Jems 1:6 - ITOU NOMO HILOU BEELE

⁶ Onou wa, fai waha no huwanya ngalenga dewonga Itou hauya tuwona. No huwanya ngalengawou menanga adai awadu bona benou isona, “Itou no waha hiyona yo, uwa yo?” Wa taate bona, fai no ninau nga bagu, jagui hiiri fu tuganga fekulana dorofe.

Jems 1:6 Iomraidhean Croise

Matiu 14:28

Ono wainga Pita no ege gidu benou letuwai, “Anyakaro, be ne wonga wa, ne ji lehiyahenga ji edo yaage ouwe langa golodu ne bagu goyoni.”

Aposel 10:20

Onou waha bona ne jaidu bonahe heigedu minahe gaara goyagu. Ne ninate baingaro adai isau. Ji yage we huuru nigi nanga mayane.”

Efesus 4:14

Ere ege magana mene-mene dorofe ada yafoboya, onodu ere gelele nigigou fai nere beele tuwa wari bode yaawawei nomo fanyimu oruwanga isidede waha, nebere beele jagui hiiri bagu waaga nu tuganga, waaga hiiri langa kejiwe kalogadu golo bona haumu no hangada tude langa tigini ada goina dorofe kejiwe ada nudu ayaru higodbode.

1 Timoti 2:8

Onou waha boni, ji nere fai-aita matane oruwanga langa owonege isoudu hauyawei nomo gau hina. Ji nere nebere agenege auma yafou Itou tudbode, nere guuni yafodbode gau hina, nere hounege mai ganga honggoro gurude waha awadu bode, nere fanyimu waha langa edo hauya wode.

Hibru 10:23

Ere ebere huwanyage ngalengawou bagu, ere dada hilobainga itariya waha bona bagu beele malalamudu leleya. Ariya ere ebere huwanyage ngalengawou danga bagu yaasu boya, ere adai umugedu gurutu woya. Ere isiya, Itou no dada oruwanga amina ono wonbona lewai waha, no ngalenga tigini ono wonbona.

Hibru 11:6

Onou wa, fai no Itou bona huwanya ngalengawei uwa waha, no Itou nomo gauwou oojowei nomo edo uwa. Taate bona, fai no Itou hinomu langa goyei nomo gau tuna waha, no huwanya benou ngalenga wonbona, Itou no yafana, no nere fai no kuru tude waha, figinide nigi-nigina.

Hibru 13:9

Waha bona, tere beele hogo fere-fere adai awa nigadenga, tere tebere huwanyatege kuse tagi bode ono tigogunga, tere Itou nomo jala awagu ganga. Ere Itou nomo aau warou awa tuwedenga, no ere ebere huwanyage dangamu hagona. Ere ebere huwanyage no da nyei nomo nuuni beele hogo fere-fere langa ada danga tona. Fanyimu waha no nere fai-aita waha langa golode waha hoyo nigei uwa.

Jems 1:7

Fai onouha waha, no Anyakaro dada ete tuwei nomo ninau adai isou.

Jems 5:15

Nere Itou bode huwanyanege ngalenga wonga hauya bode wonga, Anyakaro no taura fai waha jigemu tudu, ege jaimu tuwonbona. Ariya, no une tafai wonga, Anyakaro no une uulu fuwonbona.

2 Pita 2:17

Nere fai waha yaage u-u kanyiwai dorofe. Onodu nere agau dorofe, jagui anyakaro fu nigi ganga fere-fere goi-goide. Itou no haumu tigini agugudu gai usuma kuruwou, nere walanga goi yafei nomo haiya nagaiha.