Mak 13:22 - ITOU NOMO HILOU BEELE

²² Fai ila maidu bode benou yaawa tigodbode, ‘Ji fai beha Itou nomo fai-aita bagu gidu elegei nomo hangada hiyai’, o ‘Ji profet ete,’ onodu dodoka ila tafa bode dada hogo fere-fere heigemu wodbode. Ngalenga tigini, Nere edo wonga, fai-aita bagu Itou no nomo bona hangada nigai waha hilalamu nigodbode.

Mak 13:22 Iomraidhean Croise

Matiu 24:24

Taate bona, fai ila maidu bode, yaawa beele benou letigod bode, ‘Ji fai beha Itou nomo fai-aita bagu gidu hanigei nomo hangadawai,’ o ‘profet ete.’ Onodu nere dodokawou aroro tafa bode, dada hogo fere-fere ono wogunga heigon bona. Nere fai-aita bagu baingaro hilalamu nigei nomo ono wodbode, nere edo wonga wa, fai-aita bagu Itou nogo nomo hangada nigai fere hilalamu nigei nomo ono wodbode.

Matiu 7:15

Yesus no ege benou lena, “Tere yaawa profet bonade ure dewagu. Nere beele hilobainga la gelele tigi-tigide. Onou wa, nebere ninanege tigini no hilalamu tigidu inyabamu tigodbode. Nere gauna kui sipsip osoko tanide dorofe, nere edo sipsip hinenege goidu dobole nigodbode.

Mak 13:21

“Saini beha langa fai ete no benou letigei mata wonga, ‘Uragu, fai Itou nomo fai-aita bagu gidu elegei nomo hangada tuwai waha benu yafana,’ o ‘Uragu, no wolanga yafana,’ tere nebere beele bonade huwanyatege adai ngalengawou.

Mak 13:23

Waha bona tere ure dewagu. Dada oruwanga heigon bona wa ji amina letiginaha.”

Mak 13:6

Nere fai baingaro maidu bode ji unyife tebode benou lewodbode, ‘Ji yage ji fai waha.’ Onodu fai-aita bagu baingaro yaawa nigodbode.

Jon 4:48

Ono wainga Yesus no fai waha letuwai, “Tere dodoka tafou hogo fere-fere ada urage wa, tere huwanyatege ada ngalenga wage.”

2 Timoti 2:19

Onou wa, Itou no nomo sios atei nomo auuma amina danga bagu tawaiha, onodu auuma waha no danga bagu otona. Onodu bona no auuma waha langa beele benou yeregai, “Anyakaro no nogo nomo fai-aita bona iside nigina”. Onodu no beele beha fere yeregai, “Nere fai-aita oruwanga Anyakaro nomo unyi tane waha, nere fanyimu tigini uwa waha moge tuwode.”

1 Jon 2:18

O yame magana gane, ere fati usuwou nomo saini langa heigeyaha. Ariya tere amina Kristus nomo honggoro fai heigodbode beele iseye. Elebe nere Kristus nomo honggoro fai baingaro heigane. Onou waha bona ere isiya, ere fati usuwou nomo saini langa heigeyaha.

1 Jon 2:19

Amugedu nere fai waha ere bagu yafadu bode, awa higidu goyane. Ono wane waha nere ebere gane tigini yafegu uwa. Nere ere ebere gane tigini wage, nere ere bagu gai yafedege. Ariya nere ere awa higane, ono wane waha boya ere isideya, nere fai waha oruwanga ebere gane tigini uwa.

1 Jon 2:26

Ji beele yerege tagini beha nere fai tere yaawa tigode onode waha nebere fanyinege boni letigonboni.

Revelesen 13:8

Saini Itou no oula tafainga heigei uwa langa, nere oula nomo fai-aita oruwanga nebere unyinege agenege auma nomo buk langa inyei uwa waha, nere kaafa kui waha unyi jaimu wodbode. Agenege auma nomo buk waha, Sipsip Magana nomo buk, amina nere dukote wanenga umai.

Revelesen 17:8

Ne kaafa kui waha ureneha, amina no yafai, ariya elebe no ege yafei uwa. Onou wa, no oula u-u hugu uwau waha awadu heigedu maidu bona, no gai bona yae wonbona. Saini Itou no oula tafainga heigei uwa langa, nere fai‑aita oulaha nebere unyinege agenege auma nomo buk la inyei uwa waha, nere kaafa kui waha uredu bode horoto wodbode. Taate bona, amina no yafai, ariya elebe no yafei uwa, iinga no heigonbona.