Jems 1:2 - ITOU NOMO HILOU BEELE

² O yame baabo gane, wala-walawou hogo fere-fere tere langa heigei mata wogunga, tere benou isagu, wa edegawei nomo dada wahanga.

Jems 1:2 Iomraidhean Croise

Aposel 5:41

Ono wanenga, aposel nere kaunsel awa nigidu malala heigane. Onodu bode nere Yesus unyi bode edo mayau tedege iwou ninanege isidu, Itou bode edega wane.

Romans 5:3

Onodu ere waha boyanga edegawei uwa. Ou ere langa heigede waha boya fere edo edega woya, taate bona, ere isiya, ou waha ebere huwanyage dangamu hagi‑hagina.

Filipai 1:29

Isagu. Itou no tere figinide tigidu bona awa tiganga tere Kristus nomo haruwe teya. No tere awa tiganga Kristus boyanga huwanyatege ngalenga wegu uwa. No tere awa tiganga nomo unyi langa jimiri fere auleya.

Filipai 2:17

Tere tebere huwanyatege ngalengawou toota dorofe Itou tuya. Onodu ji edo benou isei mata woni, nere ji yame ganefe wain nomo toota dorofe tere tebere toota bagu feuwode wa, ji edeganga wonboni. Ji tere bagu edega wonboni.

Filipai 2:18

Onou dorofenga tere fere edega wagu. Tere ji bagu edega dewagu.

Kolosi 1:24

Ariya, ji elebe tere hoyo tigei nomo ou auleni waha boni ji edegani. Onodu ji Kristus nomo sios hoyo tuwoni ononi, wa nogo nomo gogala. Kristus no sios hoyo tuwei nomo jimiri aulai waha usuwei uwa. Onodu ou ji yage gefe gala langa auloni wa, ji Kristus nomo jimiri waha edomuwei nomo bona.

Hibru 10:34

onodu saini nere tebereha ila dagou mata langa tafa niganenga, tere fai dagou mata langa yafane waha boya augami tigainga, tere hilou tafa nigeye. Onodu saini fai nere tere tebere dada eleganenga, tere yafadu edega boya nere awa nigei, taate bona, tere benou isei, tere tebere dada tigini gai inyina, onodu waha no gai-gai inyonbona.

Jems 1:12

Fai no danga bagu oto bona, wala-walawou nomo ou oruwanga aulena waha, no dabu edega wona. No wala-walawou nomo ou oruwanga feiyawei mata wona wa, Itou no nomo agou dorofe ago auma gai-gai yafou waha tuwonbona. Itou no fai nere gau tude waha ago nigei nomo amina lewaiha.

Jems 1:16

O yame baabo gane tigini, gamaji tere onowou waha awa tuwadenga yaawa tigoga.

Jems 1:19

O yame baabo gane tigini, tere dada beha bonade isi dewagu. Tere oruwanga fasadu beele isei nomo agetege kuli tafagu, ariya, tere beele fasadu adai lebonade, fasadu adai honggoro wagu.

Jems 5:11

Isagu. Ere benou le-leya, “Nere fai huwanyanege dangamudu bode ou aulede waha, nere yafade bode edega-edegade.” Tere Job nomo aasa iseyeha, no huwanya dangamudu bona ou oruwanga no langa heigai waha aule bona yafai. Onodu tere alai, iinga Anyakaro no hilou tafa tuwaiha. Yoo, ere alai, Anyakaro no ere bona gaude tuganga, gai-gai ere bona aau wari-warina.

2 Pita 2:9

Ariya, ere Anyakaro no dada onowai waha boya ninage isidu, ere isoboya, nere fai Itou oojo tude waha nere langa wala-wala nigou heigei mata wonga, Anyakaro no nere wala-walawou waha langa ege gidu hanigei nomo jala isina. Onodu Anyakaro no fai inyaba nebere onowou no isina, onodu no kabaka agou inyaba nigi gonga goi Itou nomo kot anyakaro nomo Fati langa heigei nomo jala no isina.

Revelesen 2:10

Iinga menanga onou ne jimiri aulau ganga, onou wa, waha ne adai umugemu hinou. Isau. Satan no ono wonga, tere wala-wala tigei nomo bona, nere fai ila tere gamatege langa dagou mata langa tafa nigodbode. Ono wogunga, tere ou jimiri bagu fati 10 onou aulagu ganga. Onou wa, ne huwanyate ngalengawou yaasu gahenga goi saini ne umau langa, ji ne agene auma yafou waha ewe toota dorofe hinon boni.