1 पतरस 4:1 - जीवन को च्यानणो (सेकावाटी नया नियम की पोथ्या)

¹ जदकी मसी काया म दुख भोग्यो जणा थे बी बिकी लीक प चालता होया जीवन जीओ, क्युं क जखो काया म दुख भोग्यो बिनै पापऊँ छुटकारो मिलगो।

1 पतरस 4:1 Iomraidhean Croise

मरकुस 3:3

ईसु टुंडा मिनखऊँ बोल्यो, “मिनखा क मांय खड़्यो हो।”

रोमीयो 6:11

अंय्यांई थे थारै ताँई बी सोचो क थे पाप ताँई मरमरागा पण मसी ईसु म परमेसर ताँई जिर्या हो।

रोमीयो 6:2

कदैई नइ, आपा जखा पाप ताँई मरगा हां, पाप म कंय्यां जिस्यां?

रोमीयो 6:7

क्युं क जखो मरगो बो पापऊँ छुटायो गयो।

गलातियो 2:20

अर इब म खुद जिंदो कोनी हूँ, पण मसी मेरै म जीवै ह। अर ज म काया म जिंदो हूँ तो बस बि बिस्वासऊँ जिंदो हूँ जखो परमेसर का बेटा प ह, जखो मेरूँ परेम कर्यो अर मेरै ताँई खुदनै दे दिओ।

गलातियो 5:24

बे मिनख जखा मसी ईसु का हीं बे आपकी काया की बुरी इंछ्या अर बुरी लालसानै सुळी प चढा दिआ हीं।

इफिसुस 6:13

इ ताँई परमेसर का सगळा हतियार बांदल्यो जिऊँ जद बुरा दिन आसी जणा दुस्मन का वारा को सामो कर सको, अर आखीर ताँई लड़्या पाछै बी मैदान म डट्या रेह सको।

फलिपी 2:5

जंय्यां को सुभाव मसी ईसु को हो, बंय्यांकोई थारो सुभाव होणो चाए:

इबरानीआ 12:3

इ ताँई बिपै ध्यान द्‍यो, क्युं क बो पाप्याऊँ अंय्यां का विरोध सेलिआ जिऊँ क थे नइ थको अर नइ हार मानो।

इबरानीआ 4:10

क्युं क जखो बी बि अराम म बड़ै ह जिकै बारां म परमेसर करार कर्यो हो, बठै बानै बाका कामाऊँ बी अराम मिलसी जंय्यांकी परमेसर आपका कामानै निमेड़र अराम कर्यो हो।

1 पतरस 2:21

क्युं क परमेसर थानै भलो करबा ताँई बुलायो ह, चाए पाछै थे भलो करबा ताँई दुखई क्युं नइ उठाओ जंय्यां क मसी थारै ताँई उठाया हा। अंय्यां करबा बेई मसी थारै ताँई नमूनो ह। जणा थानै बी बिकी लीक प चालबो चाए। सास्तर म मंडर्यो ह,

1 पतरस 3:18

क्युं क मसी सगळा का पाप ताँई एकर मर्यो जखो धरमी होर बी पाप की बजेऊँ दुख भोग्यो जिऊँ आपानै परमेसरऊँ मिलावै। बो काया म मर्यो पण आत्मा म जीवायो गयो।