Mak 11:12 - ITOU NOMO HILOU BEELE

¹² Inyiba ete langa, nere Betani awadu mebode, Yesus no huweli tuwai.

Mak 11:12 Iomraidhean Croise

Matiu 4:2

Onodu Yesus no da nyei uwa hoonga 40 ooru 40 yafai, iinga no huweli tuwai.

Mak 11:13

Ono wainga no ago ayadu bona fik nauge ete no menanga baae langa gala fekuwai oto gainga urai. Onodu no fik nauge waha hilou ila nerigon bona hugu langa goyaiha. No goidu urai wa hilou uwau. No ewe galanga fekudu otowai, wa taate bona, fik nauge nomo hilou heigei nomo saini uwa.

Mak 11:20

Inyiba, ete langa eringe amina Yesus no nomo disaipel bagu golodu goibode, Yesus nomo disaipel nere fik nauge kakaregai oto gainga urane. No nomo gala bagu, jijiruku bagu oruwanga kakarege wane.

Luk 4:2

Ono wainga, no ha fai uwau walanga fati 40 yafa gainga, Satan no wala-wala tuwai. Saini waha langa, Yesus no da nyei uwa, waha bona no huweli tuwai.

Jon 19:28

Ariya, Yesus no isai, elebe no nomo haruwe oruwa usuna. Onou bona, no benou lewai, “Ji yaage nyomoli hina.” No beele waha ledu bona, beele ete Itou nomo buk langa inyina waha edomuwai.

Hibru 2:17

Onou waha bona, no dada oruwa langa no nomo baabo gane tigini dorofe onou heigonbona, onodu no nebere pris mora bagu edo langa yafa bona, Itou nomo haruwe ono wonbona.