Jems 3:14 - ITOU NOMO HILOU BEELE

¹⁴ Ariya, tere fai ila boya huwanyatege inyaba dewei mata bonade, gai-gai tere tage unyitege jaimuwei nomo jala kuruwei mata bonade wonga, tere tage tebere ninatege isou hilobainga bagu waha bonade adai edega wagu. Gamaji tere yaawa wadenga, tebere onowou waha no ngalenga beele ilei tuwoga.

Jems 3:14 Iomraidhean Croise

Matiu 27:18

Pailot no onou lewai, wa taate bona, no isai, nere Yesus bodenga huwanyanege inyaba wainga, nere no kot langa haudu goyane.

Jon 16:2

Onodu tere mayadenga nere ngate bori urei nomo bode karu tigodbode. Ono gonga, iinga saini heigonga, nere tere dutege kote wogunga umeru wagu ganga. Onodu nere ninanege isode wa, ‘Ere Itou nomo haruwe hilobainga,’ onoyawou.

Aposel 13:45

Saini Juda nere fai-aita bagu baingaro onou nerigedu bode, huwanyanege gai inyaba dewai. Ono wainga nere Pol nomo beele wari fubode memesi beele letuwane.

Aposel 26:9

“Amina ji yage benou ninafe isi gene, Ji Yesus Nasaretha unyi ileiwei nomo boni dada baingaro ono wonboni igene.

Aposel 5:17

Pris mora bagu nomo ilibumu gane, nere Sadyusi fai, nere aposel dada waha ono wanenga uredu bode huwanyanege danga bagu inyabawai.

Aposel 7:9

“Asage gane nere beha, bainege Josep bode, huwanyanege inyaba wainga haruwe magana ewe dorofe fai ila owonege langa huuru tuwane. Ono wanenga fai nere waha haudu Isip goyane. Ariya Itou no bagu yafai.

Romans 1:29

Nere onowou inyaba hogo fere-fere beha waha ono wane. Nere onowou tigini uwa, agenege warou fanyimu bagu honggoro guruwou fanyimu bagu. Nere fai dada baingaro bagu waha bode huwanyanege inyaba nigi bode, nere fai dunege kote wanenga umeru ganenga, kejiwe honggoro bode, yaawa bode nere fai ila nebere dada nganege elege bode, fai ila inyabamu niginga wane. Onowou inyaba waha oruwanga nere bolonigou. Nere mogonege beele lebode,

Romans 13:13

Ere fai no hoonga langa golona dorofe tigini golowei nomo. Ere kejiwe adai edega boya yaage nyoya. Ere longi fanyimu ono boya onowou jijiga bagu adai hiri tuwoya. Ere kejiwe adai honggoro boya, fai ila bona huwanyage inyaba wona.

Romans 2:17

Onou wa, ji elebe tere Juda bagu beele bagu, tere nuuni beele no edo kot langa hoyo tigona iya yo. Tere tage tebere unyitege jaimu boya benou le-leya, “Ere Itou nomo fai.”

Romans 2:8

Onodu nere ila, nere nage bodenga isi bode, nere beele ngalenga moge tubode, nere onowou hilou uwa waha oojode. Itou no fai-aita waha bona houmu mayonga, no agou gai inyaba kabaka nigonbona.

1 Korin 13:4

Fai no nomo huwanya fai ila nigina waha, no fasayadu honggoro bona nere fanyimu inyaba ono tuwane waha agou ada nigi-nigina. Uwa. No fai oruwanga onowou hilobainga ono nigi-nigina. No fai dada baingaro bagu waha huwanya inyaba ada nigi-nigina. No nogo unyi ada jaumu-jaimuna.

1 Korin 3:3

taate bona, tere huwanyatege asari nomo onowou waha gai oojoya. Yo, baabo gane boya huwanyatege inyaba guruwou, beele langa warawou fanyimu waha tere langa gai inyina. Onodu tere onowou beha onoya wa, tere huwanyatege asari nomo fanyimu ojo-ojoya. Wa nere fai oula behaha nebere onowounga.

1 Korin 5:2

Tere onou onoya wa tere isiya, tere fai ila feiya nigidu tere tigini amugou iya yo? Hilobainga, tere tage tebere unyitege jaimuwou fanyimu waha awadu bonade, aau tarige gonga meragu. Hilobainga, tere fai no fanyimu onou onowai waha so tuwadenga, tere bagu ege adai yafou.

1 Korin 5:6

Tere tage tebere unyitege isouya wa, onowou waha hilou uwa. Adadu? Tere benou adaru isi-isiya, yis menekele mene ono ganga beret oruwanga ngasage-ngasagena?

2 Korin 12:20

Taate bona, ji menanga onou umugeni, gamaji ji tere bagu maidu tere fai adoha yafa gadenga terigei nomo ninafe isini onou langa ada terigoga. Onodu tere fere ji fai adoha yafagehenga yeriyagu ganga gau tigina waha, onou dorofe ada yeriyagu ganga. Gamaji ji tere gamatege langa onowou hogo fere-fere inyi gonga uroga, wa beele langa waradu nere ila boya huwanyage inyabawou, honggoro guruwou, edegawou, memesi beele lewou, mogonege beele lewou, feetowou, onodu haruwe oruwanga hilalamuwou fanyimu.

Galesia 5:15

Ariya, tere tage gamatege langa honggoro guru bonade kejiwe wara wagu waha, tere ure dewagu. Gamaji tere oruwanga yaae wagu ganga.

Galesia 5:20

nere yaawa itou unyinege isouwou bagu, henowa hogo fere-fere tafou bagu, honggoro fanyimu bagu, houge mai gonga honggoro guruwou bagu, huwanyage inyabawou, agege warou, onodu ne nage boninga isini fanyimu waha, beele langa feto-feto guruwou, fai firigagamu nigou fanyimu,

Galesia 5:21

nere fai yafadede waha bode hounege mayou fanyimu yaage nyidu sipakdu edega bode ui bode golowou fanyimu waha, nere dada hogo fere-fere onou waha. Ariya, ji tere amina letigene, onounga elebe ege beele wahanga letigini. Fai oruwanga fanyimu onouha onode waha, nere Itou nomo huuna langa yafou huwanya langa ada goyodbode.

Galesia 5:26

Ere hage ebere unyige ewe adai jaimu woya, nere ila warou jaimuwei nomo huwanyanege adai jaimu nagei nomo, onodu ere ila nebere dada boya agege adai warou.

Galesia 6:13

Nere fai, Juda nebere naani taane waha, nere nage nuuni beele ada oojode-dede. Ariya, nere tere tebere getege gala karu tagidu bode, nere dada tere getege gala langa onode waha langa, unyinege anyakaro tei nomo ono-onode.

Filipai 1:15

Ngalenga, nere fai ila ji unyife jaimu gane nerigane, onodu nere ji bode huwanyanege inyaba wainga, nere ji unyife ilei wode ono wane, onodu hugu waha langa nere Kristus nomo beele malalamudu lewane. Onou wa nere ila ninanege hilobainga langa nere beele malalamudu lewane.

Filipai 2:3

Tere tage bonadenga ninatege isi bonade, unyitege anyakaro adai heigemu wagu. Tere unyitege ilei bonade, benou isagu, nere ila nebere onowou wa tere tebere onowou feiyawou.

1 Timoti 2:4

No fai-aita oruwanga ege gidu hanigonga, nere ngalenga beele nomo hugu edo isodbode waha bona gau tuna.

1 Timoti 6:4

ere edo isei nomo, fai waha no nogo nomo fanyimu gaude bona, ewe fetongana. No isou menanga ete uwau. No ewe dada mene-mene bona beele langa wara bona, beele langa feto guruwei nomo gauwou inyaba bagu waha, ebere fanyige langa nomo onowou waha bona unyige adadu tuwei nomo. Beele onouha waha no fai ono nigi ganga, nere fai ila bode huwanyanege inyaba ganga, beele langa wara bode, memesi beele lebode, nere ila bode ninanege inyaba isi nigi bode,

Taitus 3:3

Ne isini, ere fere amina ninage isou hilou uwau waha boya ere beele feiya geye. Satan no ere yaawa higainga ere Itou nomo jala oojowei uwa. Wa benou, ere ewe huwanyage jayei nomo fanyimu hogo fere-fere bagu geege gala nomo gauwou hogo fere-fere nebere haruwe magana yafeye. Ere huwanyage langa houge mai guru boya ilibage gane boya huwanyage inyaba guruwou fanyimu langa golo weye. Nere fai ere honggoro fai tafa higanenga ere etenga-etenga nere ila honggoro fai tafa nigeye.

Jems 1:18

No nogo nomo gauwou langa, no ebere Amege heigaiha. Ere fai-aita oruwanga dada ila oruwa no tafai waha, nebere amuge nigou yafei nomo bona, Itou no nomo beele ngalenga langa ere heigemu higai.

Jems 3:16

Isagu. Fai nere fai ila bode huwanyanege inyaba ganga, gai-gai nere nage unyinege jaimuwei nomo jala kurude waha, nere ada yafa dede, nere onowou inyaba hogo fere-fere oruwanga ono-onode.

Jems 5:19

O yame baabo gane, tebereha ete no Itou nomo ngalenga beele awadu kejiwe goi gonga, baabo ete no ege gidu haudu mayei mata wonga,