1 पतरस 3:5 - जीवन को च्यानणो (सेकावाटी नया नियम की पोथ्या)

⁵ क्युं क पेलड़ा जुग म पबितर लूगाया जखी परमेसर म आस राखती ही, बे बी खुदनै अंय्यांई सोवणी बणाती ही। अर आप-आपका मोट्यारा की हर बात मान्या करती ही।

1 पतरस 3:5 Iomraidhean Croise

लूका 2:37

इब बा चोरासी बरस की होरी ही। अर बा कदैई मनदरनै कोनी तज्यो बा रात-दिन बरत अर अरदास क सागै परबु की भगती करती।

भेजेड़ा चेला का काम 1:14

अर आकै सागै क्युंक लूगाया बी ही, अ सगळा एक चित होर अरदास करबा म लाग्या रेह्ता हा। बामै ईसु की माँ मरीयम अर बिको भाई बी हो।

भेजेड़ा चेला का काम 9:36

बठै याफा नगरी म तबिता नाम की एक बिस्वासी रिह्या करती ही जिनै यूनानी भासा म दोरकास खेवै ह जिको मतबल हिरणी होवै। बा बोळा चोखा-चोखा काम कर्या करती अर गरीबानै दान दिआ करती ही।

इफिसुस 5:33

इ ताँई थारै म हरेक मोट्यार आपकी लूगाईनै खुदकी जंय्यां परेम करै अर लूगाया बी आपका मोट्यारा की ईज्जत करै।

1 तिमूतियूस 2:10

अंय्यां की भाण-बेटी जखी खुदनै परमेसर की भगत मानी हीं बा ताँई ओई चोखो ह क, बे खुदनै भला कामाऊँ सुवांरी।

1 तिमूतियूस 2:15

इकै बावजुद बी लूगाया टाबर जामर बचसी, अर बानै चाए क, बे थ्यावस क सागै बिस्वास, परेम अर पबितरता म मजबूत रेह्‍वै।

1 तिमूतियूस 5:10

जिको चोखा काम करबा म नाम होयड़ो हो, अर जखी आपका टाबरानै सूल पाळी हो, जखी पराया अर अणजाण मिनखा की आवभगत करी हो, परमेसर का मिनखा को खुदका घर म आवभगत करी हो, दिन-दुखीया की मदद करी हो, अर जखी खुदनै चोखा काम करबा म लगादि होवै।

1 तिमूतियूस 5:5

बा जखी सचमई खालीहोइड़ी लूगाई ह जिकै कनै बिकी साळसमाळ करबाळो कोई कोनी, अर जखी परमेसर म आस राखै ह अर रात-दिन अरदास करै ह अर परमेसरऊँ मदद माँगै ह।

इबरानीआ 11:11

बिस्वास करबा की बजेऊँई टाबर पैदा करबा की उमर बित्या पाछै बी सारा माँ बणी। क्युं क बिऊँ करार करबाळा परमेसरनै बा बिस्वास जोगो मानी।

1 पतरस 1:3

परमेसर अर आपणा परबु ईसु मसी का परम-पिता की जे हो। क्युं क परमेसर आपणा प बडी दया दिखाई जणाई बो मसीनै मरेड़ा मऊँ जीवार आपानै नया जीवन की आस ताँई ओज्यु जीवायो ह।