1 यहून्ना 1:1 - जीवन को च्यानणो (सेकावाटी नया नियम की पोथ्या)

^1-2 इ चिठी म म्हें, बि एक की बात करां हां, जिनै बचन बोल्यो गयो ह , जखो क्युबी रच्या जाबाऊँ पेली हो, जखो कदैई नइ खतम होबाळो जीवन देवै ह। म्हें बि अजर-अमर जीवन को हेलो थारै मांयनै पाड़ां हां, जखो परम-पिता क सागै हो अर म्हारै प परगट कर्यो गयो। बो जुगादऊँई हो , पण जद बो मिनख रूप मई धरती प आयो जणा म्हें इनै सुण्या, म्हारी आँख्याऊँ देख्या, अर म्हें खुद बिकै हात अड़ाया।

1 यहून्ना 1:1 Iomraidhean Croise

लूका 1:2

अ सगळी बाता आपानै बे पुगाई जखा आ सगळी बातानै सरूँ घटता देखी। अर जखा बचन को हेलो पाड़बाळा होया।

लूका 24:39

मेरै हात लगार मेरा हात पगानै देखो। क्युं क भूत म हाड-मास कोनी होवै जंय्यां थे मेर म देखर्या हो।”

यहून्ना 19:35

आ बताबाळो बो ह, जखो अंय्यां होता देख्यो, जिऊँ क थे बी बिस्वास करो। बो जोक्यु बोल्यो हो बो सच हो अर बो जाणै ह क बो सच बोल्यो।

यहून्ना 20:27

जणा बो थोमाऊँ बोल्यो, “आ, अर तेरी आँगळ्या घालर मेरा हात देख अर तेरा हातनै मेरी कोल म घाल। भेम करबो छोड अर बिस्वास राख।”

यहून्ना 5:26

क्युं क जंय्यां परम-पिता जीवनदाता ह, ठिक बंय्यांई बो आपका बेटानै बी जीवन देबा को अधिकार दे राख्यो ह।

यहून्ना 8:58

ईसु बोल्यो, “म थारूँ सची खेऊँ हूँ, अब्राहम क जलम्बाऊँ पेली, म हूँ।”

भेजेड़ा चेला का काम 1:3

बिकै सुळी प दुख भोगर मरबा क पाछै, बो बोळा पुक्‍ता सबूत देर खुदनै मरेड़ा मऊँ जिंदो साबित कर्यो, अर बो चाळिस दिना ताँई बानै दिखतो रिह्यो अर बाऊँ परमेसर का राज क बारां म बतळातो रिह्यो।

भेजेड़ा चेला का काम 4:20

क्युं क आ तो होय कोनी सकै क जोक्यु म्हें देख्यो अर सुण्यो ह बिनै कोनी खेवां।”

इबरानीआ 2:3

जणा पाछै आपा इ बडा छुटकारा की अनदेखी कर कंय्यां बच सकां हां? इ छुटकारा को पेलो हेलो परबु कानिऊँ पाड़्यो गयो हो अर जखा बी इ हेलानै सुण्या हा बे आपणा ताँई इनै पुक्‍तो कर्या।

1 यहून्ना 4:14

परम-पिता आपका बेटानै इ जगत का मिनखा को छुटकारो करबा ताँई भेज्यो। अर म्हें बिनै देख्या अर बिका गुवा बी हां।

1 यहून्ना 5:7

अर गुवाई देबाळा तीन जणा हीं।

दरसाव 1:11

अर बि उवाज म अंय्यां हेलो आर्यो हो क, “तू जोक्यु बि देखर्यो ह बिनै एक पोथी म मांडतो जा अर बिकै पाछै आ बातानै इफिसुस, स्मुरना, परगमुम, थुआतिरा, सरदिस, फिलीदिलफिआ अर लोदिकीया की सात्यु बिस्वासी मंडळ्यानै भेज दिजे।”

दरसाव 1:8

परबु परमेसर, जखो ह, जखो हो अर जखो आबाळो ह, जखो सऊँ सक्‍तिसाली ह बो खेवै ह, “मई अलफा अर ओमेगा हूँ।”

दरसाव 19:13

बो लोय म रंगेड़ो गाबो पेरमाल्यो हो। अर बिको नाम परमेसर को बचन हो।

दरसाव 2:8

“स्मुरना की बिस्वासी मंडळी का मुखियानै मांड। अ बात बिकै कानिऊँ ह जखो पेलो अर आखरी ह, जखो मरगो हो पण ओज्यु जिंदो होगो।