Mak 9:43 - ITOU NOMO HILOU BEELE

^43-44 Ne name owone ete no ono hinonga une langa meboduwei mata bonahe wonga wa, ne owone ete karudu kaitau. Ono wahenga hilobainga ne owone etenga inyonga, ne agene auma yafou tigini tau. Gamaji ne owone nga inyonga ne eeya ha, eeya ada gare-garena waha langa goyau ganga.

Mak 9:43 Iomraidhean Croise

Matiu 17:27

Onou wa, gamaji ere ono nigedenga ere bode honggoro woguga. Ne yaage katiwou langa minidu hiima aya wau. Onodu bonahe ne hoowe amugou tedu bonahe hurau isebu wau, onodu ne moni ete huwanya langa inyi gonga urau ganga. Ne moni waha tedu bonahe nere nigau, ere eire takis edomuwei nomo bona.”

Matiu 25:41

“Onodu king no nere fai-aita bagu owo kenao la waha lenigon bona, tere yaewou fai-aita, ‘Tere ji hogofe la heige haradu bonade eeya ada gare-garena la goyagu, eeya waha amina nere Satan nomo ensel bagu haiya nagane.

Matiu 3:12

Fai no waha sawol owo langa yaasudu bona, wit langa tuturumu oruwanga elegedu ayaruna dorofe mayonbona. Onodu bona, no wit hilou waha wit mata langa komomu wonbona. Ono bona, tuturumu waha no eeya ada gare-garena waha langa biteru wonbona.”

Matiu 5:22

Ariya, ji benou letigini, fai no bemu bona honggoro bagu wonga wa, no kot la heigon bona. Ariya, fai no bemu beele inyaba letuwona wa, no amugou kaunsel la heigon bona. Ono wonga fai ete no bemu letuwona, ne dabu tayou tigini, fai waha no tigini eeya ha la goyonbona.

Luk 14:13

Uwa. Ne da ajou anyakaro heigemuwei mata bonahe wonga wa, ne fai dadanege uwau bagu, fai genege gala inyaba bagu, fai afenege inyaba bagu, fai agenege fosokowou bagu, waha yaure nigau.

Luk 14:21

“Ariya, haruwe magana nebere beele waha elegedu, ege gidu nomo fai anyakaro bagu goyai. Ono wainga saini fai anyakaro no beele waha isidu bona, no houmu danga bagu mayainga, no nomo haruwe magana benou letuwai, ‘Ne fasadu taon beha nomo jala anyaroro la bagu, jala mene-mene oruwanga la goidu bonahe, nere fai dadanege uwau waha, nere fai genege gala inyaba waha, nere fai agenege fosokowou waha, nere fai afenege lalekawou waha oruwa hani gahenga, yame mata huwanya la mayagu tuwai.’

Luk 3:17

No fai ete owo langa sawoli yaasudu maina dorofe maidu bona, nomo wit langa tuturumu oruwa fidedu bona nomo wit mata langa komom wonbona. Onodu nomo tuturumu waha no, eeya ada gare-garena waha langa biteruwon bona.”

Romans 8:13

Tere huwanyatege asari nomo onowou langa golowei mata bonade wonga, tere umeru wagu ganga. Onou wa, tere Hauri Guuni nomo danga langa, geege gala nomo onowou inyaba dunege kote bonade wonga, tere agetege auma yafagu ganga.

1 Korin 9:27

Uwa. Ji yame geefe gala tigini wari genenga no yame gauwou oojo-oojona. Gamaji ji fai ila hilou beele malalamudu lenigidu boni, iinga huunta langa ji yage agou ada tooga.

Galesia 5:24

Nere fai-aita Kristus nomo gane waha, nere oruwanga huwanyage asari nomo gauwou bagu, agenege warou inyaba bagu, waha oruwanga tedu bode, nauge abalakawou langa waranenga umaiha.

Kolosi 3:5

Onou waha bona, tere tebere huwanyatege langa oula beha nomo onowou oruwanga inyide waha, dunege kote wadenga umode. Ji onowou benou boni leni, longi fanyimu bagu, onowou jijiga bagu, fanyimu inyaba onowei nomo huwanyage jayou bagu, fai ete nomo dada boya agege warou bagu. Ariya agege warou fanyimu waha no yaawa itou unyi isouwou fanyimu dorofe.

Taitus 2:12

Itou nomo aau warou waha no ere Itou adai moge tuwei nomo onodu oula beha nomo gauwou inyaba oruwa awei nomo bona isisiwou higina, ono bona no ere ninage iside boya tigini golo dewei nomo isisiwou higina. Ngalenga, ere oula beha nomo fai-aita gamanege langa yafaya, ariya Itou nomo aau warou no ere nomo onowou oojowei nomo isisiwou higi bona

Hibru 12:1

Nere fai-aita aminaha nere, agau dorofe kolili higane oto bode, nere ere huwanyage ngalengawei nomo fanyimu abitimu higide. Onou bona, nere dada hogo fere-fere oruwanga ere ono higogunga, danga bagu ada guriyoya waha bagu, nere une ere fada higina waha bagu oruwanga awaru woboya. Onodu ere huwanyage dangamudu boya, guriyou Itou guriyei nomo hangada hagai waha langa danga bagu guriyo boya.

1 Pita 2:1

Tere eege heigeyaha, onou waha bona tere fanyimu inyaba oruwanga yaawa beele lewei nomo bagu, yaawa fanyimu ila oruwanga awagu. Onodu fai dada baingaro bagu waha boya huwanyatege inyabawei nomo fanyimu bagu, mogonege beele lewei nomo fanyimu fere oruwanga awagu.