Jems 3:15 - ITOU NOMO HILOU BEELE

¹⁵ Isou onouha waha no ha laluwa langa mei uwa. Dada waha no oula beha nomonga. No huwanyage asari langa heige-heigena, Satan no waha nomo umamu.

Jems 3:15 Iomraidhean Croise

Luk 16:8

“Ariya, iinga saini fai anyakaro no nomo hoobu fai dada onowai waha torobadu bona, no hoobu fai inyaba waha nomo unyi isouwai, taate bona, no fai ninau bagu dorofe onowou waha onowai. Nere fai oula beha nomo fanyimu oojode waha, nere nebere haruwe tei nomo jala fere-fere isi-iside, onodu nere fai lalawou nomo fanyimu oojogou waha, feiya nigou.

Jon 3:17

Ariya, Itou no Idau huuru tuwainga mai waha, no fai-aita bagu oula langa yafade waha, jas dorofe haawe nigei nomo meei uwa. No Idau huuru tuwainga mai wa, no nere ege gidu hanigei nomo bona.

Jon 8:44

Tere tebere ametege Satan, tere nomo idau gane. Onodu tere tebere ametege nomo gauwou oojo wagu ganga danga tafa-tafaya. Amina langa no fai dunege kotegou fai yafai. Ono bona, no fanyimu tigini waha ada oojogai, taate bona, fanyimu tigini waha no langa ada inyigai. No yaawawou beele waha nomo beele tigini dorofe. No yaawa beele legou fai, onodu no yaawa beele legou nomo umamu tigini.

Aposel 13:10

“Ne Satan idau. Ne onowou hilou oruwa nomo honggoro fai. Yaawawei nomo fanyimu oruwanga, onowou inyaba oruwanga ne bolo hinai. Ne Anyakaro nomo jala tigini waha oruwanga inyabamu‑inyabamuni. Ne fanyimu waha awei nomo awani yo?

Romans 1:22

Nere edega bode lewane, “Ere isou bagu.” Onou wa, nere dabu tayou tigini heigane.

1 Korin 1:27

Onou wa, fai Itou no hangada nigai waha, nere fai ila agenege langa isou nyabuluwou bagu, onodu onowou waha langa Itou no oula beha nomo isou fai mayanege tayai. Fai nere, fai ila nerigedu nere fai waha danganege uwau ide waha, Itou no fai danganege bagu waha mayau tei nomo bona, no fai danganege uwau waha hanigai.

1 Korin 2:14

Onou wa, fai no Hauri Guuni uwau waha, Itou nomo Hauri nomo toota ada elegonbona, taate bona, no ninau isina wa, toota waha, nere dada nyabuluwou wahanga. Ere toota waha Hauri Guuni langanga elege-elegeya, onou waha bona, nere fai Hauri Guuni bagu waha, nere nagenga edo haawedu bode, toota waha bode isi dewodbode.

1 Korin 3:19

Taate bona, oula beha nomo isou hilobainga waha, no Itou ago langa dabutayou fanyimu dorofe. Itou nomo hilou beele buk langa no waha bona benou lena, “Fai ila nere onowou hogo fere-fere langa nere ila inyabamu nigei nomo bode ninanege isiside, onode wa Itou no nebere onowou waha ono nagi ganga, nere nage inyabamu nigi-nigina.”

1 Korin 3:3

taate bona, tere huwanyatege asari nomo onowou waha gai oojoya. Yo, baabo gane boya huwanyatege inyaba guruwou, beele langa warawou fanyimu waha tere langa gai inyina. Onodu tere onowou beha onoya wa, tere huwanyatege asari nomo fanyimu ojo-ojoya. Wa nere fai oula behaha nebere onowounga.

2 Korin 1:12

Ji dada etenga beha boni inyangaro edega-edegani. Ji yame huwanyafe langa, ji benou isini, ji onowou tigini, onodu onowou ngalenga langa ji nere fai-aita oruwanga ono nigeneha, onowou waha Itou no ji hiyaiha. Itou no ji bona aau warainga no onowou benou waha hiyaiha, onodu ji ere fai oulaha ebere isou langa tei uwa. Ji onowou beha langa fai-aita oruwanga gama langa golo weneha, ono wene wa ji tere gamatege langa onowou beha gai inyangaro oojo weneha.

2 Korin 11:3

Onou wa ji maangi no yaawa fanyimu isi dena waha boni ninafe isini, onodu no amina Iv yaawa tuwai, onodu ji umugeni, gamaji dada onouhanga tere langa heigoga. Gamaji tere ninatege hilala wonga, tere jijiga uwau yafa bonade Kristus bonadenga ninatege isei nomo fanyimu awagu ganga.

Filipai 3:19

Nere nage nebere genege gala nomo gauwou oojo ganenga, nebere gauwou waha no nebere itou dorofe yafana. Nere gai-gai oula nomo dada bodenga ninanege isi-iside, ono bode nere fanyimu mayau bagu, hogo fere-fere onowei nomo bode edega-edegade. Nere fai waha eeya ha langa yae wodbode.

2 Tesalonaika 2:9

Fai nuuni beele feiyagou waha, no Satan nomo danga langanga malala heigonbona. Onodu Satan nomo yaawawou fanyimu langa, no haruwe danga bagu hogo fere-fere oruwanga ono bona, yaawawou dodoka hogo fere‑fere tafonbona.

1 Timoti 4:1

Hauri Guuni no foomudu benou lena, saini iinga huunta heigona onona waha langa, fai ila nebere huwanyanege ngalengawou awodbode, taate bode, nere yaawagou hauri bagu hauri inyaba bagu nebere beele bode agenege kuli tafa bode, nebere beele oojo wodbode.

Jems 1:17

Dada hilou-hilou oruwanga ere elegeya, toota oruwanga hilobainga tigini, waha oruwanga ha laluwa langa mai-maina. Jijei no taene nomo lala oruwanga heigemuwai, no dada waha huuru nigi ganga ere langa memena. Jijei no waha nomo onowou kejiwe ada ubulu-ubuluna. No dada ete nomo anu hoonga lala langa heige ganga goi ufarodu bona, iinga ege goi tutuna dorofe uwa.

Jems 1:5

Fai ete tere gama langa isou hilou bona tutu tuwei mata wonga, no Itou isou tuwei nomo hauya tuwona, ono wonga Itou no tuwonbona. Itou no dada baingaro fai oruwanga nigi-nigina, no fai isoki tuna waha honggoro beele ada letu‑tuna.

Jems 3:17

Ariya, fai nere ninanege isou hilobainga bagu, Itou langa mai ganga elegede waha, nere fanyimu benou ono-onode. Amugou la, nere ninanege jijiga uwau waha oojo-oojode. Ete, nere ila bagu huwanyanege etengadu yafa bode, nere foinga langa ono nigi bode, fai ila nebere beele isi-iside. Nere fai ila bode augamide nigi ganga, nere hilou tafa nigi-nigide. Fanyimu onouhanga, nere fai oruwanga ono nigi-nigide. Onodu nere onowou hilobainga ewe yaawawou langa ada oojo-oojode. Nere tigini oojode dede.

Jut 1:19

Nere fai waha sios fasaka-fasakade. Nere oulaha fai nebere ninanege wahanga oojo ganenga bona, Hauri Guuni nere langa yafei uwa.

Revelesen 12:9

nere Itou nomo ensel maangi waha tedu ha esene la kaite tuwane. Maangi no waha aminaha, nere lede Satan, “No Fai Oruwa Kot Langa Tafa Nigi-nigina.” No waha oulaha fai-aita oruwa yaawa nigigou fai. Nere no te kaite tuwanenga oula la me gainga, nomo ensel fere elege ayaru niganenga no ngate mane.

Revelesen 2:24

“‘Onou wa, ji elebe tere sios nomo fai‑aita bagu ila Taiataira langa yafaya waha letigini. Tere aita waha nomo beele oojo wegu uwa, onodu tere onowou beha nomo isou tegu uwa, wa nere lede, “Satan nomo huwari beele.” Ji tere benou letigini, Ji ou ete tere langa ada tafoni.

Revelesen 9:11

Nere nebere king ete no nebere mora bagu yafana. King waha no u-u gai gamu minou hugu uwau waha nomo ensel. Hibru beele langa nere ensel waha unyi, Abadon tutude. Ariya ere ebere beele langa nere le‑lede, Dada Oruwanga Inyabamugou Fai.