Jems 1:22 - ITOU NOMO HILOU BEELE

²² Onou wa, beele tere teya waha, tere oojo wagu. Tere ewe adai iseinga isagu. Tere ewe iseinga isiya wa, tere tage yaawa guruya.

Jems 1:22 Iomraidhean Croise

Matiu 12:50

Taate bona, fai yo aita ji yame Jijei ha laluwa langa yafana waha nomo gauwou oojo-oojona wonga, no yame baabo, yame ogofe, yame ngaai.”

Matiu 28:20

Ono bonade tere beele oruwa ji letigene waha, oojowei nomo bona isisiwou nigagu. Isagu. Ji fati oruwa langa, tere bagu yafa gehenga goi, ha oula bagu, usuwou la edo wonbona.”

Luk 11:28

Ono wainga Yesus no benou lewai, “Hilobainga, ere benou lewei nomo, fai nere Itou nomo beele isidu oojode waha, edo edega wode.”

Jon 13:17

Elebe tere fanyimu ji ono tiginaha waha nomo hugu tigini waha tere isiyaha. Ariya, tere oojode bonade wonga, tere edo edega wagu!

Romans 2:13

Nere fai nuuni beele ewe iside, nere Itou ago langa fai tigini ada heigode. Uwa. Nere fai nuuni beele oojode wahanga, Itou no nere fai tigini nigonbona.

1 Korin 15:33

Tere fai ila adai awa nigadenga yaawa tigode. Tere beele beha alai, “Ere fai inyaba bagu fadawei mata woya wa, nere ebere onowou hilobainga waha inyabamu hagodbode.”

1 Korin 3:18

Gamaji tere tagewe yaawa guruwagu ganga. Fai ete no tere gamatege langa oula beha nomo dada no isina waha, no ninau benou isi bona wonga, “Ji isou hilobainga bagu,” ariya hilobainga, no amugedu fai dabutayou heigedu, ino edo isou fai tigini heigona.

1 Korin 6:9

Nere fai onowou inyaba ono-onode waha nere Itou nomo huuna langa yafou huwanya langa ada goyodbode. Tere waha boya ada rute isiya? Gamaji tere tage tebere huwanyatege yaawa tuwagu ganga. Nere fai longi fanyimu onode waha, fai nere yaawa itou unyinege isoude waha, fai nere aita fai bagu waha hanigedu golode waha, nere fai onowou hogo fere-fere mayau bagu fai ila bagu onode waha,

Galesia 6:3

Fai ete, no unyi bagu onou isina waha, ariya no unyi uwau, fai waha no nogo yaawa tuna.

Galesia 6:7

Gamaji tere tage-tage yaawa guru bonade, tere ninatege benou isagu ganga, tere Itou edo langa yaawa tuwagu ganga. Tere onou onowei nomo edo uwanga uwa. Ne name haga langa da uwei adoha taunaha wonga, da hogo ne taunaha onounga heigonbona.

Filipai 4:8

Ariya baabo gane, ji beele ete ege lewon boni. Tere saini oruwa fanyimu tigini wahanga bagu, fanyimu hilobainga nere fai onowei nomo edo waha bagu, fanyimu tigini bagu fanyimu jijiga uwau bagu, dada hilobainga bagu dada gai hilobainga tigini bagu, onodu onowou oruwanga gai amugou tigini waha bagu, onowou oruwa nere fai ono gane nerigedu edegaya, waha bonade ninatege isagu.

Kolosi 3:17

Tere tebere beele lewou langa, tebere haruwe langa, onodu tere dada oruwanga onoya langa, tere Anyakaro Yesus unyi langa ono wagu. Onodu no unyi langa, tere Jijei Itou hilobainga tuwagu.

2 Timoti 3:13

Onodu nere fai inyaba bagu, nere yaawa profet bagu, nere fai-aita yaawa nigodbode. Onodu Satan no nere nage fere yaawa nigonga, nere nebere fanyinege gai inyaba heigonbona.

Taitus 3:3

Ne isini, ere fere amina ninage isou hilou uwau waha boya ere beele feiya geye. Satan no ere yaawa higainga ere Itou nomo jala oojowei uwa. Wa benou, ere ewe huwanyage jayei nomo fanyimu hogo fere-fere bagu geege gala nomo gauwou hogo fere-fere nebere haruwe magana yafeye. Ere huwanyage langa houge mai guru boya ilibage gane boya huwanyage inyaba guruwou fanyimu langa golo weye. Nere fai ere honggoro fai tafa higanenga ere etenga-etenga nere ila honggoro fai tafa nigeye.

Jems 1:26

Fai ete no benou isona, “Ji Kristen hilobainga ji Itou tigini unyi isou-isouni,” ariya no hurau ada oofadena wonga, no nogo yaawa tuna. Onou waha bona, no nomo huwanya ngalengawou bagu, nomo bori urou bagu nere dada ewenga.

Jems 4:11

O baabo gane, tere Itou nomo fai-aita ila beele inyaba adai lenigagu. Fai no nere ila beele inyaba lenigina yo, no genege beele tafana wa no nuuni beele, beele inyaba letu bona, nuuni beele go beele bagu tafana. Ariya, ne nuuni beele go beele bagu tafani wonga, ne ege fai ete nuuni beele nomo huuna langa yafana dorofe yafei uwa. Ne jas dorofe heigenaha.

Jems 4:17

Isi dewagu. Ne onowou hilobainga ete isene wonga ne onowau, ariya, ne onowei uwa wonga, ne une tafani.

2 Pita 2:13

Nere fanyimu inyaba hogo fere-fere ono wane waha bona, nere fai ila agou inyaba kabaka nigodbode. Nere hoonga la da yaage bagu baingaro nyei nomo fanyimu waha, edegawei nomo fanyimu tigini ide. Nere tere ngate gaara da nyi boya, tere tage ono tigi ganenga jijiga bagu heige geyenga, nere tere unyitege inyabamu tagide. Onou wa, nere yaawawou fanyimu onode waha bode edega-edegade.

1 Jon 1:8

Ariya ere benou leboya wonga, “Ji une uwau,” ariya wa ere hage ebere huwanyage yaawa tuya, onodu ngalenga beele waha ere huwanyage langa inyei uwa.

1 Jon 2:3

Ariya ere Itou nomo nuuni beele oojowei mata boya wonga, ere tigini benou isi dewei nomo, ere no boya isideya.

1 Jon 3:7

O yame magana mene-mene, tere ure dewagu, gamaji fai ete yaawa tigoga. Fai no fanyimu tigini onona waha, no fai tigini, Kristus dorofenga.

3 Jon 1:11

Ilibafe hilobainga, ne fanyimu inyaba adai oojowau. Ne fanyimu hilobainga waha oojowau. Fai no fanyimu hilobainga onona waha, no Itou nomo fai. Ariya fai no fanyimu hilou ada onona waha, fai waha no Itou urei uwa.

Revelesen 12:9

nere Itou nomo ensel maangi waha tedu ha esene la kaite tuwane. Maangi no waha aminaha, nere lede Satan, “No Fai Oruwa Kot Langa Tafa Nigi-nigina.” No waha oulaha fai-aita oruwa yaawa nigigou fai. Nere no te kaite tuwanenga oula la me gainga, nomo ensel fere elege ayaru niganenga no ngate mane.

Revelesen 22:7

Onodu isagu. Yesus no lewai, ‘Ji tere bagu fasadu mayonboni.’” Nere fai-aita bagu profet beele buk beha la inyina waha, oojo wode wa, nere edo edega wode.