Jems 1:4 - ITOU NOMO HILOU BEELE

⁴ Ariya, tere gai-gai danga bagu otodu ou aule gadenga, fanyimu waha no tere langa edo danga bagu heigonbona. Ono wonga tere yafade bonade, tere Itou nomo onowou ete bonade ada tutu tigonbona. Uwa. Tere tebere onowou no hilobainga onodu gai tigini inyonbona.

Jems 1:4 Iomraidhean Croise

Matiu 10:22

Nere fai oruwanga tere bode huwanyanege inyaba dewod bode, taate bona, yame unyife no tere langa inyina. Onou wa, fai-aita bagu nere danga bagu yafa gogunga goi fati usuwou la edo wonga, Itou no ege gidu hanigon bona.

Matiu 19:20

Ono wainga magana gila waha no Yesus letuwai, “Nuuni beele waha oruwanga ji oojo oojoni. Ji taate dada boni gai tutu hina yo?”

Matiu 5:48

Onou waha bona, tere fai-aita bagu gai tigininga tigini yafagu, tebere Ametege ha laluwa langa gai tigininga tigini yafana dorofe.”

Mak 10:21

Ono wainga Yesus no fai waha fele-fele tudu gaude tuwai. Onodu fai waha benou letuwai, “Ne dada etenga boni gai tutu hinina. Ne goidu name dada huurudu bonahe, dada waha nomo moni tedu, fai dadanege uwau waha nigau. Ne onou ono bonahe wonga, ne ha laluwa langa dada hilobainga bagu. Ne maidu ji oojo hiyau.”

Luk 18:22

Ono wainga, Yesus no beele waha isidu bona mora bagu letuwai, “Ne dada etenga bona gai tutu hinina. Ne name dada oruwanga huurudu bonahe moni waha tedu, nere fai-aita dadanege uwau waha wese nagau. Ne onou ono bonahe wonga, ne ha laluwa la dada hilobainga tigini bagu. Onodu bonahe, ne mai ji oojo hiyau.”

Luk 21:19

Tere danga bagu yafadu bonade, tere tebere agetege auma yafou tedu, hilobainga yafagu.”

Luk 8:15

Ariya, wit fatu oula hilobainga la orososo wane waha, nere fai beele isidu bode, nere beele waha gai yaasudu yafade dorofe. Nere huwanyanege tigini onodu hilobainga, nere danga bagu yafa bode, da hilou heigemu-heigemude.”

Jon 17:23

Ji nere langa yafa genenga, ne ji langa yafani. Onodu fanyimu waha langa, ji nere huwanyanege gai tigini etengawei nomo boni gaude hina. Ono wogunga, nere fai-aita bagu, ha eseneha nere edo isode wa, ne ji huuru hiyenenga meene. Ariya, ne ji gau hiyene fanyimu onounga la, ne yame gane fere onounga gau nigau.

1 Korin 2:6

Ngalenga, nere fai Itou nomo onowou langa danga bagu heigane, nere beele ere malalamudu leya waha langa isou tetede. Onou wa, nere isou tede waha, nere oulaha fai nebere isou dorofenga uwa. Onodu nere oulaha mora bagu nebere isou dorofenga uwa, wa nere fai yae wode onode waha.

Galesia 6:9

Onou waha bona, ere onowou hilobainga onowei nomo hogonyi adai higou. Ere haruwe tei nomo tuwage ada garewei mata bona wonga, ariya da hilou elegei nomo saini langa, ere da hilobainga tigini waha elego boya.

Kolosi 4:12

Epafras no tere kaiye tigina. No tebere ilibatege, onodu no Yesus Kristus nomo haruwe fai. No gai-gai Kristen nere, Itou nomo onowou amina tedu bode, nomo gauwou oruwa tigini isi dewane dorofe danga bagu oto wodbode waha bona Itou danga bagu hauya tubona isoki tu‑tuna.

1 Tesalonaika 5:23

Itou no huwanyage foinga inyou hugu, no edo ono tigonga tere tebere agetege auma yafou oruwanga no tuwagu ganga, onodu ono tigonga tigini guuni heigagu ganga. Onodu no edo tere tebere hauri bagu, anutege bagu, getege gala bagu oofade tagi gonga, tere hilobainga tigini yafagu ganga, onogade saini ere ebere Anyakaro Yesus Kristus ege gidu mona langa tere nyabuluwou te uwau.

2 Timoti 3:17

Onou waha bona, beele beha no ere Itou nomo fai-aita ono higiganga, ere fanyimu hilobainga oruwanga elegede geyenga, no ere ono higiganga ere haruwe hilobainga hogo fere-fere tei nomo haiyaya.

Hibru 13:21

no edo la onowou hilobainga oruwanga ono wonga, tere tebere agetege auma yafou langa danga bagu heigonga, tere no nomo gauwou tigini edo langa oojo wagu ganga. Yesus Kristus nomo haruwe langa, no edo ere oruwa ono higonga fanyimu oruwa gauna waha elego boya. Onodu saini oruwa langa, ere oruwa edo no unyi isou woboya. Ngalenga.

Jems 1:5

Fai ete tere gama langa isou hilou bona tutu tuwei mata wonga, no Itou isou tuwei nomo hauya tuwona, ono wonga Itou no tuwonbona. Itou no dada baingaro fai oruwanga nigi-nigina, no fai isoki tuna waha honggoro beele ada letu‑tuna.

Jems 3:2

Saini baingaro ere dada ete onowei nomo ninage isidu, ere bou tu-tuya. Dada onouha waha ere oruwanga langa heige-heigena. Ariya, fai ete no beele ila tigini uwa waha ada lena, no yafei mata wonga, fai waha no hilobainga tigini, no nomo gogala matau oruwanga edo oofa oofa dewonbona.

1 Pita 5:10

Itou no augami guruwou oruwanga nomo hugu. No tere edo langa no ngate nomo lala hilobainga gai-gai inyonbona waha langa yafei nomo Yesus Kristus langa tere yaure tigaiha. Onou waha bona, tere ou saini tutu menanga langa aule gadenga, iinga gonga no nogowe tere ege ono tigonga hilou wadenga, huwanyatege ngalengawou dangamu tagi bona, ono tigonga gai-gai danga bagu oto wagu ganga.

2 Pita 1:9

Onou wa, fai no fanyimu waha uwau wonga, no dada baae langa inyide waha ada uronbona, onodu no ago fosokowou dorofe. Ngalenga, no amina une tafai waha Itou no uulu fudu bona, Itou no ono tuwainga jijiga uwau heigaiha. Onou wa, fai waha no Itou no langa dada onowai waha ninau hilalawaiha.