Jems 4:3 - ITOU NOMO HILOU BEELE

³ Onodu saini tere dada elegei nomo hauyaya wa, ada elegeya, taate bona, tere tebere ninatege tigini langa, Itou hauya tuwegu uwa. Tere dada elegedu tebere huwanyatege nomo gauwou langa ayaruwei nomo wahanga boya ninatege isiya.

Jems 4:3 Iomraidhean Croise

Matiu 20:22

Ono wainga, Yesus no beele ege gidu benou letuwai, “Tere dada isokiya waha boya ada isideya. Tere kap ji nyoni waha langa, tere nyei nomo edo yo?” Ono wainga nere leware, “Ere edola.”

Mak 10:38

Ono warenga Yesus no benou lenirai, “Tere dada ji isoki hiyare beha boyare ada isi deyare. Dada kap langa elebe ji nyonboni waha tere nyei nomo edo yo? Yaage bisou elebe ji toni ononi beha tere tei nomo edo yo?”

Luk 11:10

Nere fai oruwa Itou hauya tude waha, nere dada elege-elegede. Fai no dada kuruna waha, no toroba-torobana. Onodu, fai no jauli kato-kato wona waha, Itou no jauli helufa fuwonbona.

Luk 15:13

Ono wainga udidiwei uwa, idau huuntaha wa no nomo dada oruwa komomudu bona, fai ila langa huuruwai. Onodu no moni tedu bona, goi matane ete baae langa yafai. No matane waha langa edegawou hogo fere-fere tafa bona yafa gainga, no nomo moni oruwanga usuwai.

Luk 15:30

Ariya, ne name idate beha no, name dada oruwanga longi aita la usumu borowaiha. Waha no elebe ege gidu mayanga, ne edegamu tuwau ganga bulumakao magana gogala ngasagou waha dukotenaha.’

Jems 4:1

Taate dada no tere gama langa beele langa waradu, honggoro guruwou heigemuwei nomo hugu? Huwanyatege jayei nomo fanyimu hogo fere-fere tere langa jiri bode, nere tere tebere getege gala matau oruwa gama langa wara-warade. Ono ganenga, onowou wahanga la, nere beele langa warabode, honggoro guruwou heigemu-heigemude. Onou uwa rute?

1 Jon 3:22

Onodu ere dada ete boya hauyadu no isoki tuwei mataya waha, no ere higi-higina, taate bona, ere nomo nuuni beele oojo-oojoya, ono boya ere fanyimu no gau tuna waha ono-onoya.

1 Jon 5:14

Ere Itou nogo nomo gauwou oojo boya, hauya tudu dada ete boya isoki tuwei mata boya wonga, no ere ebere hauyawou isi-isina. Onou waha boya ere Itou ada umuge tutuya. Ere no hinomu langa goi-goiya.