1 पतरस 4:8 - जीवन को च्यानणो (सेकावाटी नया नियम की पोथ्या)

⁸ अर सऊँ बडी बात आ ह क थे एक दुसराऊँ प्यार-परेम राखो, क्युं क परेम बोळा पापनै ढकै ह।

1 पतरस 4:8 Iomraidhean Croise

1 कुरन्थीयो 13:1

ज म मिनखा अर ईस्बर नगरी दुता की बोली बोलुँ पण मिनखाऊँ परेम कोनी करूं, जणा म ठन-ठन करती पितळ की परात अर टन-टन करता थाळी गिलास हूँ।

1 कुरन्थीयो 13:4

क्युं क जिमै परेम होवै ह बो थ्यावस राखै ह, अर दया करै ह; अर ओ बळोकड़ो पुणो कोनी राखै; अर खुदकी बडाई कोनी मारै, अर गुमानऊँ फुलै कोनी,

कलुसीयो 3:14

अर आ सगळा लखणा म प्यार-परेमनै बी सामिल करल्यो जखो सगळी चिजानै आपसरी म कोनी टूटबाळा पटा म बांदै ह।

1 थिसलूनिकी 3:12

अर परबु करै थारो प्यार-परेम आपसरी म अर सगळा मिनखा क सागै दिन-दिन बढतो अर ओर बी बेत्ती बढतो जावै जंय्यां म्हारो प्यार-परेम थारै सागै ह।

2 थिसलूनिकी 1:3

मेरा लाडला बिस्वास्यो, थारै ताँई म्हानै पिता परमेसरनै धनेवाद देतो रेह्णो चाए अर ओ बाजीब बी ह, क्युं क थे बिस्वास म बोळा बढर्या हो। था सगळा म आपसरी म बोळो प्यार-परेम ह।

1 तिमूतियूस 1:5

इ आदेस को मकसद ओ ह क, सगळा बिस्वासी परेमऊँ भरज्यावै, जखो पबितर मनऊँ, साप अन्तर-आत्माऊँ अर बिना मिलावट का बिस्वासऊँ पैदा होवै ह।

इबरानीआ 13:1

भाईचारा का प्यार-परेम म बण्या रेह्ओ।

याकूब 5:12

ओ मेरा लाडला बिस्वास्यो, सऊँ बडी बात तो आ ह क, थे नइ तो ईस्बर नगरी अर धरती की अर नइ कोई ओर ख्याकी सोगन खाज्यो। थारी बात “हाँ” अर “नइ” मई होणी चाए जिऊँ परमेसर को दंड थार प नइ आवै।

याकूब 5:20

जणा बिनै ओ जाण लेणो चाए क, पापी मिनखनै पाप का गेलाऊँ ओज्यु सई गेलो दिखाबाळो, बि पापी मिनख की आत्मानै जुग-जुग की मोतऊँ बचावै ह। अर बो बिका बोळा पाप धोबा की बजे बणज्यावै ह।

1 पतरस 1:22

थे सच का गेला प चाल्या जणा थारा पाप सुद कर दिआ गया, जणा इब थानै चाए क एक दुसराऊँ भाईचारो राखो अर एक दुसराऊँ खरा हिया क सागै डूँगो परेम राखो।

3 यहून्ना 1:2

मेरा लाडला, म अरदास करूं हूँ क, तेरी काया निरोगी रेह्‍वै अर तेरै सागै भलोई होवै, जंय्यांकी तू आत्मिक बाता म आगै बढर्यो ह।