ, म आपणा ईसु मसी म पिड़ा, थ्यावस अर राज म थारो साती हूँ। मनै परमेसर का बचन अर ईसु मसी की गुवाई देबा की बजेऊँ देस निकाळो देर पत्तमुस नाम का टापू प भेज दिओ गयो हो।

दरसाव 6:11

बा सगळानै धोळा चोळा पिराया गया हा अर ओडायो गयो हो क, “क्युंक घड़ी ओर उडिको जद ताँई क थारा साती-संगी अर थारा भाईड़ा की गिणती पूरी नइ होज्यावै जानै बंय्यांई मार्यो जासी जंय्यां थानै मार्यो गयो हो।”

दरसाव 7:14

म बिऊँ बोल्यो, “म्हराज, थे जाणो हो।” जणा बो मेरूँ बोल्यो, “अ बे मिनख ह जखा कळेस भोगर आया हीं अर आपका गाबल्यानै उन्या का लोयऊँ धोर पबितर कर्या हीं।