Jems 1:1 - ITOU NOMO HILOU BEELE

¹ Ji Jems, ji Itou Anyakaro Yesus Kristus ngare neire haruwe fai. Ji pas beha tere Israel komo 12 waha yeregedu huuru tagini, tere tebere matane hugu awadu boya goyei oula fere langa yafaya. Ji kaiye anyakaro tigini.

Jems 1:1 Iomraidhean Croise

Matiu 10:3

Filip wainga Batolomyu wainga Tomas wainga Matyu, no takis tegou fai. Onodu Jems, no Alfius idau, onodu Tadius

Matiu 13:55

Ere isiya fai beha no kamda idau ete, nomo anya Maria, nomo bemu gane, Jems, Josep, Saimon, ono wainga Judas.

Matiu 19:28

Ono wainga Yesus no nere lenigai, “Ji ngalenga letigini, saini dada oruwanga ege heigei nomo saini langa, Fai Nomo Idau no unyi anyakaro bagu nomo sia king langa yafonbona, ono gonga saini waha langa, tere fai ji oojo hiya waha tere fere sia 12 waha langa yafa bonade, nere Israel nebere komowou 12 waha oofa nigagu ganga.

Mak 3:18

Onodu nere ila fere hangada nigai waha nebere unyinege benou, Andru wainga Filip wainga, Batolomyu wainga, Matyu wainga, Tomas wainga, Alfius idau Jems wainga, Tadius wainga, Saimon, no Selot nebereha fai ete,

Luk 22:30

Onodu yame huuna la yafou langa, tere yame tewol langa yafa bonade da yaage bagu nyagu ganga. Ono bonade tere sia hilobainga langa yafa bonade, nere Israel 12 waha oofa nigagu ganga.”

Luk 6:15

onodu Matyu wainga Tomas wainga, Jems no Alfius idau, ono wainga Saimon, fai waha no Selot nebereha ete,

Jon 12:26

Fai ete ji yame haruwe te bona wonga, no ji oojo hiyonbona. Ono wonga, haumu ji yafani waha langa, ji yame haruwe fai fere ji ngare yafoboyare. Fai no ji yame haruwe te bona wonga, yame Jijei no fai waha unyi anyakaro tuwonbona.”

Jon 7:35

Ono wainga, Juda nere nage-nage benou leguru wane, “No alanga goyonga, ere no ada uroboya lena? No ebere gane nebere kantri Grik langa yafade la goidu bona isisiwou nigona rute?

Aposel 1:13

Nere taon huwanya goidu, jauli ouwe langa, nere yafa yafade langa manane. Nere unyinege benou, Pita, Jon, Jems, Andru, Filip, Tomas, Batolomyu, Matiu, Jems Alfius idau, Saimon no Selotha fai ete, Judas Jems idau.

Aposel 12:17

Ono wanenga Pita no owo wenga nere beele adai lewei nomo bona karu nigai. Onodu no Anyakaro dagou mata huwanyaha adadu haudu tamai malala langa tafa tuwai waha bona hai nagai. Onodu benou lenigai, “Tere Jems, baabo gane bagu dada beha bonade lenigagu.” Onodu Pita no awa nigidu ha fere langa goyai.

Aposel 15:13

Nere beele leboro warenga, Jems no benou lewai, “Oo tere baabo gane, tere yame beele isagu.

Aposel 15:21

Ere alai, aminaha mai elebe fai fereha nebere taon oruwanga langa, nere Moses nomo beele malalamudu legou fai bagu. Onodu Sabat nomo fati oruwanga la nere Moses nomo beele bori mata huwanya langa lelege-lelegede.”

Aposel 15:23

Nere owonere langa pas ete huuru wane waha no beele benou bagu, “Ere aposel bagu, mora bagu, ere tebere baitege gane, ere pas beha yeregedu tere baige gane fai fereha tere Antiok taon langa, Prowins Siria bagu Silisia bagu nebere haumu oruwa langa yafaya waha huuru tagiya. Baabo gane kaiye.

Aposel 2:5

Juda ila mai Jerusalem langa yafane, nere Itou unyi isougou fai, nere oula beha nomo kantri oruwa langa mayane.

Aposel 21:18

Inyi hamba Pol no ere gaara Jems uroya goyeye. Nere sios nomo mora bagu oruwanga, nere fere saini waha langa maidu komo wane.

Aposel 23:26

“Ji Klodius Lisias, ji pas beha fai anyakaro no gabman amugou Filiks, yerege fu genenga goina. Kaiye.

Aposel 26:7

Ere ebere olobeta mutu 12 waha nere hoonga bagu ooru bagu Itou unyi isou isoude, nere huwanyanege ngalenga de ganga dada wahanga heigei nomo itaride. Ariya king, ji fere huwanyafe ngalenga ganga dada waha itarini. Dada wahanga no beele hugu, Juda nere ji geefe langa wari ganenga maina.

Aposel 8:1

Sol ago langa, Stiven onou langa ono tuwane wa tigini. Fati nere Stiven dukote wanenga umai langa, nere sios nomo fai-aita bagu Jerusalem langa yafa gane waha inyabamu nigou hugu warane. Ono wanenga sios nomo fai-aita bagu oruwanga heige haradu fere-feredu, Judia distrik bagu Samaria distrik bagu nebere ulate langa goyane. Ariya aposel nere Jerusalem langa gai yafane.

Romans 1:1

Ji Pol we, ji Yesus Kristus nomo haruwe magana. No ji aposel heigei nomo yaure hidu bona, Itou nomo hilou beele malalamudu lewei nomo hangada hiyai.

Galesia 1:19

Ono wene saini waha langa, ji aposel ete-te urei uwa. Ji Jems, Anyakaro nomo bemu, no wahanga urene.

Galesia 2:12

Saini nere Jems nomo gane mai heigegu uwa inyi gainga, Pita no fai-aita fereha bagu da gaara nyi gane. Ariya, saini nere mai heiganenga, Pita no Kristen nere genege gala karuwei nomo fanyimu bode danga tafa gane waha umuge nigai. Onodu bona no fai-aita fereha bae nigidu bona, ege ada fada nigigai.

Galesia 2:9

Ariya, fai‑aita bagu nere Jems wainga Pita wainga Jon, nere sios nomo fai aroro dorofe nerige gane, onodu saini nere fai waha Itou no ji bona aau warainga haruwe beha hiyai waha isidu bode, nere ji Barnabas ngare sigani hiridu bode, nebere bainege tigini dorofe hairaneha. Ere oruwanga huwanyage etengadu boya, beele benou ngado weye, ere nga edo nere fai-aita fereha gamanege langa haruwe te gederenga, nere nage edo Juda gamanege langa haruwe todbode.

Filipai 1:1

Ji Pol, ji Timoti ngare ere Yesus Kristus nomo haruwe magana. Ere pas beha tere Yesus Kristus nomo fai-aita bagu, tere fai-aita oofa nigigou bagu, tere sios haruwe fai bagu, Filipai taon langa yafaya waha yerege tagiyare.

2 Timoti 4:21

Ne fasayadu mayei nomo danga tafau. Gamaji ne itari gahenga, oto saini bagu karaga saini bagu heigoga. Yubulus wanga, Pudens wanga, Linus wanga, Klodia wanga, nere Kristen baige gane oruwanga tere kaiye tigou huuru tagane.

Taitus 1:1

Ji Pol, ji Itou nomo haruwe magana, onodu ji Yesus Kristus nomo aposel. No ji Itou no nogo nomo fai-aita bagu hangada nigai waha, nebere huwanyanege ngalengawou dangamu nagi boni, beele ngalenga waha isou tei nomo hoyo nigi boni, nere Itou nomo onowou oojowei nomo bona huuru hiyainga goyene.

1 Pita 1:1

Ji Pita, ji Yesus Kristus nomo aposel. Ji pas beha tere Itou nomo fai-aita Pontus prowins langa, Galesia prowins langa, Kapadosia prowins langa, Esia prowins langa, Bitinia prowins langa tere yao fai dorofe yafaya waha yerege tagini.

2 Pita 1:1

Ji Saimon Pita, ji Yesus Kristus nomo haruwe magana onodu nomo aposel, no ere ebere Itou, onodu no ere ege gidu haigou Fai. Ji beele beha tere fai-aita huwanyatege ngalengawou hilobainga tigini tei waha yerege tagini. Yesus Kristus nomo onowou tigini langa, tere tebere huwanyatege ngalengawou no ere ebere huwanyage ngalengawou dorofenga heigai.

Jut 1:1

Ji Jut, Ji Yesus Kristus nomo haruwe magana, ji Jems bemu. Ji pas beha tere fai-aita Itou no yaure tigai waha yerege tagini. Jijei Itou no tere bona gaude tu ganga, Anyakaro Yesus Kristus no nogo tere oofa tigi-tigina.

Revelesen 7:4

Onodu ji nere fai-aita Itou nomo naani taane waha nebere lelege nigou lewanenga isene. Nere Israel oruwanga gamanege langa fai‑aita 144,000 naani tafa nagane.