1 पतरस 2:6 - जीवन को च्यानणो (सेकावाटी नया नियम की पोथ्या)

⁶ पबितर सास्तर म मांडेड़ो ह, “सुणो! म सिओन नगरी म एक भाठो धरूँ हूँ, जखो टाळेड़ो अर कूणा को भाठो ह, जिको मोल कोनी लगायो जा सकै। अर जखो इपै बिस्वास करसी, बो कदैई सरमिंदा कोनी मरसी।”

1 पतरस 2:6 Iomraidhean Croise

मत्ती 12:18

“देखो ओ मेरो दास ह जिनै म टाळ्यो हूँ, ओ मेरो लाडलो ह, जिऊँ म बोळो राजी हूँ। म मेरी पबितर आत्मा इकै उपर उतारस्युं, अर ओ धरती का सगळा मिनखा म हेलो पाड़सी क परमेसर ईमानदारीऊँ बाको न्याय करसी।

मरकुस 12:10

थे सास्तर म ओ बचन कोनी बाच्यो के: “जि भाठानै कारिगर ख्याई जोगो कोनी जाण्या बोई भाठो कूणानै समाबाळो निकळ्यो।

लूका 20:17

जणा ईसु बाकै कानि देखर बोल्यो, “जणा सास्तर म मंडेड़ा इ आंक को काँई मतबल ह, “‘जि भाठानै चेजारा क्युंई जोगो कोनी जाण्या, बोई कूणानै समाळबाळो होगो।’

लूका 23:35

बठै खड़्या मिनख देखर्या हा, अर बठै खड़्या यहूदि नेता आ बोलर बिको मजाक उडार्या हा क, “ओ ओरानै बचायो ज ओ सचमई परमेसर को टाळेड़ो मसी ह जणा खुदनै बचार दिखावै।”

यहून्ना 7:38

जखो बी मेर प बिस्वास करै ह, बिमैऊँ जीवन देबाळो पाणी को झरनो उजळबा लागज्यासी, जंय्यां क सास्तर म मंडेड़ो ह।”

भेजेड़ा चेला का काम 1:16

“मेरा यहूदि भाई-भाणो पबितर सास्तर को लेख जखो यहूदा (जखो ईसुनै पकड़बाळा की मदद करी ही) क बारां म मंडेड़ो ह, जिनै बोळी पेल्या पबितर आत्मा दाऊद क मुंडा होर बोल्यो हो, बो तो पूरो होणोई हो।

रोमीयो 10:11

सास्तर बोलै ह, “जखो बी बिपै बिस्वास करै ह बो सरमिंदा कोनी होसी।”

इफिसुस 2:20

जंय्यां एक हेली निम प चिणी जावै ह, बंय्यांई थे परमेसर का भेजेड़ा चेला अर बिकी खेबाळा मिनखा की सीख की निम प सेलाणी हो। जिकै कूणा का सिरा को भाठो खुद मसी ईसुई ह।

2 तिमूतियूस 3:16

सगळो पबितर सास्तर परमेसर की आत्मा की सक्‍तिऊँ मांड्यो गयो ह, जखो सच, गळती प फटकार, सुदार अर धारमिक्‍ता की सीख देवै ह।

1 पतरस 2:4

इ ताँई, थे ईसु मसीनै ओर सूल जाणबा ताँई बिमै बण्या रेह्ओ। क्युं क मसी जीवता भाठा की जंय्यां ह। ओ बो भाठो ह जिपै मकान टिक्यो रेह्‍वै ह, इकै वावजुद बी मिनख बिकी कदर कोनी करीं। पण सच तो ओ ह क, बो परमेसर को टाळेड़ो हो, जिको मोलई कोनी लगायो जा सकै।

1 पतरस 2:8

अर सास्तर म अंय्यां बी मांडेड़ो ह, “ओ बो भाठो ह जखो मिनखानै ठोकर खुवावै, आ बा ढाड ह जखी मिनखानै तळै पटकै ह।” बे ठोकर खावीं हीं, क्युं क बे परमेसर का बचन प कोनी चालीं जि बजेऊँ बे बि मोत को मुंडो देखी हीं, जखी अंय्यां का मिनखा ताँई त्यार करी गई ह।

2 पतरस 1:20

पण थानै ओ जाणलेबो चाए क, पबितर सास्तर की कोईबी भबिस्बाणीनै कोईबी खुदऊँ कोनी जाण सकै।

2 पतरस 3:16

पोलुस आपकी सगळी चिठी म आ बाता किई चरचा करी ह, अर जामै कत्ती बाता तो अंय्यां की ह जानै समजबो ओखो ह। अज्ञानी अर जखा मजबूत कोनी बे मिनख बाको गळत मतबल लगार खुदनै नास करीं हीं। बे दुसरा सास्तर की सीखनै मानी हीं।