1 पतरस 3:9 - जीवन को च्यानणो (सेकावाटी नया नियम की पोथ्या)

⁹ थे बुराई क बदलै बुराई मना करो, गाळी क बदलै गाळी मना द्‍यो पण आकै बदलै आसिरबादई द्‍यो। क्युं क थानै अंय्यां करबा ताँई बुलायो गयो ह जिऊँ थे आसिरबाद का वारिस होवो। जंय्यां सास्तर म मंडर्यो ह,

1 पतरस 3:9 Iomraidhean Croise

मत्ती 19:29

अर जखो बी मेरै ताँई आपका घरबार, सागे भाई-भाणा, माँ-बापानै, टाबरानै अर जमीन-जायजादनै तज्यो ह बिनै सो गुणा मिलसी। अर बो अजर-अमर जीवन जिसी।

मत्ती 25:34

जणा बो राजा आपकै दाया कानि खड़्या मिनखाऊँ बोलसी, ‘मेरा परम-पिताऊँ आसिरबाद लियड़ा मिनखो थे आओ अर बा आसिरबादानै लेल्यो जखा इ सरस्टि की सरूआतऊँ थारै ताँई ह।

मत्ती 5:39

पण म थारूँ खेऊँ हूँ थे थारै सागै बुराई करबाळा क सागै बुराई मना करज्यो। पण ज कोई थारै दाया गाल प थपड़ मारै जणा बिकै कानि दुसरो गाल बी आगै कर दिज्यो।

मत्ती 5:44

पण म थानै खेऊँ हूँ क थे थारा दुस्मनाऊँ परेम करज्यो। अर जखो थानै सतावै, बा ताँई बी अरदास करज्यो।

मरकुस 10:17

जद ईसु बठैऊँ निकळर गेला म जार्यो हो बठै एक मिनख भागतो होयो ईसु कनै आयो अर बो गोडा टे'कर हात जोड़र ईसुऊँ बुजबा लाग्यो, “ओ चोखा गरूजी म अजर-अमर जीवन पाबा ताँई काँई करूं?”

लूका 10:25

एक दिन सास्तरानै सीखाबाळो बठै आर ईसुनै फसाबा ताँई बिऊँ बुज्यो, “गरूजी, अजर-अमर जीवन पाबा ताँई म काँई करूं?”

लूका 18:18

एक यहूदि परधान ईसुऊँ बुज्यो, “चोखा गरूजी , अजर-अमर जीवन पाबा ताँई म काँई करूं?”

रोमीयो 12:14

थानै सताबाळानै आसिरबाद द्‍यो। बानै कोसो मना पण आसिरबाद द्‍यो।

रोमीयो 12:17

कोईकी बुराई क बदलै बुराई मना करो। पण जखो सगळा की नजर्या म सई अर चोखो ह बोई करो।

रोमीयो 8:28

अर आपा जाणा हां क जखा परमेसरऊँ परेम करै ह बा ताँई हर बात मिलर भलाई पैदा करै, बा ताँई, जखा बिका मकसद गेल बुलाया गया हीं।

रोमीयो 8:30

जानै बो टाळ्यो बानै बो बुलायो अर जानै बो बुलायो बानै धरमी बी बणायो अर जानै बो धरमी बणायो बानै मेमा बी दिनी।

गलातियो 3:14

मसी ईसु आपानै इ ताँई छुटायो ह क अब्राहमनै दियड़ो आसिरबाद गैर-यहूदि मिनखानै मिल सकै, जिऊँ आपानै बिस्वास करबा की बजेऊँ पबितर आत्मा मिल सकै जिको करार करेड़ो ह।

इफिसुस 4:32

एक दुसरा प दया कर्या करो अर जंय्यां परमेसर ईसु मसी म थारा बुरा कामा ताँई थानै माफ कर्यो ह बंय्यांई थे बी एक दुसरानै माफ करो।

1 थिसलूनिकी 5:15

कोईबी बुराई क बदलै बुराई नइ करै, पण सगळा मिनखा को अर एक दुसरा को भलो करबा की कोसिस करता रेह्ओ।

इबरानीआ 12:17

अर थे जाणो हो क बो इ आसिरबादनै लेबो चायो पण बो इकै जोगो कोनी गिण्यो गयो। अर रो-रोर बि आसिरबादनै ढुंढबा की कोसिस कर्यो पण हियो बदलबा को मोको कोनी पा सक्यो।

इबरानीआ 6:14

बोल्यो, “पक्काई म तनै आसिरबाद देस्युँ अर तनै निरी आस-ओलाद देस्युँ।”

1 पतरस 5:10

परमेसर जखो दया को दाता ह। बोई थानै मसी म जुग-जुग ताँई आपकी की मेमा ताँई बुलायो ह। अर थारै थोड़ोसोक दुख भोगबा क पाछै बो खुदई थानै मजबूत, ताकतबर अर पक्को बणासी।