Jems 3:16 - ITOU NOMO HILOU BEELE

¹⁶ Isagu. Fai nere fai ila bode huwanyanege inyaba ganga, gai-gai nere nage unyinege jaimuwei nomo jala kurude waha, nere ada yafa dede, nere onowou inyaba hogo fere-fere oruwanga ono-onode.

Jems 3:16 Iomraidhean Croise

Mak 3:25

Onodu nere fai mata etenga langa yafade waha, nere foure ngadu bode nere nage wara wode wa, mata waha danga bagu otowei nomo edo uwa.

Aposel 19:29

Onodu yaurou anyakaro taon waha langa jayainga, fai-aita bagu oruwa kejiwe onou hiri wane. Nere arotenga jaidu bode, gurarudu kotowou haumu langa goyane. Ono bode Gaius Aristarkus ngare kuse niranenga gaara goyane. Nere nga waha Masedonia fai, Pol ngate gaara golo gane.

Romans 2:8

Onodu nere ila, nere nage bodenga isi bode, nere beele ngalenga moge tubode, nere onowou hilou uwa waha oojode. Itou no fai-aita waha bona houmu mayonga, no agou gai inyaba kabaka nigonbona.

1 Korin 14:33

Itou no nomo haruwe oruwanga tigini ono-onona. No dada ono ganga ada hilala-hilalana. Ere huwanyage etengadu yafaboya gaara haruwe te dewei nomo gau tuna. Saini sios nere bori urei nomo komo wogunga, aita nere beele adi lewode. Nere huranege fosoko wode. Ere Itou nomo sios nomo fai-aita bagu oruwanga onounga ono-onoya. Aita nere amugou ada yafodbode. Nere Moses nomo nuuni beele lena dorofe, nere huuna langa yafodbode.

1 Korin 3:3

taate bona, tere huwanyatege asari nomo onowou waha gai oojoya. Yo, baabo gane boya huwanyatege inyaba guruwou, beele langa warawou fanyimu waha tere langa gai inyina. Onodu tere onowou beha onoya wa, tere huwanyatege asari nomo fanyimu ojo-ojoya. Wa nere fai oula behaha nebere onowounga.

2 Korin 12:20

Taate bona, ji menanga onou umugeni, gamaji ji tere bagu maidu tere fai adoha yafa gadenga terigei nomo ninafe isini onou langa ada terigoga. Onodu tere fere ji fai adoha yafagehenga yeriyagu ganga gau tigina waha, onou dorofe ada yeriyagu ganga. Gamaji ji tere gamatege langa onowou hogo fere-fere inyi gonga uroga, wa beele langa waradu nere ila boya huwanyage inyabawou, honggoro guruwou, edegawou, memesi beele lewou, mogonege beele lewou, feetowou, onodu haruwe oruwanga hilalamuwou fanyimu.

Galesia 5:20

nere yaawa itou unyinege isouwou bagu, henowa hogo fere-fere tafou bagu, honggoro fanyimu bagu, houge mai gonga honggoro guruwou bagu, huwanyage inyabawou, agege warou, onodu ne nage boninga isini fanyimu waha, beele langa feto-feto guruwou, fai firigagamu nigou fanyimu,

Jems 3:14

Ariya, tere fai ila boya huwanyatege inyaba dewei mata bonade, gai-gai tere tage unyitege jaimuwei nomo jala kuruwei mata bonade wonga, tere tage tebere ninatege isou hilobainga bagu waha bonade adai edega wagu. Gamaji tere yaawa wadenga, tebere onowou waha no ngalenga beele ilei tuwoga.

1 Jon 3:12

Ere Kein dorofe adai yafoya. Kein no Satan nomo fai, no bemu dukote wainga umai. No bemu taate bona dukote wainga umai? No bemu dukote wainga umai taate bona, no nomo fanyimu inyaba, onodu no nomo bemu nomo fanyimu no tigini.