Mak 13:10 - ITOU NOMO HILOU BEELE

¹⁰ Nere fai oruwanga fai no hilou beele malalamudu lena waha amugedu isogunga.

Mak 13:10 Iomraidhean Croise

Matiu 12:41

Saini Itou no fai-aita bagu kot la tafa nigei nomo fati hangadawai langa, nere Ninive fai kot langa oto bode elebe saini beha nomo fai-aita bagu nebere onowou inyaba malalamu nagodbode. Taate bona, Ninive nere Jona no beele malalamudu lewainga nere isidu bode, huwanyanege ubuluwai. Onou wa fai ete no tere gama langa yafana, waha no Jona feiya tuwou.

Matiu 24:14

Ono wogunga, nere Itou nomo huuna langa yafou waha nomo hilou beele, ha-ha oruwa langa malalamudu legogunga, nere fai-aita bagu oruwanga edo isodbode, waha mogo langa fati usuwou heigon bona.”

Mak 16:15

Onodu no benou lenigai, “Tere ha-ha oruwa langa goidu hilou beele malalamudu fai-aita bagu oruwanga hai nagagu.

Romans 1:8

Ji amugedu benou letigon boni. Ha-ha oruwa langa, fai nere tebere huwanyatege ngalengawou danga bagu waha bode hai-haide. Onou waha boni, ji tere oruwanga boni ninafe isi boni, Yesus Kristus nomo unyi langa, ji yame Itou hilobainga tutuni.

Romans 10:18

Onou wa, ji benou isokini, nere hilou beele waha isegu uwa rute? Uwa. Nere isaneha. Ere isiya, “Nere fai-aita ha-ha oruwanga langa nere nebere belenege isane. Onodu nebere beele matane oruwa langa goi edowai.”

Kolosi 1:23

Onou wa, tere huwanyatege ngalengawou yaasu bonade, danga bagu tigini oto wagu. Gamaji dada ete kuse tigoga, ono wonga tere hilou beele iseye waha nomo huwanyatege ngalengawou awagu ganga. Ji Pol, ji hilou beele beha nomo haruwe fai heigenenga, ere fai-aita oruwanga oula langa yafade waha, malalamudu lenigeye.

Revelesen 14:6

Ji ensel ete taene gama la firiya gainga urene. No gai-gai nomo yafou langa hilou beele bagu, onodu no hilou beele waha nere fai-aita bagu oula langa yafade waha, malalamudu lenigei nomo haruwe bagu. No hilou beele waha nere fai-aita bagu oruwanga kantri oruwa la, beele fere-fereha bagu, nere fai genege gala fere-fereha bagu malalamudu lenigai.