1 पतरस 1:1 - जीवन को च्यानणो (सेकावाटी नया नियम की पोथ्या)

¹ म ईसु मसी को भेजेड़ो चेलो पतरस, आ चिठी परमेसर का टाळेड़ा मिनखानै मांडूँ हूँ। जखा पिन्तुस, गलातिया, कपुदूकिया, एसिया अर बितूनिया परदेसा म तीनतेरा होगा।

1 पतरस 1:1 Iomraidhean Croise

मत्ती 10:2

बा बारानै भेजेड़ा चेला खेर बुलायो जाका नाम अंय्यां ह: सऊँ पेल्या तो समोन जिनै पतरस बी खेवै ह बिको भाईड़ो अंदरिआस, जब्दि को बेटो याकूब अर बिको भाईड़ो यहून्ना,

मत्ती 24:22

ज परमेसर बा दिनानै कम नइ करतो जणा कोईबी कोनी बचतो। पण बिका टाळेड़ा मिनखा की बजेऊँ परमेसर बा दिनानै कम कर दिओ ह।

मत्ती 4:18

एक बर ईसु गलिल दरिआव क किनारै-किनारै जार्यो हो जणा दो भायानै देख्यो बामैऊँ एक को नाम समोन जिनै पतरस बी खेता हा; अर बिकाळो भाई अंदरिआस हो बे दरिआव म जाळ गेरर्या हा; क्युं क बे मछी पकड़बाळा हा।

लूका 18:7

जणा पाछै परमेसर आपका टाळेड़ा मिनखानै न्याय कोनी देसी के जखा रात-दिन परमेसर की रो-रो दुहाई दि हीं? बानै न्याय देबा म के बो देर करसी?

यहून्ना 11:52

अर खाली यहूदि मिनखा ताँई नइ पण तीनतेरा होईड़ा परमेसर का मिनखानै एक काया की जंय्यां एक सागै भेळा करबा ताँई बी मरसी।

यहून्ना 7:35

जणा यहूदि अधिकारी आपसरी म बोलबा लाग्या, “ओ कठै जाबा की करै ह जिऊँ आपा इनै ढुंढ कोनी सकां? के ओ यूनानी नगर्या म जासी जठै आपणा मिनख रेह्‍वै ह, अर यूनानीयानै सीखासी?

भेजेड़ा चेला का काम 18:2

जठै बो अकविला नाम का एक यहूदि मिनखऊँ टकरायो। जिकी जन्मभौम पिन्तुस ही। अर बो इटलीऊँ आपकी लूगाई क सागै हाल आयोई हो। क्युं क बठै को म्हराज कलोदियुस सगळा यहूदिआनै रोमऊँ निकळ जाबा को हुकम काड्यो। जणाई पोलुस बाऊँ मिलबा गयो।

भेजेड़ा चेला का काम 18:23

क्युं क दिन बठै रेह्‍र बो बठैऊँ बिदा होर गलातिया अर फरूगिया ठिकाणा म सगळा चेला-चपाट्यानै समाळतो फिर्यो।

भेजेड़ा चेला का काम 19:10

करीब दो बरस ताँई अंय्यांई चालतो रिह्यो अर अंय्यां करता-करता एसिया का सगळा रेह्बाळा चाए बे यहूदि हो चाए यूनानी ईस्बर को बचन सुण्या।

भेजेड़ा चेला का काम 6:9

पण अजाद बिस्वासी मंडळी नाम की एक यहूदि अरदास करबाळी झघा का क्युंक यहूदि मिनख जखा कुरेन, सिकन्दरिआ, कलिकीया नगर्याऊँ अर एसिया परदेसऊँ आएड़ा हा, बे बिकै सागै जिरै करबा लाग्या।

भेजेड़ा चेला का काम 8:4

अर दुसरी कानि बे बिखरेड़ा बिस्वासी जठै बी गया बठैई ईसु को चोखो समचार सुणाबा लागगा।

1 कुरन्थीयो 16:19

एसिया की बिस्वासी मंडळी क कानिऊँ थानै नमस्कार। अर अकविला अर परसकीला! अर बाकै घर म भेळी होबाळी बिस्वासी मंडळी क कानिऊँ थानै नमस्कार।

2 कुरन्थीयो 1:8

क्युं क मेरा लाडला बिस्वास्यो, म्हें आ चावां हां क जखी पिड़ा म्हें एसिया म भोगी बिकै बारां म थे जाणो। बठै म्हें म्हारी सेवाऊँ बी बेत्ती पिड़ा भोगी। अठै ताँई क मरबा की बी नोबत आगी ही।

इफिसुस 2:12

अर बा दिना म थे मसी अर इजरायल का मिनखाऊँ न्यारा हा। बा करारा म थारी पाँती कोनी ही जामै परमेसर बाऊँ छुटकारो करबाळा क आबा को बादो कर्यो हो, अंय्यां थे इ जगत म बेआस अर परमेसर क बिनाई जिर्या हा।

इफिसुस 2:19

इ ताँई इब थे परमेसर की नजर्या म बारला कोनी हो, पण परमेसर का मिनखा क सागै परमेसर का घरबार का बणग्या हो।

2 तिमूतियूस 1:15

तू जाणै ह क, एसिया दिसावर का रेह्बाळा सगळा मेरूँ मुंडो फेर लिआ ह, जिमै फूगिलुस अर हरमुगनेस बी सामिल ह।

इबरानीआ 11:13

अ सगळा बिस्वास क सागैई मर्या। अर आ मिनखानै बे चिजा कोनी मिली जाको बादो कर्यो गयो हो पण अ बानै दूरऊँ देखर राजी होया। अर बे मान लिआ क बे इ जगत म अणजाण अर परदेसी ह।

याकूब 1:1

म परमेसर अर परबु ईसु मसी को दास याकूब, इजरायल का बारा कूणबा का बिस्वास्यानै नमस्कार मांडूँ हूँ, जखा तीनतेरा होगा।

1 पतरस 2:11

ओ लाडलो, म थानै हात जोड़र खेऊँ हूँ क, थे इ दुनिया म खुदनै परदेसी अर सरणारथी जाणर जीवन जीओ। अर पाप करबा की बुरी इंछ्याऊँ खुदनै बचार राखो, जखी थारै आत्मा क खिलाप लड़ै ह।

2 पतरस 1:1

म, समोन जिको नाम पतरस बी ह, जखो परबु ईसु मसी को दास अर भेजेड़ो चेलो हूँ। आ चिठी बा मिनखानै मांडूँ हूँ जखा आपणा परमेसर अर छुटकारो देबाळा ईसु मसी की धारमिक्‍ता की बजेऊँ आपणी जंय्यांई बिस्वास करीं हीं।

दरसाव 1:11

अर बि उवाज म अंय्यां हेलो आर्यो हो क, “तू जोक्यु बि देखर्यो ह बिनै एक पोथी म मांडतो जा अर बिकै पाछै आ बातानै इफिसुस, स्मुरना, परगमुम, थुआतिरा, सरदिस, फिलीदिलफिआ अर लोदिकीया की सात्यु बिस्वासी मंडळ्यानै भेज दिजे।”