Mak 4:24 - ITOU NOMO HILOU BEELE

²⁴ Onodu no ege benou lenigai, “Beele tere isiya waha, tere ninatege iside wagu. Tere dada fai nigiya waha haawe onounga, Itou no fere agou nomo haawewou onounga tere tigon bona. Onodu no ila ege turi tagonbona.

Mak 4:24 Iomraidhean Croise

Matiu 7:2

Tere fai ila ono nigiya onou fenga, Itou no tebere onowou haawe tagonbona. Tere fai ila haawe nigi-nigiya, haawe wahanga la Itou no agou tigonbona.

Mak 9:7

Ono gainga agau ete maidu kutau nigai. Ono wainga agau waha huwanya langa fai bolonege ete benou lewai, “Beha ji yame Idafe, Ji no gaude tuni. Tere nomo beele isagu.”

Luk 8:18

Tere urede bonade, beele isi dewagu ganga. Fai ete no dada ila bagu wonga wa, Itou no ege ila tuwonbona. Onou wa, fai ete no dada uwau wonga wa, Itou no isina, dada no yaasuna waha ngau elegonbona.”

Jon 10:16

Ariya, ji yame sipsip ila, orei beha nomo uwa waha fere golode. Ji sipsip waha fere hanigedu mayon boni. Ono wehenga nere yame belefe isodbode. Ono wonga, nere sipsip ago etenga heigonga nebere oofa nigou fai fere etenga yafonbona.

Jon 10:27

Ji yame sipsip nere ji belefe isi-iside, ji nere boni isini, ono genenga, nere ji oojo hi-hide.

Jon 5:25

“Ji tere ngalenga letigini, saini heigona onona waha, elebe heigaha. Onou waha bona, nere fai umou waha, nere Itou Idau nomo bolou isodbode. Ono gonga, nere fai-aita bagu isode waha, nere agenege auma todbode.

Aposel 17:11

Juda nere Beria langa yafane waha, nere fai-aita hilobainga. Nere nebere fanyinege, nere Juda Tesalonaika langa yafane waha nebere fanyinege gai feiyade nigou. Nere Pol nomo beele isidu gaude nigai. Nere fati oruwanga beele Itou nomo buk langa inyina waha lelegedu haawe degane, Onodu nere isodbode, Pol nomo beele ngalenga yo, uwa.

2 Korin 9:6

Tere beha bonade ninatege isi dewagu. Fai no da menenga onou tauna wa, no da menenga onounga tonbona. Onodu fai no baingaro tauna waha, no baingaro elegonbona.

Hibru 2:1

Itou nomo Idau no unyi anyakaro tigini tai, onou bona, ere beele amina isiyaha waha, ninage langa danga bagu yaasu boya, oojo dewei nomo. Gamaji ere beele oojowei nomo tuwage gare gonga, awa borowoga.

1 Pita 2:2

Ere isiya, magana momodo no eeme gaude tutuna. Onou dorofenga tere eeme hilobainga Itou langa mena waha tei nomo gaude tigou dada inyaba ete no langa inyei uwa. Eeme onouha waha no tere tebere anutege hoyo tugonga, anyakarodu goi danga bagu Itou no tebere yafou eege tigina waha langa heigonga tere Itou bagu yafa dewagu ganga.

1 Jon 4:1

O ilibafe gane, nere yaawa profet baingaro oula langa kejiwe golo-golode. Onou waha bona nere fai oruwanga tere bagu maidu benou letigogunga adai ngalenga wagu, “Itou nomo Hauri beele lehiyaha.” Tere hauri oruwanga haawe nigagu, onodu tere isagu ganga, nere Itou langa mayane yo uwa.