Jems 5:5 - ITOU NOMO HILOU BEELE

⁵ Tere saini oruwa oula langa yafa boya, dada hilou-hilou elege boya edega boya yafeye. Tere da inyangaro nyi boya getege ngasagai, ariya tere dutege kotewei nomo saini heigaha.

Jems 5:5 Iomraidhean Croise

Luk 16:19

Yesus no ege onou lewai, “Amina moni fai ete yafai, no saini oruwa siot hilou-hilou, kolos giriwou hilobainga waha tanigai. Ono bona no fati oruwa da hilou-hilou nyigai.

Luk 16:25

“Ono wainga Abraham no letuwai, ‘Magana, ne dada ete beha bonahe ninate isau. Saini ne agene auma yafena la, ne dada hilobainga, hilobainga oruwa elegene. Ono gene, Lasarus no dada inyaba oruwa elegai. Ariya elebe haumu beha langa, no huwanya hilobainga inyi ganga, ne jimiri anyakaro teni.

Romans 13:13

Ere fai no hoonga langa golona dorofe tigini golowei nomo. Ere kejiwe adai edega boya yaage nyoya. Ere longi fanyimu ono boya onowou jijiga bagu adai hiri tuwoya. Ere kejiwe adai honggoro boya, fai ila bona huwanyage inyaba wona.

1 Timoti 5:6

Ariya aita ete no nomo au umai, onodu aita waha no genege gala nomo gauwou wahanga oojowei mata wona wa, aita waha fere no umaiha dorofe yafana.

2 Timoti 3:4

Nere nage nebere ilibanege gane inyabamu nigodbode, ono bode nere fasayadu nere nage nebere ninanege inyaba oruwanga oojo wodbode. Nere nage, ere fai anyakarowou isodbode. Nere oula beha nomo edegawou fanyimu hogo fere-fere gaude bode, nere Itou ada gau tuwode.

2 Pita 2:13

Nere fanyimu inyaba hogo fere-fere ono wane waha bona, nere fai ila agou inyaba kabaka nigodbode. Nere hoonga la da yaage bagu baingaro nyei nomo fanyimu waha, edegawei nomo fanyimu tigini ide. Nere tere ngate gaara da nyi boya, tere tage ono tigi ganenga jijiga bagu heige geyenga, nere tere unyitege inyabamu tagide. Onou wa, nere yaawawou fanyimu onode waha bode edega-edegade.

Jut 1:12

Tere saini oruwa komodu huwanyatege etengadu yafa boya, Itou nomo fai-aita ila gaude nigiya waha abitimu nigou dorofe da waha aji-ajiya, ariya nere fai waha maidu bode Itou ago langa onowou jijiga bagu ono-onode. Nere ajou anyakaro langa yafade dorofe da nyei nomo mayau ada nigi-nigina, nere nage bodenga isi-iside. Nere yaage ha tuutadu inyi ganga, jagui fu tu ganga goi fere-feredu bona yaage ada mena dorofe. Onodu nere nauge no nomo saini langa hilou ada heigena dorofe. Nere nauge kakare gainga fai nauge hugu fasidu kaitane dorofe. Nere waha ume ngawei nomo fai.

Revelesen 18:7

No nogo unyi isou bona longi fanyimu hogo fere-fere ono bona, onowou inyaba ila onowai. Onou bona tere no jimiri baingaro nomo agou inyaba waha nomo haawe langa tuwagu. Onodu tere no ono tuwadenga inyangaro merona. No nogo bona no benou le‑lena, ‘Ji kuin, onodu ji sia kuin langa yafani. Ji aita oyo dorofe ewe yafei uwa. Ou ji langa ada heigonga meroni. Gai uwanga uwa.’