1 यहून्ना 4:2 - जीवन को च्यानणो (सेकावाटी नया नियम की पोथ्या)

² थे परमेसर की पबितर आत्मानै अंय्यां जाण सको हो: जिकी बी आत्मा आ खेवै ह क, “ईसु मसी, मिनख काया म इ धरती प आयो।” बिकी आत्मा परमेसर क कानिऊँ ह।

1 यहून्ना 4:2 Iomraidhean Croise

यहून्ना 1:14

बचन देधारी होयो। बो दया अर सच क सागै म्हारै मांयनै रिह्यो। अर म्हें बिकी अंय्यां की मेमा देखी जंय्यां परम-पिता का इकलोता बेटा की मेमा।

1 कुरन्थीयो 12:3

इ ताँई म थानै बताऊँ हूँ जखा मिनख म परमेसर की पबितर आत्मा को बास ह बो कदै बी अंय्यां कोनी खेसी क “ईसु सरापित ह।” अर नइ कोई बिना पबितर आत्मा क अंय्यां खेसी क “ईसुई परबु ह।”

1 तिमूतियूस 3:16

कोई कोनी नट सकै क, भगती को भेद कंय्यां को म्हान ह, बो जखो मिनख जूण म परगट होयो, पबितर आत्मा जिनै धरमी बतायो, अर ईस्बर नगरी दुत जिनै देख्या, देस-देस म बिको परचार कर्यो गयो, जगत म बिपै बिस्वास कर्यो गयो, अर ईस्बर नगरी म उठा लिओ गयो।

1 यहून्ना 2:23

जखो बेटानै नकारै ह बो परम-पितानै बी नकारै ह, पण जखो बेटानै मानै ह बो बिकै सागै परम-पितानै बी मानै ह।

1 यहून्ना 4:15

अर जखो बी इ बातनै मानै ह क, “ईसु परमेसर को बेटो ह,” जणा परमेसर बिकै मांयनै बास करै ह अर बो परमेसर को होज्यावै ह।

1 यहून्ना 4:3

अर हरेक बा आत्मा जखी ईसु मसी क बारां म इ बातनै कोनी मानै बा परमेसर क कानिऊँ कोनी। बा मसी का बेरी की आत्मा ह, जिकै बारां म थे पेल्याऊँई सुण चुक्या हो क बो आबाळो ह। बो आबाळो के ह बो तो इब बी इ दुनिया मई ह।

1 यहून्ना 5:1

जखाबी मिनख ओ बिस्वास करीं हीं क, ईसुई मसी ह बे परमेसर का टाबर हीं, अर जखाबी परमेसरऊँ परेम करसी बे बिका टाबराऊँ बी परेम करसी।

2 यहून्ना 1:7

म आ बात इ ताँई बोलुँ हूँ, क्युं क इ दुनिया म बोळा भटकाबाळा मिनख हीं। अर जखो बी मिनख इ बातनै कोनी मानै क ईसु मसी इ धरती प मिनख काया को रूप लेर आयो, जणा बो छळ करबाळो ह अर मसी को बेरी ह।