1 पतरस 4:2 - जीवन को च्यानणो (सेकावाटी नया नियम की पोथ्या)

² इको ओ मतबल ह क थे थारा बचेड़ा जीवन भर थारी इंछ्यानै नइ पण जखो परमेसर चावै ह बिनै मानस्यो।

1 पतरस 4:2 Iomraidhean Croise

मत्ती 12:50

क्युं क जखा बी मिनख मेरा ईस्बर नगरी परम-पिता की इंछ्या गेल चालै ह बेई मेरा सागे भाई-भाण अर माँ ह।”

मत्ती 20:4

अर बानै ओडायो, ‘थे माखाळा अँगूरा का बाग म जार काम प लागज्याओ म थानै बाजीब मजुरी देस्युँ।’

मत्ती 21:31

बताओ आ दोन्या म कूणसो ह, जखो बाप चाओ हो बो कर्यो?” बे बोल्या, “बडोड़ियो छोरो कर्यो।” जणा ईसु बाऊँ बोल्यो, “म थानै सची खेऊँ हूँ, चुंगी लेबाळा अर बेस्या परमेसर का राज म थारूँ पेल्या ज्यासी।

मत्ती 7:21

“परबु-परबु करबाळा सगळा मिनख ईस्बर नगरी राज म कोनी ज्यासी। पण जखो बी मिनख ईस्बर नगरी म रेह्बाळा मेरा परम-पिता की इंछ्या गेल चालै ह, बोई बिमै ज्यासी।

मरकुस 3:35

जखो परमेसर क कह्या गेल चालै बोई मेरो सागे भाई-भाण अर माँ ह।”

मरकुस 7:21

मिनख क हियाऊँ बुरा-बुरा बिचार, कुकरम, चोरी, हत्या,

यहून्ना 1:13

एक टाबर, जंय्यां मिनखऊँ बिकी इंछ्या गेल जलमै ह, बि तरिकाऊँ जलम'र बे परमेसर का टाबर कोनी बण्या, पण परमेसर की इंछ्याऊँ आत्मिक रूपऊँ जलम लेर परमेसर का टाबर बण्या हीं।

यहून्ना 7:17

ज कोई मिनख बिकी इंछ्या पूरी करबा ताँई राजी ह। जणा बो जाण ज्यासी क आ सीख मेरै कानिऊँ ह क परमेसर कानिऊँ।

रोमीयो 12:2

दुनिया की बाता प मना चालो। पण लगातार परमेसरनै थारा मनानै पूरीतर्या बदलबा द्‍यो। क्युं क अंय्यां होबाऊँ थे परख'र जाणस्यो क परमेसर की काँई इंछ्या ह, काँई चोखो ह, काँई बिनै राजी करै अर काँई सिद ह।

रोमीयो 14:7

आपणामै कोईसो बी खुद ताँई कोनी जीवै अर नइ खुद ताँई मरै।

रोमीयो 6:11

अंय्यांई थे थारै ताँई बी सोचो क थे पाप ताँई मरमरागा पण मसी ईसु म परमेसर ताँई जिर्या हो।

रोमीयो 6:2

कदैई नइ, आपा जखा पाप ताँई मरगा हां, पाप म कंय्यां जिस्यां?

रोमीयो 7:4

जणा मेरा लाडला बिस्वास्यो सुणो, मसी की काया क जरिए नेम-कायदा ताँई थे बी मरेड़ा हो। जणा इब थे बी ओराऊँ नातो राख सको हो, बिऊँ जिनै मरेड़ा मऊँ ओज्यु जीवायो गयो जिऊँ आपा परमेसर ताँई फळां-फुलां।

2 कुरन्थीयो 5:15

बो सगळा ताँई मर्यो जिऊँ जखा जीवै ह बे खुदका मतबल ताँई नइ जीवै पण बि ताँई जीवै जखो मरेड़ा मऊँ बा ताँई जीवायो गयो ह।

इफिसुस 2:3

साचली तो आ ह क आपा सगळा बी बाकी जंय्यांई पेल्या बुरी इंछ्या गेल दिन काटर्या हा जखी काया अर मन की इंछ्या होती बिनैई करर्या हा। अर आ सगळा की जंय्यांई आपा बी परमेसर का परकोपनै भोगबा जोगा हा।

इफिसुस 4:17

इ ताँई परबु का नामऊँ म थानै चेतार्यो हूँ क इब आगैऊँ परमेसरनै नइ ध्यारबाळा मिनखा की जंय्यां मना जीवो क्युं क बाकी सोच बुरी ह,

इफिसुस 5:17

इ ताँई मूरख मना बणो, पण परमेसर थारूँ काँई चावै ह बिनै ध्यानऊँ समजो।

इफिसुस 6:6

अर बडाई पाबा ताँई देख-दिखावा की सेवा मना करो, पण सगळा मनऊँ परमेसर की इंछ्या गेल मसी का गुलाम की जंय्यां बाकी सेवा कर्या करो।

कलुसीयो 1:9

इ बजेऊँ जनाड़ैऊँ म्हें थारै बारां म सुण्यो हो थारै ताँई अरदास करबो कोनी छोड्यो। म्हें अरदास करां हां क परमेसर थानै बिकी इंछ्या का गेरा ज्ञान अर बि सगळी बुदी अर समजऊँ भरै जखी आत्मिक ह।

कलुसीयो 4:12

थारै मालोई एक ओर ह जिको नाम इफरास ह अर मसी ईसु को दास ह बिकी बी थानै “जे मसी की” पुगै। ओ सदाई थारै ताँई जी ज्यानऊँ अरदास करै ह जिऊँ थे परमेसर की सगळी इंछ्या म समजदारी अर पूरा भरोसा क सागै खड़्या रेह सको।

1 थिसलूनिकी 5:18

हर हाल म परमेसरनै धनेवाद देता रेह्ओ, क्युं क थारै ताँई मसी ईसु म परमेसर की आई इंछ्या ह।

याकूब 1:18

बो आपकी इंछ्याऊँ आपानै सचाई का बचनऊँ पैदा कर्यो ह जिऊँ आपा बिकी बणाएड़ी सगळी सरस्टि म पेलो फळ होवां।

1 पतरस 1:14

खयो मानबाळा टाबरा की जंय्यां जीओ। पेली थारा जीवन प बुरी इंछ्या को जोर चालतो हो, बंय्यां इब थारा जीवन प बुरी इंछ्या को जोर मना चालबा द्‍यो।

1 पतरस 2:1

इ ताँई, थे छळ-कपट, पाखंड, नफरत, बळोकड़ापूणा अर दुसरा प दोस लगाबाऊँ बचर रेह्ओ।

1 यहून्ना 2:17

आ दुनिया अर इकी बुरी इंछ्या नास होज्यासी, पण जखो बी मिनख परमेसर की इंछ्या प चालै ह बिको कदैई नास कोनी होसी।