1 पतरस 5:8 - जीवन को च्यानणो (सेकावाटी नया नियम की पोथ्या)

⁸ थे चेता म रह्यो अर जागता रह्यो; क्युं क थारो बेरी सेतान धाड़बाळा सेर की जंय्यां इ खोज म रेह्‍वै ह क किनै पाड़ खाऊँ।

1 पतरस 5:8 Iomraidhean Croise

इफिसुस 6:11

अर परमेसर जखी लड़ाई की पोसाक अर हतियार थानै देवै ह बानै पेरल्यो जिऊँ सेतान की कळाबाजी क सामै खड़्या रेह सको।

याकूब 4:7

इ ताँई खुदनै परमेसरनै सूप द्‍यो। अर सेतान को विरोध करो, जणा बो थारै सामैऊँ भागज्यासी।

इफिसुस 4:27

अर सेताननै मोको मना द्‍यो, की बो थानै पाप म गेरै।

1 पतरस 1:13

इ ताँई थारी बुदीनै काम म ल्यो, खुदनै बस म राखो अर बि दया की आस राखो जखी थानै ईसु मसी क परगट होबा की टेम मिलसी।

1 पतरस 4:7

बा घड़ी सांकड़ैई ह जद सक्यु नास होज्यासी। इ ताँई स्याणा बणो अर खुदनै बस म राखो जिऊँ थानै अरदास करबा म मदद मिलै।

लूका 21:36

इ ताँई सदाई चेता म रेह्ओ अर सदाई अरदास करता रेह्ओ जिऊँ थे सगळी होबाळी बाताऊँ बच सको अर मिनख का बेटा क सामै खड़्या हो सको।”

लूका 22:31

ईसु पतरसऊँ बोल्यो, “समोन ओ समोन! मेरी बात सुण! जंय्यां एक किसान ग्युंनै फटकार बिनै तुड़ीऊँ न्यारो करै ह। बंय्यांई थानै सगळानै बिचासबा की हामी सेतान ले लिओ ह।

तितूस 2:12

आ दया सीखावै ह क आपा बि जीवननै जिमै परमेसर कोनी अर दुनियादारी की बुरी इंछ्यानै छोडर इ जुग म खुद क बस म रेह्बाळो, खराईऊँ भर्यो जीवन जीवां जिमै परमेसर ह,

दरसाव 12:12

इ ताँई ओ ईस्बर नगरी का रेह्बाळो, खुसी मनाओ। पण हाय धरती अर समदर प, क्युं क बापै सेतान उतरगो ह। बो झाळ्या भर'र आग-बबुलो होर्यो ह, अर बो जाणै ह क बिकन थोड़ोई टेम बच्यो ह।”

यहून्ना 8:44

थारो बाप सेतान ह, अर थे बिकी इंछ्या प चालबो चाओ हो। बो तो सरूसई हत्यारो ह अर कदैई सच कानि कोनी रिह्यो क्युं क बिमै सच कोनी। बिको झूठ बोलबाळो सुभाव ह क्युं क बो झूठो अर झूठ को बाप ह,

मत्ती 13:39

जखो खरप्तवार बोवै ह बो बेरी सेतान ह। लावणी को टेम इ दुनिया को अंत ह। लावणी करबाळा ईस्बर नगरी दुत हीं।

दरसाव 12:9

अर बि बडासारा अजगरनै धरती प फेक दिओ गयो, ओ बोई पुराणो बडो नाग ह जिनै दानव, सेतान बोल्यो गयो ह। ओ सगळा जगत का मिनखानै भंगरावै ह। बो आपका दुता क सागै धरती प फेक दिओ गयो।

मत्ती 24:42

इ ताँई थे चेता म रेह्ओ क्युं क थे कोनी जाणो क थारो परबु कद आसी।

दरसाव 20:10

अर बि सेताननै जखो बानै भंगरातो हो बि तिजाब हाळा नरक का भबकता आग का कूंड म जिकै मांयनै बि खुखार ज्यानबर अर झूठा परमेसर की खेबाळानै गेर्यो गयो हो बिकै मांयनै गेर दिओ ज्यासी। अर बानै सदा-सदाई दिन-रात बिकै मांयनै तड़पायो जासी।

लूका 21:34

“इ ताँई चेता म रेह्‍वो, कदै अंय्यां नइ होज्या क थे तो लाग्या रेह्‍वो पीबा-खाबा अर आटा चून की चिंत्या म अर बो दिन थार प फंदा की जंय्यां आ पड़ै।

तितूस 1:8

पण बो आवभगत करबाळो, भलाई चाबाळो, खुदनै बस म राखबाळो, पबितर, धरमी अर कायदा म रेह्बाळो होवै।

2 तिमूतियूस 4:17

पण परबु मेरै सागै खड़्यो रिह्यो अर मनै ताकत दिओ, जणाई तो म सगळा गैर-यहूदिआनै सुणाबा ताँई चोखा समचार को खूब हेलो पाड़ सक्यो अर म मोत की सजाऊँ बचायो गयो।

तितूस 2:6

अंय्यांई तू जुवान छोरानै समजदारीऊँ जीबा ताँई समजा।

तितूस 2:2

बूडा-ठेरानै हिदायत दे क बे सिदा-सादा, थ्यावस राखबाळा, खुदनै बस म राखबाळा लोगा म बुजहाळा, प्यार-परेम अर बिस्वास म मजबूत अर बरदास करबाळा हो।

1 तिमूतियूस 2:15

इकै बावजुद बी लूगाया टाबर जामर बचसी, अर बानै चाए क, बे थ्यावस क सागै बिस्वास, परेम अर पबितरता म मजबूत रेह्‍वै।

दरसाव 20:2

बो बि अजगरनै जखो पुराणो साँप, दुस्ट अर सेतान खुवावै ह बिनै पकड़र एक हझार बरस ताँई साँकळऊँ बांद दिओ।

तितूस 2:4

जिऊँ क बे जुवान लूगायानै बाका मोट्यार अर टाबरा-टिकराऊँ प्यार करबा, खुदनै बस म राखबा, खुदनै पबितर राखबा, मोट्यार क खया म चालबाळी अर घर बांदबाळी चोखी लूगाई बणबा की सीख दे। जिऊँ कोईबी परमेसरऊँ आबाळा संदेस क बारां म बुरा नइ बोलै।

1 तिमूतियूस 3:11

अंय्यांई बाकी लूगायाबी ईज्जत हाळी हो अर बे चुगलीचाळा करबाळी नइ हो; बे चोकस अर सगळी बाता म बिस्वास जोगी हो।

1 तिमूतियूस 2:9

अर ठिक बंय्यांई म भाण-बेट्याऊँ बोलुँ हूँ क, सरम लाज अर थ्यावस क सागै सिदा-सादा पेराणऊँ खुदनै सुवांरीं, चोटी बणार सोना अर मोत्या अर मेंगा गाबाऊँ नइ,

मत्ती 4:1

जणा पबितर आत्मा ईसुनै उजाड़ म लेगी जिऊँ सेतानऊँ बो बिचास्यो जावै।

1 तिमूतियूस 3:2

एक बिस्वासी मंडळी का रूखाळा परधान म आँगळी टेकबा की झघा नइ हो, बिकै एकई लूगाई हो, खुदनै बस म राखबाळो, थ्यावस राखबाळो अर मरियादा म रेह्बाळो, बो आपकै घर म अणजाण की बी आवभगत करै, बो सीखाबा म निधान हो।

मत्ती 25:41

बाकै पाछै बो राजा आपकै बाया हात खड़्या मिनखाऊँ खेसी, ‘हाय ह थार प। थे मेरै कनैऊँ चल्या जाओ। अर जखी कदैई नइ बुत्तबाळी आग सेतान अर बिका दुता ताँई बाळ राखी ह बिमै पड़ मरो।

मत्ती 4:11

जणा सेतान बिकनऊँ चलेगो अर, ईस्बर नगरी दुत आर बिकी देखभाळ करबा लाग्या।

मरकुस 4:15

जखा बीज गेला क मांयनै पड़्या अ बे लोग ह जखा बचन सुणै ह पण सेतान आर बि बचननै चुरा लेज्यावै ह।

2 कुरन्थीयो 2:11

जिऊँ क आपा सेतान की भंगर्या म नइ आवां। क्युं क आपा बिकी चालाऊँ अणजाण कोनी हां।

दरसाव 12:10

इकै पाछै मनै ईस्बर नगरीऊँ जोरको हेलो सुण्यो, “इब म्हारा परमेसर को छुटकारो, सक्‍ति, अर बिको राज अर मसी को अधिकार परगट होयो ह। क्युं क म्हारा भाईड़ा प दोस लगाबाळो, जखो रात-दिन म्हारा परमेसर क सामै बापै दोस लगाया करतो हो, बिनै तळै फेक दिओ गयो ह।