1 पतरस 4:11 - जीवन को च्यानणो (सेकावाटी नया नियम की पोथ्या)

¹¹ अर ज कोईनै बोलबा को, परमेसर का बचननै परचार करबा को अर कोईकी मदद करबा को बरदान होवै जणा बो बिनै बि ताकत क सागै काम म लेवै जखी परमेसर बिनै देवै ह। अर अ सगळी बाता अंय्यां होणी चाए जिऊँ परमेसरनै ईसु मसी की बजेऊँ जखो जुग-जुग ताँई मेमा म अर ताकतबर ह मान मिलै। अंय्यांई होवै!

1 पतरस 4:11 Iomraidhean Croise

1 कुरन्थीयो 10:31

इ ताँई थे चाए खायो, चाए पीयो, सक्यु परमेसर की मेमा ताँई करो।

इफिसुस 6:10

आखरी बात आ ह क परबु अर बिकाळी सक्‍ति म तगड़ा बणज्याओ।

1 पतरस 4:10

अर जिनै बी परमेसर कानिऊँ आत्मिक बरदान मिलेड़ो ह। बिनै चाए क बो परमेसर का चोखा भंडारी की जंय्यां बि आत्मिक बरदाननै एक दुसरा की सेवा करबा ताँई सूल काम म लेवै।

भेजेड़ा चेला का काम 7:38

ओ बोई ह जखो उजाड़ म इजरायली मिनखा की मंडळी क सागै हो, जिऊँ सीनै डूँगरी प ईस्बर नगरी दुत बतळायो हो अर बो आपणा बाप-दादा क सागै बी हो। अर जिनै आपणा ताँई परमेसरऊँ जीवन देबाळा बचन मिल्या।

इफिसुस 4:29

कोईबी बुरी बात थारै मुंडाऊँ नइ निकळै पण दुसरा को भलो करबाळी बाता बोलो जिऊँ सुणबाळा की जुर्ता पूरी होवै अर बाको भलो होवै।

रोमीयो 3:2

हरतर्याऊँ बाको घणोई फाईदो ह, सऊँ पेली बात तो परमेसर का बचन बानै दिआ गया हीं।

याकूब 1:19

मेरा लाडला बिस्वास्यो, ध्यान राखज्यो, थार मऊँ हरेक मिनख सुणबा म तेज अर बोलबा म स्यांत होवै। झाळनै बस म राखो।

कलुसीयो 4:6

थारो बोल मिठो अर मननै चोखो लागबाळो होणो चाए जिऊँ थे जाणल्यो की कूणसा आदमीनै कंय्यां को जुबाब देणो चाए।

1 कुरन्थीयो 12:4

बरदान तो भात-भात का हीं। पण हीं बि एक पबितर आत्मा का;

1 पतरस 2:5

जणा इब थे बी जीवता भाठा की जंय्यां हो, जाऊँ परमेसर आपको आत्मिक घर बणार्यो ह। थे पबितर याजक बी हो, जखा आपका आत्मिक चढावानै ईसु मसी क जरिए परमेसरनै राजी करबा ताँई चढाओ हो।

इबरानीआ 5:12

टेम देखता तो थानै इब ताँई सीखाबाळा होज्याणा चाए हा। पण थानै अंय्यां का मिनख की जुर्त पड़ै ह जखो थानै सरूआतऊँ ओज्यु परमेसर का बचना का सच की सीख देवै। थानै रोटी नइ पण इब ताँई बी दुद किई जुर्त पड़री ह।

1 तिमूतियूस 6:16

बो एकलोई अजर-अमर ह! बो बि च्यानणा म बास करै ह जिकनै कोई कोनी पुग सकै। नइ कोई बिनै कदै देख्यो ह! अर नइ कोई कदै देख सकै। बिको मान-समान अर राज जुग-जुग होतो रेह्‍वै! अंय्यांई होवै।

1 तिमूतियूस 1:17

अर इब सदाई राज करबाळो राजा, अनदेख्यो, अमर अर बस बि एकई परमेसर को मान अर गुणगान जुग-जुग होतो रेह्‍वै। अंय्यांई होवै।

1 कुरन्थीयो 3:10

परमेसर की दयाऊँ म एक चोखा चेजारा की जंय्यां निम धरी ह। अर बिपै ईमारत दुसरो बणार्यो ह। पण सगळानै ओ ध्यान राखबो चाए की बो बिपै कंय्यांको काम करर्यो ह।

मत्ती 6:13

अर थे म्हानै बिचासबा मना द्‍यो पण बुराईऊँ बचाओ।

1 पतरस 5:11

परमेसर को राज जुग-जुग रेह्‍वै। अंय्यांई होवै।

याकूब 1:26

अर ज कोई खुदनै भगत मानै अर आपकी जीबनै बस म नइ राखै जणा बो खुदनै धोको देवै ह अर बिकी भगती ख्याई काम की कोनी।

फलिपी 2:11

अर परम-पिता परमेसर की मेमा करबा ताँई हरेक खुदकी जबानऊँ मानिंगा क ईसु मसीई परबु ह।

इफिसुस 5:20

अर आपणा परबु ईसु मसी का नामऊँ परम-पिता परमेसर को सगळी बाता ताँई सदाई धनेवाद देता रह्यो।

1 कुरन्थीयो 6:20

क्युं क परमेसर थारी किमत चुकार थानै मोल लिआ ह। इ ताँई थे थारी कायाऊँ परमेसर की मेमा कर्या करो।

रोमीयो 11:36

क्युं क सगळा को रचबाळो बोई ह। बिऊँ सगळा हीं अर बे बी ताँई हीं। बिकी सदाई मेमा हो! अंय्यांई होवै।

फलिपी 1:11

धारमिक्‍ता का चोखा लखणाऊँ थारो जीवन भरज्यावै, जखो परमेसर की मेमा अर जे-जैकार ताँई ईसु मसीऊँ मिलै ह।

2 कुरन्थीयो 9:13

थारी इ सेवा की बजेऊँ बे परमेसरनै मेमा देसी। क्युं क बा ताँई अर सगळा बिस्वासी ताँई थारो खुला हियाऊँ दान करबो ओ साबित करै ह क थे मसी का चोखा समचार प चालबाळा हो।

रोमीयो 16:27

ईसु मसी क जरिए खाली बि एकई ज्ञान का सागर परमेसर की कदैई नइ मिटबाळा जुग ताँई मेमा हो। अंय्यांई होज्यावै!

यहून्ना 13:31

यहूदा क जाबा क पाछै, ईसु बोल्यो, “टेम आगो जद मिनख का बेटा की मेमा परगट होसी, अर बिकै जरिए परमेसर की मेमा परगट होसी।

रोमीयो 12:3

इ ताँई जखी दया मनै मिली ह, बिऊँ म थानै बोलुँ हूँ, थे खुदनै जखा थे हो बिऊँ बेत्ती मना समजो। पण थारा बिस्वास गेल जत्ती उजमा परमेसर थानै दिनी ह बत्तोई खुदनै समजो।

2 कुरन्थीयो 2:17

परमेसर का बचना को परचार को धंधो करबाळा बोळा हीं बे आपको फाईदो चावै ह। पण म्हें अंय्यां का कोनी हां, म्हानै परमेसर सचाई क सागै बोलबा ताँई ईसु मसी का दास क रूप म भेज्यो ह।

इफिसुस 1:19

अर थे आ जाणो की बिकी सक्‍ति जखी आपा बिस्वास करबाळा म काम करै ह बा कत्ती म्हान ह। आ सक्‍ति आपणा म बंय्यांई पूरी ताकत क सागै काम करै ह,

1 थिसलूनिकी 2:4

पण जंय्यां परमेसर म्हानै इ जोगो जा'णर चोखा समचारनै सुणाबा को काम सूप्यो ह, म्हें इनै बंय्यांई बतावां अर अंय्यां कर म्हें मिनखानै कोनी पण परमेसरनै जखो हियानै परखै ह राजी करां हां।

तितूस 2:1

तितूस तू बोई सीखा जखो सई ह।

तितूस 2:15

तू अ सगळी बाता अधिकार क सागै तेरा सुणबाळानै सीखा, जुर्त पड़ै तो बाकै दकाल लगा अर जुर्त पड़ै तो हिमत बंधा। कोईकै सामैई तनै निचो नइ देखणो पड़ै।

इबरानीआ 13:7

थे बा मुखियानै याद राखो जखा थानै परमेसर को बचन सुण्या हीं। अर ध्यानऊँ बाका चाल-चलन का फळनै देखर बाकी जंय्यांई बिस्वास करो।

1 पतरस 2:12

परमेसरनै नइ ध्यारबाळा मिनख थानै बुरा बतावीं हीं। इकै वावजुद बी बाकै मांयनै थारो बरताव अर चाल-चलन चोखो राखो। जिऊँ जखी चोखी बाता बे थारै म देखसी बा बेई बे न्यायहाळा दिन परमेसर की मेमा करसी।

1 पतरस 4:16

पण ज थे मसी होबा की बजेऊँ दुख उठाओ हो जणा थानै सरमिंदा होबा की जुर्त कोनी, पण थानै इ बजेऊँ परमेसर की मेमा करबो चाए।