1 पतरस 2:12 - जीवन को च्यानणो (सेकावाटी नया नियम की पोथ्या)

¹² परमेसरनै नइ ध्यारबाळा मिनख थानै बुरा बतावीं हीं। इकै वावजुद बी बाकै मांयनै थारो बरताव अर चाल-चलन चोखो राखो। जिऊँ जखी चोखी बाता बे थारै म देखसी बा बेई बे न्यायहाळा दिन परमेसर की मेमा करसी।

1 पतरस 2:12 Iomraidhean Croise

मत्ती 10:25

इ ताँई चेलानै गरूजी क बराबर होबा म अर दासनै मालिक क बराबर होबा मई सबर राखबो चाए। अर जद बे मिनख घर का मालिकनैई बालजबुल खेवै ह जणा बिका घर का मिनखा क सागै तो ओर बी बुरो सलुक करसी!

मत्ती 5:11

भागहाळा हो थे जखा मनै मानबा की बजेऊँ मिनख थानै सतावै ह, थारी बेजती करै अर झूठ बोलर हर बाता म थानै बुरा बतावीं हीं।

मत्ती 5:16

थारा चोखा काम बि दिआ क च्यानणा की जंय्यां चमकणा चाए जिऊँ दुसरा मिनख भला कामानै थारै जरिए देख सकै अर थारा परम-पिता की जखो ईस्बर नगरी म ह बिकी बडाई करै।

मत्ती 9:8

लोग आ देखर डरग्या। बे परमेसर की जे-जैकार करबा लाग्या क बे मिनखनै ताजूब का काम करबा को हक दिओ ह।

लूका 1:68

“इजरायल का परबु परमेसर की जे हो क बे आपका मिनखा प निगा करी अर बानै छुटायो।

लूका 19:44

बे तनै अर तेरा टाबरानै धूळ म मिला देसी। अर तेरै मांयनै भाठा प भाठोई कोनी छोडसी। क्युं क तू बि टेमनै कोनी जाण्यो जद परमेसर तनै बचाबा आयो।”

लूका 6:22

थे भागहाळा हो जद मिनख का बेटानै मानबा की बजेऊँ दुसरा मिनख थारूँ बेर राखीं, थानै समाज क बारनै करीं, थारी बेजती करीं अर थानै बुरा बतावीं हीं।

यहून्ना 13:31

यहूदा क जाबा क पाछै, ईसु बोल्यो, “टेम आगो जद मिनख का बेटा की मेमा परगट होसी, अर बिकै जरिए परमेसर की मेमा परगट होसी।

भेजेड़ा चेला का काम 15:14

जंय्यां की समोन अबार बतायो ह क परमेसर कंय्यांसिक गैर-यहूदिआ की समाळ करी ह जि ताँई बो बा गैर-यहूदिआ मऊँ क्युंक मिनखानै बिका खुदका मिनख होबा ताँई बुलायो ह।

भेजेड़ा चेला का काम 24:13

अर बे बा बातानै जखी बे मेरै माथा मंढी ह, बानै तेरै सामै सच साबित कोनी कर सकै ह।

भेजेड़ा चेला का काम 25:7

अर जद पोलुस बठै आयो जणा यरूसलेमऊँ आएड़ा यहूदि बिकै बारकी फिरगा अर सागेड़ा-सागेड़ा दोस बिकै सीर मंढबो चालू कर्यो, पण बे बानै साबित कोनी कर सक्या।

भेजेड़ा चेला का काम 28:22

पण म्हें तेरा बिचार तेरा मुंडाऊँई सुणबो चावै हां, क्युं क जि पंथऊँ तू ह बिकै खिलापत म सगळी झघा लोग बाता करै ह।”

रोमीयो 12:17

कोईकी बुराई क बदलै बुराई मना करो। पण जखो सगळा की नजर्या म सई अर चोखो ह बोई करो।

रोमीयो 13:13

जणा क्युंना आपा सूल रेह्‍वां जंय्यां मिनख दिन का उजाळा म रेह्‍वै। खा पीर धुत्त रेह्बाळासा नइ, नइ कुकरम अर रांडबाज की जंय्यां, नइ लड़बाळा की जंय्यां अर नइ बळोकड़ा की जंय्यां।

रोमीयो 14:18

जखो इ तरिकाऊँ मसी की सेवा करै ह, बिऊँ परमेसर राजी रेह्‍वै ह। अर मिनख बिकी ईज्जत करै ह।

रोमीयो 15:9

जिऊँ गैर-यहूदि मिनख बी परमेसरनै बिकी दया ताँई मेमा देवै, जंय्यां क पबितर सास्तर म मंडेड़ो ह, “इ ताँई म गैर-यहूदि मिनखा म तेरी बडाई करस्युं, म बाकै बिच तेरा नाम को गुणगान गास्युं।”

1 कुरन्थीयो 14:25

जणा बो जाणसी क परमेसर बा सगळी बुरी बातानै जाणै ह जखी म करी ह जानै दुसरा मिनख कोनी जाणै। जणा बो गोडा टे'कर परमेसरनै ध्यारसी अर खेसी, “सच म थारै मांय परमेसर को बास ह।”

2 कुरन्थीयो 1:12

म्हानै गुमान ह क म्हें साप अन्तर-आत्माऊँ आ खे सकां हां, क म्हें इ दुनिया का मिनखा क सागै अर खासकर थारै सागै परमेसर की खराई अर ईमानदारीऊँ रिह्या हां। अंय्यां म्हें परमेसरऊँ मिलबाळी दयाऊँ कर्या हां, दुनियादारीऊँ मिलबाळी बुदीऊँ नइ।

2 कुरन्थीयो 13:7

अर म्हें परमेसरऊँ अरदास करां हां क, थे बुराई नइ करो। ओ इ ताँई कोनी ह क, म्हारी कामयाबिनै दिखावां हां। पण इ ताँई क थे बोई कर्यो जखो सई ह, चाए म्हें नाकामई नजर आवां।

2 कुरन्थीयो 8:21

क्युं क म्हें परबु की नजर्या मई नइ, पण मिनखा की नजर्या म बी ईमानदार रेह्बो चावां हां।

इफिसुस 2:3

साचली तो आ ह क आपा सगळा बी बाकी जंय्यांई पेल्या बुरी इंछ्या गेल दिन काटर्या हा जखी काया अर मन की इंछ्या होती बिनैई करर्या हा। अर आ सगळा की जंय्यांई आपा बी परमेसर का परकोपनै भोगबा जोगा हा।

फलिपी 1:27

जणा मोटी बात आ ह क थारा जीवन की उठ बेठ खाली मसी का चोखा समचार जोगी होणी चाए; जिऊँ म थारै बारां म आई सुणू क थे एकई मकसद ताँई खड़्या हो अर एकई मनस्या राख'र चोखा समचारऊँ मिलेड़ा बिस्वास ताँई कड़ी मेनत करतार्यो हो, चाए म थानै आर देखूँ चाए नइ देखूँ,

फलिपी 4:8

मेरा लाडला बिस्वास्यो, जखी बाता सची, आदरमान करबाळी, धारमिक, पबितर, प्यारी, सदगुण, चोखी, बडाई जोगी ह बा बाताऊँ थे थारी बुदीनै भरल्यो।

1 थिसलूनिकी 4:12

जिऊँ थानै अबिस्वास्याऊँ आदरमान मिलै अर थानै कोई बात की कमी नइ होवै।

1 तिमूतियूस 2:2

राजा-म्हराजा अर सगळा अधिकार्या ताँई अरदास करी जावै। जिऊँ आपा सुक-स्यांती क सागै भगती अर सरदाऊँ परमेसर ताँई जीवन जी सकां।

1 तिमूतियूस 4:12

तनै कोई क सामैई निचो नइ देखणो पड़ै क्युं क तू जवान ह, पण बोली-चाली, चाल-चलन, प्यार-परेम, बिस्वास अर खराई म तू बिस्वास्या क सामै नमूनो बणज्या।

1 तिमूतियूस 5:10

जिको चोखा काम करबा म नाम होयड़ो हो, अर जखी आपका टाबरानै सूल पाळी हो, जखी पराया अर अणजाण मिनखा की आवभगत करी हो, परमेसर का मिनखा को खुदका घर म आवभगत करी हो, दिन-दुखीया की मदद करी हो, अर जखी खुदनै चोखा काम करबा म लगादि होवै।

इबरानीआ 13:18

थे म्हारै ताँई अरदास करता रेह्‍वो। अर म्हानै पक्को बेरो ह क म्हारी अन्तर-आत्मा सुद ह। अर म्हें हरतर्याऊँ चोखी जिंदगी जिबो चावां हां।

इबरानीआ 13:5

थारो सुभाव धन को लालची नइ होवै, अर जोक्युबी थारै कनै ह, बिमई सबर राखो, क्युं क परमेसर बोल्यो ह, “म तनै कदैई कोनी छोडूँ, अर कदैई कोनी तजूं।”

याकूब 3:13

थार म स्याणो अर समजदार कूण ह? अर ज कोई अंय्यां को ह जणा बो आनै आपका चोखा जीवनऊँ, नरमाई अर बुदीऊँ भर्या कामाऊँ दिखावै।

1 पतरस 2:15

जणाई परमेसर थारूँ चावै ह क, थे थारा भला कामाऊँ बेबुदी की बाता करबाळा को मुंडो बंद कर द्‍यो।

1 पतरस 3:16

अर थारी अन्तर-आत्मानै बी सुद राखो, अंय्यां थे बा मिनखानै सरमा मार देस्यो जखा मसी म थारै भला करमा क बारां म बुरो बोलीं हीं।

1 पतरस 4:11

अर ज कोईनै बोलबा को, परमेसर का बचननै परचार करबा को अर कोईकी मदद करबा को बरदान होवै जणा बो बिनै बि ताकत क सागै काम म लेवै जखी परमेसर बिनै देवै ह। अर अ सगळी बाता अंय्यां होणी चाए जिऊँ परमेसरनै ईसु मसी की बजेऊँ जखो जुग-जुग ताँई मेमा म अर ताकतबर ह मान मिलै। अंय्यांई होवै!

2 पतरस 3:11

जदकी अ सगळी चिजा नास होबाळी ह जणा पाछै थे सोचो थारो परमेसर म चाल-चलन किसोक होणो चाए? थानै पबितर जीवन जिबो चाए।