Jems 5:16 - ITOU NOMO HILOU BEELE

¹⁶ Onou waha bona, tere etenga-etenga tebere une Itou nomo fai-aita ila agenege langa malalamu wagu. Onodu tere etenga‑etenga, Itou no nere hoyo nigei nomo hauya tu wadenga, Itou no tere ono tigonga ege hilobainga heigagu ganga. Ariya, fai tigini no hauyawei mata wonga, no nomo hauyawou danga anyakaro bagu, no nere ila hoyo nigei nomo gai edo langa.

Jems 5:16 Iomraidhean Croise

Matiu 21:22

Onodu tere huwanyatege ngalenga wonga hauya bonade wonga, tere dada oruwa tei nomo boya hauyaya waha, tere taagu ganga.”

Matiu 3:6

Nere maidu bode, nebere une malalamu ganenga Jon no Jordan yaage langa yaage bisemu nigaiha.

Mak 1:5

Ono wainga, Judia bagu, Jerusalem fai-aita bagu oruwanga, nere Jon bagu goidu, nebere une uulu wanenga, Jon no nere Jordan yaage langa, yaage bisemu nigaiha.

Luk 9:6

Ono wainga disaipel nere golodu, matane oruwa langa goyane. Ono bode nere ha oruwa langa hilou beele malalamudu lebode, taura fai taura jigemu nigane.

Jon 9:31

Ere alai, Itou no fai une tafagou waha, nebere beele ada isi-isina. Ariya, fai no Itou unyi isou bona, no Itou nomo gauwou oojona waha, Itou no nomo beele isi isina.

Aposel 10:38

Tere isiya, Itou no Yesus Nasaretha hangada tuwai, onodu Hauri Guuni tudu bona danga anyakaro tuwai. Ono wainga Yesus no matane oruwa langa golo bona, fai ‑aita bagu hoyo nigai. Itou no bagu yafa gainga, Satan no fai oruwanga inyabamu nigai waha ege jigemu nigai.

Aposel 19:18

Fai-aita bagu baingaro nere huwanyanege ngalengawai waha nere maidu bode onowou inyaba oruwa nere amina ono wane waha fai-aita bagu ila agenege langa malalamudu lewane.

Aposel 8:24

Ono wainga Saimon no beele ege gidu benou lenirai, “Tere Anyakaro hauya tuwa derenga no edo ji bona aau waronga, dada tere leyare waha ji langa ada heigona.”

Romans 3:10

Itou nomo buk langa beele waha bona benou lena, “Fai ete te no fanyimu hilou ada ono-onona. Gai uwanga uwa.

Romans 5:19

Fai etenga no beele feiya wainga, no nomo onowou waha langa, fai-aita oruwa une tafagou heigane. Onou dorofenga, fai etenga no beele oojo wainga, no nomo onowou waha langa, fai-aita ila nere fai‑aita tigini heigodbode.

Kolosi 1:9

Onou bona fati amugou langa hugu waridu, ere tebere fanyitege hilobainga waha boyare isere, onodu ere gai-gai hauya boyare, Itou no tere hoyo tigei nomo isoki tu‑tuyare, ono wonga tere edo nomo gauwou waha isi dewagu ganga. Ono wonga Hauri Guuni no edo ninatege isou hilobainga hogo fere-fere baingaro tigonga, waha no edo tere langa bolo dewona.

1 Tesalonaika 5:17

onodu tere gai-gai hauya wagu.

1 Tesalonaika 5:23

Itou no huwanyage foinga inyou hugu, no edo ono tigonga tere tebere agetege auma yafou oruwanga no tuwagu ganga, onodu ono tigonga tigini guuni heigagu ganga. Onodu no edo tere tebere hauri bagu, anutege bagu, getege gala bagu oofade tagi gonga, tere hilobainga tigini yafagu ganga, onogade saini ere ebere Anyakaro Yesus Kristus ege gidu mona langa tere nyabuluwou te uwau.

1 Tesalonaika 5:25

O baabo gane, tere Itou no ere hoyo higei nomo hauya tuwagu.

Hibru 11:4

Abel no Itou bona huwanya ngalenga wainga, no eeya muru wari fuwai. Ono wainga, Itou no Abel nomo eeya muru warou waha gauwai, onowai wa no Kein nomo eeya muru warou waha gau fuwei uwa. Abel no huwanya ngalenga wainga, hugu waha langa, Itou no Abel toota tuwai waha bona edegawai. Onodu waha no ere benou abitimu higina, Itou no fai tiginiwou tuwai. Abel no umaiha, onou wa no nomo huwanya ngalengawou waha no ere beele gai malalamudu lehigina dorofe.

Hibru 11:7

Noa no Itou bona huwanya ngalenga wainga, Itou no dada iinga heigonbona waha bona beele isimu tuwai, wa dada Noa no iinga urei uwa inyi gainga. Ono wainga, no Itou nomo beele bona huwanya ngalenga wainga no sip ete atai. Ono wainga no nomo oya magana gane bagu, nere sip waha huwanya langa goidu bode yafa dewane, nere inyaba wegu uwa. No nomo huwanya ngalengawou waha langa, Noa no nere oulaha fai-aita oruwanga nebere onowou inyaba waha malalamude nagai. Noa no Itou bona huwanya ngalenga wainga, Itou no fai tiginiwou tuwai, Itou no nere fai oruwanga no bode huwanyanege ngalengade waha onou ono nigi-nigina.

Hibru 12:13

jala tiginiwou langa golowagu. Tere onou ono wadenga, tere tebere afetege no gai ada inyaba wona. Nere ege hilou wodbode.

Hibru 13:18

Tere Itou hauya tubonade, no ere hoyo higei nomo bonade isoki tuwagu. Ere benou isiya, ere ebere huwanyage wa, Itou ago langa tigini inyina. Onodu saini oruwa la ere tigini golowei nomo gau higina.

1 Pita 2:24

Kristus no nauge abalakawou langa kungaledu bona, no nogo nomo gogala langa ere ebere une aulaiha. No onou onowai waha, ere une nomo fanyimu oruwanga edo langa awarudu boya, ere edo langa agege auma yafa boya, fanyimu gai tigini wahanga oojowei nomo. Nere guladu inyabamu tuwanenga, no jimiri aulai waha langa, tere ono tigainga ege hilou heigeye.

1 Jon 3:22

Onodu ere dada ete boya hauyadu no isoki tuwei mataya waha, no ere higi-higina, taate bona, ere nomo nuuni beele oojo-oojoya, ono boya ere fanyimu no gau tuna waha ono-onoya.