Jems 1:19 - ITOU NOMO HILOU BEELE

¹⁹ O yame baabo gane tigini, tere dada beha bonade isi dewagu. Tere oruwanga fasadu beele isei nomo agetege kuli tafagu, ariya, tere beele fasadu adai lebonade, fasadu adai honggoro wagu.

Jems 1:19 Iomraidhean Croise

Matiu 5:22

Ariya, ji benou letigini, fai no bemu bona honggoro bagu wonga wa, no kot la heigon bona. Ariya, fai no bemu beele inyaba letuwona wa, no amugou kaunsel la heigon bona. Ono wonga fai ete no bemu letuwona, ne dabu tayou tigini, fai waha no tigini eeya ha la goyonbona.

Mak 12:37

Devit no nogowe fai waha no nomo Anyakaro iwai. Ariya adadu bona fai waha no Devit idau?” Fai-aita bagu baingaro yafabode, nere Yesus nomo beele isei nomo edega wane.

Mak 2:2

Onodu, fai-aita bagu baingaro mai komo wanenga mata bolowai. Mata jauli arasai hinomu langa fere, haumu ete te ewe inyei uwa. Ono wanenga, Yesus no beele malalamudu leniginga waiha.

Luk 15:1

Nere takis tegou fai bagu, nere une fai bagu, Yesus nomo beele aaguwei nomo bode, hinomu la mayane.

Luk 19:48

Ono wane wa nere fai-aita bagu oruwanga nomo beele isei nomo danga tafane, ono wanenga mora bagu no dukotewei nomo jala ete uregu uwa.

Aposel 1:15

Saini waha langa, nere Yesus bode huwanyanege ngalengawou fai-aita bagu 120 oruwa. Ariya, Pita no nere gama langa jaidu beele benou malalamudu lewai,

Aposel 10:33

Waha bona ji fasadu onou fai ila huuru nigenenga ne bagu goyane. Ono wenenga ne hilobainga mainaha. Ariya elebe ere oruwanga Itou ago langa maiyaha yafaya beha, Anyakaro no beele oruwanga ere le higei nomo lehinai waha lehigahe isei nomo.”

Aposel 13:48

Fai-aita bagu fereha nere beele waha isidu bode, huwanyanege hilobainga inyai. Nere Anyakaro nomo beele bode edega wane. Ono wanenga Itou no fai-aita bagu oruwanga nere huwanyanege ngalengawai waha, nere gai-gai agenege auma yafei nomo hangada nigai.

Aposel 17:11

Juda nere Beria langa yafane waha, nere fai-aita hilobainga. Nere nebere fanyinege, nere Juda Tesalonaika langa yafane waha nebere fanyinege gai feiyade nigou. Nere Pol nomo beele isidu gaude nigai. Nere fati oruwanga beele Itou nomo buk langa inyina waha lelegedu haawe degane, Onodu nere isodbode, Pol nomo beele ngalenga yo, uwa.

Aposel 2:42

Fai-aita bagu aposel nebere beele isei nomo, bainege gane hoyo nigei nomo, mai komodu da gaara nyei nomo, hauyawei nomo, danga tafane.

Efesus 4:26

Tere houtege mayei mata wonga, ure dewagu. Gamaji tere une tafagu ganga. Gamaji tere houtege mai gonga hoonga minoga.

Efesus 4:31

Tere huwanyatege inyabawei nomo fanyimu oruwanga bagu, honggoro guruwou bagu, houtege mayou, bagu ngirawou bagu, memesi beele bagu, fanyimu inyaba hogo fere-fere oruwanga elege ayaru wagu.

Kolosi 3:15

Kristus no huwanyage foinga inyou higi bona, ere ono higi ganga huwanyage etenga yafaya, onodu huwanyage foinga inyou waha no edo tebere huwanyatege tigini oofa tagona bona. Itou no tere edo langa getege gala etenga heigedu bonade, huwanyatege tigini etengadu yafei nomo bona yaure tigaiha. Tere gai-gai Itou hilobainga tuwagu.

Kolosi 3:8

Onou wa, elebe tere onowou inyaba hogo fere-fere oruwanga elege ayaru wagu, wa honggoro guruwou, houge mayou, huwanyage inyaba guruwou, nere ila beele inyaba lenigei nomo fanyimu, beele jijiga bagu lewou.

1 Tesalonaika 2:13

Ere gai-gai dada waha boya fere Itou hilobainga tu-tuya. Saini tere Itou nomo beele ere hurage langa teiye waha, tere fai nomo beele dorofe tegu uwa. Tere Itou nomo beele tigini dorofe teiye. Onodu beele waha no tere fai-aita Kristus boya huwanyatege ngalenya waha tebere huwanyatege langa danga bagu haruwe tena.

Jems 1:16

O yame baabo gane tigini, gamaji tere onowou waha awa tuwadenga yaawa tigoga.

Jems 1:2

O yame baabo gane, wala-walawou hogo fere-fere tere langa heigei mata wogunga, tere benou isagu, wa edegawei nomo dada wahanga.

Jems 1:26

Fai ete no benou isona, “Ji Kristen hilobainga ji Itou tigini unyi isou-isouni,” ariya no hurau ada oofadena wonga, no nogo yaawa tuna. Onou waha bona, no nomo huwanya ngalengawou bagu, nomo bori urou bagu nere dada ewenga.

Jems 2:1

O yame baabo gane, tere ere ebere Anyakaro Yesus Kristus boya huwanyatege ngalengana, no ha laluwa langa dada hilobainga nebere Anyakaro. Onou waha bona, gamaji tere fai unyinege bagu waha hilou tafa nigi bonade, nere fai ewe waha moge nigagu ganga.

Jems 2:5

Yame baabo gane, tere isagu. Fai nere oulaha fai agenege langa dadanege uwau yafade waha, Itou no fai wahanga, nere huwanyanege ngalengawou fanyimu langa, hilou yafa dewei nomo hangada nigaiha. Amina no beele baara benou tawai, nere fai no gaude tude waha, nere nomo huuna langa yafou waha huwanya langa tafa nigonga yafodbode. Onou waha bona, nere fai dadanege uwau waha nomo huuna langa yafei nomo amina hangada nigaiha.

Jems 3:10

Itou unyi isouwei nomo beele bagu beele inyaba fere, beele hugu ngadu hurage etenga langanga heige-heigena. O yame baabo gane, fanyimu onouha waha no onowou hilou uwa.

Jems 4:11

O baabo gane, tere Itou nomo fai-aita ila beele inyaba adai lenigagu. Fai no nere ila beele inyaba lenigina yo, no genege beele tafana wa no nuuni beele, beele inyaba letu bona, nuuni beele go beele bagu tafana. Ariya, ne nuuni beele go beele bagu tafani wonga, ne ege fai ete nuuni beele nomo huuna langa yafana dorofe yafei uwa. Ne jas dorofe heigenaha.

Jems 5:12

O baabo gane, tere dada amugou ono wagu ganga wa benou. Tere ha laluwa yo, oula yo, dada ete unyi tedu bonade, beele ngalenga tigini ouwe langa iwou adai lewagu. Tere benou lebonade “Yoo,” ariya “Yoo” waha no edo. Tere benou lebonade “Uwa,” ariya “Uwa” waha no edo. Gamaji tere ngalenga tigini ouwe langa iwadenga, Itou no kabaka agou inyaba tigoga.

Jems 5:19

O yame baabo gane, tebereha ete no Itou nomo ngalenga beele awadu kejiwe goi gonga, baabo ete no ege gidu haudu mayei mata wonga,

1 Jon 2:21

Onou waha bona, ji tere beele ngalenga waha alai uwa idu boni beele beha yerege tagei uwa. Ji yeregene, wa taate boni, tere ngalenga beele waha alai, onodu tere isiya, ngalenga beele no beele yaawa heigemuwei nomo edo uwa.